ລິ້ງ ສຳຫລັບເຂົ້າຫາ

ອິນໂດເນເຊຍ ເຊື່ອວ່າ ບຸກຄົນ ທີ່ທາງການ ຕ້ອງການໂຕທີ່ສຸດ ຖືກສັງຫານແລ້ວ


ໂຄສົກຕຳຫລວດແຫ່ງຊາດ ທ່ານ Boy Rafli Amar ກ່າວຕໍ່ ກອງປະຊຸມນັກຂ່າວ ກ່ຽວກັບການຕາຍ ຂອງຜູ້ຕ້ອງສົງໄສ ທີ່ທາງການ ຕ້ອງການໂຕທີ່ສຸດ.

ໂຄສົກຕຳຫລວດແຫ່ງຊາດ ທ່ານ Boy Rafli Amar ກ່າວຕໍ່ ກອງປະຊຸມນັກຂ່າວ ກ່ຽວກັບການຕາຍ ຂອງຜູ້ຕ້ອງສົງໄສ ທີ່ທາງການ ຕ້ອງການໂຕທີ່ສຸດ.

ພວກ​ເຈົ້າ​ໜ້າ​ທີ່​ອິນ​ໂດ​ເນ​ເຊຍ​ໄດ້​ຢືນຢັນວ່າ ພວກ​ຫົວຮຸນ​ແຮງ​ນອກ​ກົດ​ໝາຍ ຂອງ​ປະ​ເທດ ທີ່​ທາງ​ການ​ຕ້ອງການ​ໂຕນັ້ນ ​ໄດ້​ຖືກ​ສັງຫານແລ້ວ ​ໃນ​ການ​ຍິງ​ຕໍ່ສູ້​ກັບ​ຕຳຫລວດ.

ທ້າວ Santoso ​ແລະ​ພວກ​ຫົວ​ຮຸນ​ແຮງຄົນ​ອື່ນໆ​ ໄດ້​ຖືກ​ສັງຫານ​ໃນ​ວັນ​ຈັນ​ວານ​ນີ້ ຢູ່​ໃນ​ເຂດ Poso ທາງ​ພາກ​ຕາ​ເວັນ​ອອກ​ ຂອງ​ເກາະ Sulawesi ບ່ອນ​ທີ່​ຕຳຫລວດ ​ແລະ​ກຳ ລັງທະຫານ​ພວມ​ຕາມ​ລ່າ​ຫາ​ໂຕລາວ ຢ່າງ​ບໍ່​ລົດ​ລະ​ ​ມາ​ເປັນເວລາ​ຫ້າ​ປີ. ສົບ​ຂອງ​ລາວ ​ໄດ້​ພິສູດ​ວ່າ​ເປັນ​ທີ່ຖືກຕ້ອງ.

ທ້າ​ວ Santoso ​ໄດ້​ເປັນ​ຫົວໜ້າກຸ່ມ Mujahadeen ​ໃນພາກ​ຕາ​ເວັນ​ອອກ​ຂອງ​ອິນ​ໂດ​ເນເຊຍ ຊຶ່ງ​ເປັນ​ກຸ່ມກໍ່​ການ​ຮ້າຍນ້ອຍໆທີ່ ​ຈົງ​ຮັກ​ພັກດີ​ຕໍ່​ລັດ​ອິສລາມ. ກຸ່ມ​ດັ່ງກ່າວ​ໄດ້​ດືງດູດ​ພວກ​ຫົວ​ຮຸນ​ແຮງ​ຈາກ​ບັນດາ​ປະເທ​ດອື່ນໆ ຮວມທັງ​ບັນດາ​ສະ​ມາ​ຊິກ​ຊາວມຸສລິ​ມ Uighur ທີ່​ເປັນ​ຊົນ​ກຸ່ມນ້ອຍຂອງຈີນ ຈາກ​ຂົງ​ເຂດ Xinjiang ທາງຕາ​ເວັນ​ຕົກ​ປະ​ເທດ​ຈີ​ນ.

ທ້າວ Sanjtoso ​ໄດ້​ຢູ່​ໃນ​ບັນຊີ​ພວກ​ກໍ່​ການ​ຮ້າຍ​ຢູ່​ໃນ​ໂລກ​ໂລກ​ ຂອງ​ສະຫະລັດ ໃນ​ຕົ້ນ​ປີ​ນີ້. ກະຊວງ​ຕ່າງ​ປະ​ເທດ​ສະຫະລັດ ກ່າວ​ວ່າ ກຸ່ມMujahideen ​ໃນ​ພາກຕາ​ເ​ວັນ​ອອກ​ອິນ​ໂດ​ເນ​ເຊຍ ຮັບຜິດຊອບ​ໃນ​ການ​ສັງຫານ​ຫລາ​ຍໆຄັ້ງ ​ແລະ​ລັກພາ​ໂຕ.

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG