ລິ້ງ ສຳຫລັບເຂົ້າຫາ

ອົງການ Indigo Threads ຊ່ວຍເຫລືອ ປະຊາຊົນ ໃນເຂດຊານເມືອງປາກເຊ


ທ່ານນາງ Mary D. Myers ແລະຊ່າງຄວັດໄມ້ ໃນເຂດທ້ອງຖິ່ນ ທີ່ຄວັດປ້າຍຊຶ່ “Indigo Threads” ໃຫ້ອົງການຂອງທ່ານນາງ.

ທ່ານຜູ້ຟັງທີ່ເຄົາລົບ ເຮົາຂໍປ່ຽນລາຍການຊີວິດຊາວລາວໃນຕ່າງແດນຂອງເຮົາແລງມື້ນີ້ ມາເປັນ ຊິວິດຊາວອາເມລິກັນໃນລາວ ເພື່ອເປັນກຽດໃຫ້ແກ່ ທ່ານນາງ Mary D. Myers ນັກອາສາ ສະມັກຜູ້ໃຈບຸນ ທີ່ໄດ້ໃຊ້ເງິນສ່ວນໂຕເພິ່ນເອງ ຈັດຕັ້ງອົງການ Indigo Threads ຂື້ນມາ ເພື່ອໃຫ້ການຊ່ວຍເຫລືອເກື້ອກູນ ທາງດ້ານການສຶກສາ ເຄື່ອງນູ່ງຫົ່ມ ອາຫານ ຢາປົວພະຍາດ ແລະອື່ນໆ ແກ່ປະຊາຄົມລາວທີ່ທຸກຍາກ ໃນເຂດນອກເມືອງປາກເຊ ຊື່ງ ກິ່ງສະຫວັນ ມີບົດສໍາພາດກັບຜູ້ກ່ຽວ ມາສະເໜີທ່ານ.

“Indigo Threads” ອີນດີ​ໂກ ​ແທຣດສ໌ ຫລື ​ເສັ້ນ​ຝ້າຍ​ສີຟ້າ​ສີຄາມ ມີຄວາມໝາຍ​ເຖິງສິນ
ລະປະພຶ້ນເມຶອງລາວ ຊື່ງເປັນຜະລິດຕະພັນສີໄມ້ລາຍມືຂອງສັດຕີລາວ ຜູ້ມີຄວາມພາກ
ພ່ຽນອົດທົນຍ້ອມ​ເສັ້ນຝ້າຍ ໃຫ້ມີສີສັນອັນງົດງາມ ແລ້ວນໍາມາຕໍ່າໃຫ້ເປັນ​ແຜ່ນແພອັນ
ລະອຽດອ່ອນມີລວດລາຍທິ່ເປັນເອກກະລັກຂອງຕົນເອງ ອັນເປັນມະໂນພາບທີ່ລະບາຍ
ອອກມາຈາກຈິດໃຈອັນບໍລິສຸດຂອງສະຕິລາວ ແລະນັ້ນກໍແມ່ນແນວຄິດທີ່ນໍາໄປສູ່ຊື່ຂອງ
ອົງການ "Indigo Threads" ທີ່ເປັນອົງການເອກກະຊົນຊ່ວຍເຫລືອດ້ານມະນຸດສະທໍາ
ທີ່ບໍ່ສ້າງຜົນກໍາໄລ ຕັ້ງຂື້ນມາຢ່າງເປັນທາງການໃນປີ 2005 ໂດຍສະຕິອາເມຣິກັນທີ່ມີຊື່
ວ່າ Mary D. Meyer.

ທ່ານນາງ Mary D. Myers ກັບເດັກນ້ອຍນັກຮຽນ ທີ່ໄດ້ຮັບການແຈກແວ່ນຕາກັນແດດ ແລະຂອງຂວັນອື່ນໆ .
ທ່ານນາງ Mary D. Myers ກັບເດັກນ້ອຍນັກຮຽນ ທີ່ໄດ້ຮັບການແຈກແວ່ນຕາກັນແດດ ແລະຂອງຂວັນອື່ນໆ .

ອົງການ​ Indigo Threads
ຕັ້ງ​ຢູ່​ລັດຄາ​ລີ​ຟໍເນຍ ມີ​ໃບອະ
ນຸຍາດ​ຍົກ​ເວັ້ນການ​ເສຍ​ພາສີ
ຈາກຣັຖບານສະຫະລັດ ຢ່າງ
ຖືກຕ້ອງ. ທ່ານ​ນາງ ​Meyer
ເປັນ​ຜູ້ກໍາກັບ​ຫ້ອງການ​ທັງໝົດ
ມີ​ທີ່ປຶກສາ​ສອງຄົນແລະມີແຕ່
ພຽງ​ທ່ານ​ນາງຄົນດຽວເທົ່າ​ນັ້ນ​
ທີ່ເຮັດ​ວຽກ​ຢູ່ໃນເມືອງລາວ​.
ໂຄງການ​ Indigo Threds
ມີ​ງົບປະມານໜ້ອຍທີ່ສຸດ​
ເພາະ​ວ່າ ມັນ​ແມ່ນເງີ​ນ​ເບ້ຍ​
ບໍານານສ່ວນ​ຕົວ​ຂອງທ່າ​ນ​
ນາງ​ Meyer ພ້ອມ​ດ້ວຍ
ເງິນບໍ​ລິຈາກ​ຂອງ​ໝູ່​ເພື່ອນ​
ແລະຍາດ​ຕິ​ພີ່ນ້ອງມາຊ່ວຍ
ອຸປະຖໍາ​ໂຄງການ​ດັ່ງກ່າວ​. ທ່ານ​ນາງ ​Mary D. Meyer ເກີດ​ຢູ່ເມືອງ Deluce ລັດ
Minnesota ພາກ​ກາງ ຂອງ​ສະຫະລັດອາ​ເມຣິກາ. ຫລັງ​ຈາກ​ໄດ້​ເຮັດ​ວຽກດ້ານ​ທ່ອງ
ທ່ຽວມາເປັນເວລານານ ​ທ່ານ​ນາງ ​ແມຣີ ​ໄດ້​ລາ​ອອກ​ມາ​ກີ​ນເບ້ຍ​ບໍານານ ​ແລະຖືໂອ
ກາດ​ເດີນທາງ​ໄປ​ຢ້ຽ​ມຢາ​ມພາກ​ພື້ນ​ອາ​ຊີ ​ໂດຍ​ສະ​ເພາະ​ເມືອງ​ລາວ​ແຕ່​ກ່ອນ​ໜ້າ​ນັ້ນ
ທ່ານເຄີຍໄດ້​ໄປ​ຢ້ຽມ​ຢາມຫລາຍໆ​ທະວີ​ບ​ ໃນ​ໂລກມາ​ແລ້ວ.

ທໍາມະຊາດຍາມແລງ ຕາມລໍາແມ່ນໍ້າຂອງ ທີ່ທ່ານນາງແມຣີ ມາຍເອີສ໌ ມັກຫລາຍ
ທໍາມະຊາດຍາມແລງ ຕາມລໍາແມ່ນໍ້າຂອງ ທີ່ທ່ານນາງແມຣີ ມາຍເອີສ໌ ມັກຫລາຍ

ລະຫວ່າງປີ 2000-2005 ທ່ານ​ນາງ
Meyer ໄດ້ເດີນ​ທາງໄປທ່ຽວ​ທັດສະນາ
ຈອນໃນພາກ​ເໜືອ​ຂອງ​ລາວຫລາ​ຍ​ຄັ້ງ
ແລະຄັ້ງທີ່ສີ່ ກໍ​ໄດ້​ຜະຈົນ​ໄພໄປ​ຢ້ຽມຢາມ
ພາກໃ​ຕ້ໃນເຂດເມືອງປາກ​ເຊ​. ຊຶ່ງເມື່ອ​
ໄດ້ໄປເຫັນ​ແລ້​ວ ທ່ານ​ນາງ Meyer ກໍ
ເກີດ​ມີ​ຄວາ​ມ​ຫລົງ​ໄຫລຮັກ​ເມື​ອງລາວ,
ຮັກຄົນ​ລາວ ​ແລະເຫັນວ່າ​ຄົນລາວ​ມີ​
ຄວາ​ມຕ້ອງການໆ​ຊ່ວຍ​ເຫລື​ອຢ່າງໃຫ່ຍ
ຫລວງ. ​ແທນ​ທີ່​ວ່າ ທ່ານ​ນາງ Meyer
ຈະ​ດໍາ​ເນີນສະ​ແຫວ​ງຫາ​ການຊອກຫາຄວາ​ມສຸກໃຫ້​ແກ່​ຕົວ​ເອງ ທ່ານກັບຕັດ​ສີນ​ໃຈ​ທັນທີ
ເລີຍ​ວ່າ​ ແຫ່ງ​ນີ້​ລະເປັນ​ບ່ອນ​ທີ່ທ່ານ​ນາງຈະ​ມາໃຊ້​ຊີວິດບັ້ນ​ປາຍ ​ໂດຍ​ອາໃສ​ເງິນ​ເບັ້ຍ​ບໍາ
ນານ ​ແລະຊັບ​ສີນຂອງ​ຕົນ​ເອງ​ ໃຫ້ການຊ່ວຍ​ເຫລືອ​ແກ່ປະ​ຊາຊົນລາວທີ່ຢູ່​ຫ່າງໄກ ​ແລະ
ໂດດດ່ຽວ​. ນັບ​ຕັ້ງແຕ່​ໄດ້​ເປີດ​ໂຄງການ​ນີ້​ມາ ທ່ານ​ນາງ ​Meyer ໄດ້ໃຊ້​ເວລາ​ຢູ່​ເມືອງ​ລາວ
ສິບເດືອນ​ເຄິ່ງໃນແຕ່ລະປີ ເພື່ອ​ເຮັດວຽກຊ່ວຍເຫລືອຂອງເພີ່ນ​ຢູ່​ທີ່​ນັ້ນ ທ່ານ​ນາງ Meyer
ຈະ​ກັບຄືນ​ມາບ້ານກໍໃນຍາມລະດູຮ້ອນເພື່ອກວດເບິ່ງ​ຜົນງານ​ທີ່​ໄດ້ປະຕິບັດ​ມາ ພ້ອມ​ທັງຖື​
ໂອກາດ​ຊອກ​ຫາ​ທືນ​ເພື່ອ​ຕື່ມອີກ ເພື່ອນໍາໄປ​ດໍາ​ເນີນກິດຈະການຢູ່ໃນເມືອງລາວຕໍ່​ໄປ ທ່ານ​
ນາງ ​Meyer ​ກ່າວກ່ຽວ​ກັບ​ໂຄງການ​ຂອງ​ທ່ານນາງວ່າ:

ລໍາລຽງອາຫານທ່ຽງ ໄປໃຫ້ເດັກນ້ອຍນັກຮຽນ ໃນເຂດຊົນນະບົດ ກິນ ອາທິດລະ 2800 ຊຸດ.
ລໍາລຽງອາຫານທ່ຽງ ໄປໃຫ້ເດັກນ້ອຍນັກຮຽນ ໃນເຂດຊົນນະບົດ ກິນ ອາທິດລະ 2800 ຊຸດ.

“ຂ້ອຍເຮັດວຽກຫ້າ​ໂຄ​ງການ
ໃນແຕ່ລະປິ ​ເຊັ່ນ​ວ່າ ປູ​ງ​ແຕ່ງ
ອາຫານກາງເວັນ ຢູ່​ທີ່ເມື​ອງ
ປາກເຊ ແລ້ວເອົາໄປສົ່ງໃຫ້​
ເດັກນ້ອຍ​ນັກຮຽນຢູ່​ໂຮງຮຽນ
ຕ່າງໆຕາ​ມຊົນ​ນະ​ບົດ, ຊຶ່ງ​ປີ​
2011 ນີ້ພວກ​ເຮົາ​ໄດ້​ແຕ່ງ
ອາຫານເວັນ 2800 ຊຸດ​ຕໍ່
ອາທິດ ເອົາໄປແຈກໃຫ້ຫ້າ
ໂຮງຮຽນ ແລະພວກຊາວ
ບ້ານໃນເຂດອ້ອມແອ້ມ ​ແລ້ວ
ກໍ​ມີ​ໂຄງການ​ອ່ານ​ແລະຮຽນ
ຮູ້ແບບອື່ນໆໄປພ້ອມ ຢູ່ໂຮງ
ຮຽນ​ທຸກໆ​ວັນ​ສຸກ ​ໂດຍໃຫ້
ເດັກນ້ອຍ​ນໍາ​ປື້​ມອ່ານ​ຂ​ອງ
ໃຜລາວ​ມາ​ອ່ານ ຖ້າວ່າມີ
ພ້ອມ​ດ້ວຍ​ອຸບປະກອນ​ຂອງ​ຕົນ​ເອງ. ນອກ​ນັ້ນ ​ກໍ​ມີ​ໂຄງການ​ສຸຂະ​ພາບນັກຮຽນ ທີ່
​ພວກເຮົາ​ຈ້າງ​ທ່ານໝໍ ​ແລະນາງ​ພະຍາ​ບານ​ມາ​ຈາກ​ໂຮງໝໍ ​ເພື່ອ​ມາກວດຮ່າງກາຍ
ເດັກນ້ອຍ. ພວກ​ເຮົາ​ຍັງແນະ​ນໍາ ແລະສະ​ເໜີ​ອາຫານທີ່​ມີຄູນປະໂຫຍດທາງໂພສະນາ
ການ ແລະມີຮ້ານຂາຢາທ້ອງ​ຖິ່ນ​ຮ້ານນຶ່ງ​ໄດ້​ບໍ​ຣິຈາກຢາວິຕາມີນໃຫ້ເດັກນ້ອຍ ແລະ
ແຈກຂອງຂວັນເລັກໆນ້ອຍໆທີ່ກ່ຽວກັບສຸຂະພາບອານາໄມ. ​ພວກເຮົາຍັງ​ສະໜອງ
ອຸ​ບປະກອນການຮຽນ ​ແລະແມ່ນແຕ່ລົດຖິບໃຫ້ໂຮງຮຽນ ແລະນາຍຄູນໍາ ແລະກໍມີ
ທຶນໃຫ້ນັກຮຽນຝຶກຫັດ​ຄູ​ຢູ່​ເຈັດ​ທືນ ​ເພື່ອ​ໄປ​ຮຽນທີ່ວິທະຍາໄລສ້າງຄູທີ່ປາກເຊ. ມີ
ນັກຮຽນສີ່ຄົນຮຽນຈົບໄປແລ້ວ ​ແລະໄດ້​ສອນ​ຢູ່​ຕາ​ມ​ໂຮງຮຽນ​ຊົນນະບົດ. ​ນອກ​ນັ້ນ​
ພວກເຮົາຍັງໄດ້ຊ່ວຍເຫລືອຫລາຍໆໝູ່ບ້ານທີ່ປະສົບບັນຫາຕ່າງໆເປັນຕົ້ນວ່າຫລັງ
ຄາເຮືອນຊາວບ້ານຮົ່ວ ເຂົາເຈົ້າຕ້ອງການຢາແກ້ໄຂ້ມາລາເຣຍບໍ ຄວາມຕ້ອງການນັ້ນ
ແມ່ນຫລວງຫລາຍ ແຕ່ເງິນທຶນນັ້ນຊໍ້າພັດໜ້ອຍ. ແຕ່ມັນກໍຍາກ ທີ່ຈະນັ່ງເບິ່ງຢູ່ລ້າໆ
ໂດຍບໍ່ຊ່ວຍ ບໍ່ເຮັດຫຍັງເລີຍ."

ສໍາລັບໂຄງການ​ກວດ​ສຸກຂະ​ພາບນັ້ນ ທ່ານນາງ Mary ໄດ້ດໍາເນີນມາເປັນປີ​ທີ່​ 4 ນີ້ແລ້ວ
ຊຶ່ງໄດ້ຈັດຂື້ນເປັນເວລາ 7 ວັນ ໃນເດືອນກຸມພາຜ່ານມາ ດ້ວຍການຮ່ວມມືກັບພະແນກ
ສຶກສາແລະສາທາລະນະສຸກຂອງເມືອງປະທຸມພອນ ແລະຮ້ານຂາຍຢາຮ້ານນຶ່ງທີ່ສະໜອງ
ວິຕາມີນໃຫ້ສໍາລັບໂຄງການນີ້ ທີ່ໃຫ້ການຊ່ວຍເຫລືອແກ່ໂຮງຮຽນປະຖົມ 9 ແຫ່ງໃນເຂດ
ຊົນນະບົດສອກຫລີກ ຊຶ່ງສ່ວນໃຫຍ່ແມ່ນໂຮງຮຽນຊົນເຜົ່າ ທີ່ຖືກກະທົບໂດຍພະຍາດຂີ້
ທູດ. ທ່ານນາງອະທິບາຍຕຶ່ມວ່າ:

ພະນັກງານ Indigo Threads ຄົນນຶ່ງ ຕັກອາຫານໃຫ້ເດັກນ້ອຍ.
ພະນັກງານ Indigo Threads ຄົນນຶ່ງ ຕັກອາຫານໃຫ້ເດັກນ້ອຍ.

“ມີສາມໝູ່ບ້ານເປັນຂີ້ທູດ ແຕ່ກໍບໍ່​
ໄດ້ໝາຍ​ຄວາມ​ວ່າ ທຸກໆ​ຄົນ​ຢູ່ໃນ
ບ້ານ​ເປັນຂີ້ທູດໝົດ ແຕ່ຍ້ອນວ່າ​ມີ
ຄົນເປັນຂີ້ທູດ ຫລາຍໆຄົນຈື່ງບໍ່
ຢາກ​ເຂົ້າ​ໄປ​ໃນ​ໝູ່​ບ້ານ​ເຫລົ່ານັ້ນ
ເພາະສະນັ້ນ ຂ້າພະ​ເຈົ້າຕ້ອງໄດ້
ຈ້າງນາຍໝໍ ແລະນາງພະຍາບານ
ຈາກພະແນກສາທາລະນະ​ສຸກ
ແຂວງ ສີ່ຄົນດ້ວຍກັນ ເພື່ອໄປ​ສັກ​
ຢາ ໄປກວດເດັກນ້ອຍ​ນັກຮຽນ ຢູ່
9 ໂຮ​ງຮຽນດ້ວຍກັນໃນປີກາຍນີ້
ຊຶ່ງມີນັກຮຽນ 1300 ​ຄົນມາຮັບ
ການບໍລິການ 7 ມື້ ຊຶ່ງກົງກັບສັບ
ປະດາສຸຂະພາບແຫ່ງ​ຊາດລາວ.
ພວກນາຍໝໍກັບພະຍາຍາບານ
ຈະວັດແທກຄວາມຕໍ່າຄວາມສູງ ​ແລະນໍ້າໝັກຂອງເດັກນ້ອຍ ຕະຫລອດທັງອຸນນະ
ພູມ ຄວາມດັນເລືອດ ແລະຖ້າມີຫຍັງຜິດປົກກະຕິ ພວກເຮົາກໍຈະຂຽນໝັງສືເມືອ
ບອກຄອບຄົວວ່າ ເດັກນ້ອຍຄົນນີ້ມີບັນຫາທາງສຸຂະພາບ ຕ້ອງໄປຮັບການຮັກສາ.
ໃນເບື້ອງຕົ້ນນັ້ນ ຂ້າພະເຈົ້າເຄີຍເອົາຢາໃຫ້ເດັກນ້ອຍເມືອກີນ​ເອງ ແຕ່ດຽວນີ້ ບໍ່ເຮັດ
ແລ້ວ ເພາະມັນອັນຕະລາຍ.”

ຂົນໂຕະແລະຕັ່ງ ໄປໃຫ້ໂຮງຮຽນ.
ຂົນໂຕະແລະຕັ່ງ ໄປໃຫ້ໂຮງຮຽນ.

ທ່ານນາງ​ແມຣີ ລົງເຮັດ​ວຽກ​ໂດຍ​ກົງ
ກັບ​ພະນັກງານ​ລາວ​ສອງ​ຫາ​ຫ້າ​ຄົນ.
​ເຂົາ​ເຈົ້າ​ບໍ່​ມີຍານ​ພາຫາ​ນະ​ຈັກ​ຄົນ ຕ້ອງ​
ໄດ້ເຊົ່າລົດຕຸ​ກໆ ​ຂົນ​ອາຫານ​ຈາກ​ຕົວ
​ເມືອງປາກ​ເຊ ​ໄປ​ລ້ຽງ​ເດັກນ້ອຍຢູ່ໂຮງ
ຮຽນ ທີ່ຢູ່ໄກອອກໄປ 80 ກິໂລແມດ
ຊຶ່ງບາງຄັ້ງກໍປະສົບກັບບັນຫາ ຍ້ອນ
ຖະໜົນຫົນທາງກັນດານ. ທ່ານນາງ
ເລົ່າວ່າ ມີຄັ້ງນຶ່ງທີ່ລົດຕຸກໆປີ້ນຂ້ວມ
ເຮັດໃຫ້ອາຫານເສຍໝົດ ເດັກນ້ອຍກໍເລິຍບໍ່ໄດ້ກີນເຂົ້າໃນມື້ນັ້ນ. ທ່າ​ນນາງແມຣີກ່າວ​ວ່າ
7 ປີແລ້ວ​ແລະເງິນສ່ວນຕົວ​ທີ່ເກັບສະສົມໄວ້ນັ້ນ ​ກໍ​ກໍາລັງ​ຈະ​ໝົດໄປ. ແຕ່​ເຖິງຢ່າງໃດກໍດີ
ທ່ານນາງ​ຈະ​ບໍ່​ທໍ້ຖ​ອຍຈະສູ້ຊົນຕໍ່ໄປ​ເພາະໄດ້​ລົງມື​ເຮັດ​ວຽກ​ນີ້​ມາໜັກ​ຫລາຍ​ແລ້ວ ​ແລະ
ມັນ​ເປັນ​ສິ່ງ​ສໍາ​ຄັນ​ທີ່​ສຸດ ແລະມັນເປັນຄວາມສຸກຄວາມພໍໃຈສ່ວນຕົວ ທີ່ໄດ້ຊ່ວຍ​ເຫລື​ອ
ພວກຄົນ​ທີ່ຂາດສົນ​ ຢູ່​ຕາ​ມຊົນນະບົດຂອງປະເທດລາວ ໂດຍ​ສະເພາະ​ແມ່ນ​ພວກ​ເດັກ
ນ້ອຍທີ່ບໍລິສຸດໜ້າຮັກໜ້າອີ່ດູຕົນນັ້ນ ແຕ່ບາງຄັ້ງ ທ່ານ​ນາງ​ແມ​ຣີ​ກໍອົດນ້ອຍໃຈບໍ່ໄດ້ ທີ່
ບໍ່ສາມາດລະດົມທືນມາຊ່ວຍສະໜັບສະໜູນໂຄງການຂອງຕົນໄດ້ຫລາຍເທົ່າທີ່ຄາດຫວັງ
ໄວ້ ເພາະບໍ່ໄດ້ຮັບຄວາມສົນໃຈຈາກປະຊາຊົນລາວອາເມຣິກັນຫລາຍເທົ່າທີ່ຄວນ ແລະ
ການຂໍທືນຈາກລັດຖະບານສະຫະລັດກໍຍາກລໍາບາກ ເພາະມີກົດລະບຽບເຄ່ງຄັດຫລາຍ
ຂື້ນ. ທ່ານນາງ​ລະບາຍຄວາມ​ຮູ້​ສື​ກອອກ​ມາ​ວ່າ:

“ກໍເປັນຕາໜ້າເສຍໃຈຢູ່ ທີ່ມັນບໍ່ໄດ້ເປັນໄປຕາມທີ່ຂ້ອຍໄດ້ຄາດຫວັງໄວ້. ທ່ານ
ຮູ້ບໍ່ວ່າ ອາດມີປະຊາກອນລາວ-ອາເມຣິກາ ຫລາຍຮອດປະມານນຶ່ງລ້ານຄົນ
ຢູ່ໃນສະຫະ​ຣັດ ອາ​ເມຣິກາ ແລະແຕ່ມີ​ພຽງ​ແຕ່​ຄົນ​ດຽວ​ເທົ່ານັ້ນ ​ທີ່ໃຫ້​ທືນການ
ສຶກສາ ແລະຂ້ອຍກໍໄດ້ເຮັດວຽກນີ້ມາໄດ້ 7 ປີແລ້ວ. ສະນັ້ນ​ ມັນ​ເປັນ​ໜ້າ​ໝົດ
ກໍາ​ລັງ​ໃຈທີ່ສຸດ ​ແລະ ຂ້ອຍ​ກໍກໍາລັງ​ຈົນ​ປັນຍາຈະເຮັດແລ້ວ."

ໝູ່ບ້ານນຶ່ງໃນເຂດຊົນນະບົດຂອງເມືອງປາກເຊ ທີ່ໄດ້ຮັບການຊ່ວຍເຫລືອ ຈາກອົງການ Indigo Threads ຫລືເສ້ນຝ້າຍສີຄາມ.
ໝູ່ບ້ານນຶ່ງໃນເຂດຊົນນະບົດຂອງເມືອງປາກເຊ ທີ່ໄດ້ຮັບການຊ່ວຍເຫລືອ ຈາກອົງການ Indigo Threads ຫລືເສ້ນຝ້າຍສີຄາມ.

ຢ່ງໃດກໍຕາມ ທ່ານນາງແມຣີ
ມາຍເອີສ໌ ກັບອົງການ Indigo
Threads ກໍຈະ​ດໍາ​ເນີນການ​
ຊ່ວຍ​ເຫລືອໃຫ້ແກ່ບັນດາເດັກ
ນ້ອຍ ​ແລະ ຄອບຄົວຊາວ​ຊົນ
ນະ​ບົດຢູ່​ເຂດພາກ​ໃຕ້​ຂອງ​ປະ
ເທດລາວຕໍ່ໄປ. ​ທ່ານ​ນາງ​ແມຣີ
ຫວັງ​ວ່າ​ ທ່ານຜູ້ຟັງທີ່ໄດ້ຍິນ
ລາຍການນີ້ຈະມີຄວາມເຫັນໃຈ
ແລະສົ່ງປັດໃຈມາອູ້ມຊູ ສະໜັບ
ສະໜູນ ອົງການຂອງທ່ານນາງ
ເພື່ອໃຫ້ໄດ້ຊ່ວຍເຫລືອບັນດາ
ຊົນເຜົ່າທີ່ດ້ອຍໂອກາດໃນເຂດ
ຊົນນະບົດຂອງເມືອງປາກເຊຕໍ່
ໄປ. ທ່ານນາງ ກ່າວຈໍ່ໄປວ່າ​
ຕົນເອງ​ເປັນ​ຜູ່້ຍິງ ​ແລະວຽກ​ນີ້
ບໍ່​ແມ່ນວຽກຂອງຜູ້ຍິງທີ່​ຈະ​ມາ​ພົວພັນ ໂດຍສະເພາະເຮັດຕາມລໍາພັງຄົນດຽວຊໍ້າ ແຕ່​ວ່າ
ນັບແຕ່ເລີ້ມຕົ້ນ​ມາ​ເຖິງ​ປັດ​ຈຸ​ບັນ​ນີ້ ທ່ານ​ນາງ ບໍ່​ໄດ້​ຮັບ​ບັນຫາ​ໃດ​ໆ​ເລີຍ ​ແລະຫວັງຢ່າງ​ຍິງ
​ວ່າຈະ​ບໍ່​ໄດ້​ຮັບ​ບັນຫາ​ໃດໆ​ໃນ​ອານາ​ຄົດ. ທ່ານນາງຈະສຶບຕໍ່​ໃຫ້ການ​ຊ່ວຍ​ເຫລືອ​ທຸກ​ວິທີ
​ທາງ ບໍ່​ວ່າຈະ​ເປັນ​ອາຫານ, ​ເຄື່ອງ​ນູ່ງຫົ່ມ​ແລະຢາ​ປົວ​ພະຍາດ ແລະເພື່ອໃຫ້ວຽກນີ້ດໍາເນີນ
ໄປໄດ້ຜົນດີນັ້ນ ທ່ານນາງແມ່ນຕ້ອງການໆ​ອູ້ມຊູສະໜັບສະໜູນ​ຈາກ​ສັງ​ຄົ​ມລາວແລະຕ່າງ
ປະເທດ​ທັງໃນດ້ານປັດໃຈແລະເງິນຄໍາ ໂດຍທ່ານຈະເປັນຜູ້ຮັບເຮັດວຽກທັງໝົດ ດ້ວຍຄວາມ
ເຕັມໃຈ ແລະພູມໃຈເປັນຢ່າງຍິ່ງ ຈົນກ່ວາຈະຊະລາພາບຫລາຍຈົນເຮັດບໍ່ໄດ້ແລ້ວ. ທ່ານນາງ
ກ່າວວ່າ ມັນເປັນກຽດອັນສູງທີ່ໄດ້ຮັບໃຊ້ຊ່ວຍເຫລືອຄົນ​ລາວ ​ເພາະວ່າຄົນ​ລາວ​ເປັນຊົນຊາດ
ທີ່ດີ ມີອັດທະຍາໄສໄມຕິຈິດ ແລະຈິດໃຈງົດງາມ.

ທ່ານໃດທີ່ຢາກຊ່ວຍເຫລືອສະໜັບສະໜູນວຽກງານຂອງທ່ານນາງແມຣີ ມາຍເອີ ເຊີນບໍລິ
ຈາກເງິນອຸບປະຖໍາໄດ້ ທີ່:

http://www.indigothreads.org/

Lao mobile 856-020-5535-9915

US 1-760-564-2679

ກິ່ງສະຫວັນ ປະຖໍາມະວົງ VOA.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG