ລິ້ງ ສຳຫລັບເຂົ້າຫາ

ອິນ​ເດຍ​​ ກ່າວ​ຫາ ປາ​ກິສຖານ ສັງຫານ ທະຫານອິນ​ເດຍ​ 5 ຄົນ (ວີດີໂອ)


ແຜ່ນທີ່ແຄວ້ນ Kashmir ສະແດງພາກສ່ວນ ທີ່ປາກິສຖານ ແລະອິນເດຍ ຄອບຄອງ.
ອິນ​ເດຍກ່າວ​ຫາກອງ​ກໍາລັງ​ຂອງປາ​ກີ​ສຖານວ່າ ໄດ້ສັງຫານ
​ທະຫານ​ອິນ​ເດຍ 5 ຄົນ ​ໃນການ ​ໂຈມ​ຕີ​ຄ້າຍ​ທະຫານອິນ​ເດຍ
​ແຫ່ງ​ນຶ່ງ​ ໃນແຄ້ວນ Kashmir ທີ່​ຍັງ​ມີ​ການຂັດ​ແຍ້​ງກັນນັ້ນ.

ການ​ປະ​ທະ​ກັນຄັ້ງ​ນີ້​ ແມ່ນ​ມີ​ຂຶ້ນໃນ​ຂະນະ​ທີ່​ສອງ​ປະ​ເທດ​ກໍາລັງ
​ພິດ​ຈາລະ​ນາ ​ທີ່​ຈະ​ເປີດ ການເຈ​ລະ​ຈາ​ສັນຕິ​ພາບຄືນ​ໃໝ່
ຊຶ່ງ​ໄດ້​ຕົກ​ຢູ່​ໃນ​ສະພາ​ບບໍ່​ໄປ​ບໍ່​ມານັບ​ແຕ່​ເດືອນມັງກອນແລ້ວນີ້
ເປັນຕົ້ນມາ.

ຫົວ​ໜ້າ​ປົກຄອງ​ແຄ້ວນ Kashmir ຂອງອິນ​ເດຍ ທ່ານ Omar
Abdullah ​ໄດ້​ກ່າວ​ຜ່ານ ທາງ Twitter ວ່າ “​ເຫດ​ຮ້າຍ​ເຫຼົ່າ​ນີ້
ບໍ່​ໄດ້​ຊ່ອຍຫຍັງ​ເລີຍ​ໃນ​ການ​ດຳ​ເນີນຄວາມ​ພະຍາຍາມ ​ເພື່ອ​ປັບປຸງຄວາມ​ສຳພັນ​
ໃຫ້​ເປັນ​ປົກກະຕິ ຫຼືດີ​ຂຶ້ນກວ່າ​ເກົ່າ”
ກັບປາ​ກີ​ສຖານ ​ແລະໄດ້​ຕັ້ງ​ຄໍາ​ຖາມ​ ກ່ຽວ​ກັບ
ການ​ສະແດງ​ອອກເພື່ອ​ຢາກໃຫ້​ມີສັນຕິພາບເມື່ອ​ມໍ່ໆ​ມາ​ນີ້​ຂອງ​ກຸງ Islamabad.

ປາ​ກີ​ສຖານ ​ໄດ້​ປະຕິ​ເສດ​ຕໍ່​ການ​ສັງຫານ​ພວກ​ທະຫານອິນ​ເດຍ​ດັ່ງກ່າວ.

ແຄ້ວນ Kashmir ​ແມ່ນ​ໄດ້​ຖືກແບ່ງ​ ລະຫວ່າງອິນ​ເດຍ ​ແລະປາ​ກີ​ສຖານ ​ແລະ​ປະ​ເທດ
ທັງສອງ​ໄດ້ເຮັດ​ສົງຄາມມາ​ແລ້ວ 2 ຄັ້ງ ເພື່ອ​ຄວບ​ຄຸມ​ຂົງແຂ​ດດັ່ງກ່າວ.

XS
SM
MD
LG