ລິ້ງ ສຳຫລັບເຂົ້າຫາ

ທ່ານ Modi ໄປຢ້ຽມຢາມ ປາກິສຖານ​ ເປັນຂ່າວນອງນັນ ແຕ່ ບໍ່ມີຄວາມກ້າວໜ້າ


ຮູບທີ່ນຳອອກເຜີຍແຜ່ ໂດຍກະຊວງຖະແຫຼງຂ່າວ ສະແດງໃຫ້ເຫັນ ນາຍົກລັດຖະມົນຕີອິນເດຍ ທ່ານ
Narendra Modi (ຂວາ) ກວດແຖວທະຫານ ກອງກຽດຕິຍົດ ກັບນາຍົກ ລັດຖະມົນຕີປາກິສຖານ ທ່ານ Nawaz Sharif ທີ່ນະຄອນລາຮໍ ປະເທດປາກິສຖານ. (25 ທັນວາ 2015)

ຮູບທີ່ນຳອອກເຜີຍແຜ່ ໂດຍກະຊວງຖະແຫຼງຂ່າວ ສະແດງໃຫ້ເຫັນ ນາຍົກລັດຖະມົນຕີອິນເດຍ ທ່ານ Narendra Modi (ຂວາ) ກວດແຖວທະຫານ ກອງກຽດຕິຍົດ ກັບນາຍົກ ລັດຖະມົນຕີປາກິສຖານ ທ່ານ Nawaz Sharif ທີ່ນະຄອນລາຮໍ ປະເທດປາກິສຖານ. (25 ທັນວາ 2015)

ນາຍົກ​ລັດຖະມົນຕີ​ອິນ​ເດຍ ທ່ານ Narendra Modi ​ໄດ້​ສ້າງ​
ຄວາມ​ສົນ​ໃຈ​ ດ້ວຍການ​ສົ່ງ​ຂໍ້ຄວາມ​ ຜ່ານ​ທາງ Tweeter ວ່າ
ທ່ານ​ຈະ​ຢຸດ​ແວ່​ທີ່​ນະຄອນ​ລາຮໍ ເພື່ອ​ພົບ​ປ​ະກັບ​ນາຍົກລັດຖະ
ມົນຕີປາກິສຖານ ທ່ານ Nawaz Sharif ​ໃນລະຫວ່າງ​ທີ່​ທ່ານ
​ເດີນທາງ​ກັບ​ຄືນ​ປະ​ເທດ​ຈາກ​ການ​ຢ້ຽມຢາມ​ອັຟກາ​ນິສຖານ.

ສື່​ມວນ​ຊົນ​ທັງໃນ​ອິນ​ເດຍ​ ແລະ​ປາ​ກິ​ສຖານ​ຕ່າງ​ກໍ​ໄດ້​ລົງ​ຂ່າວ​
ແລະ​ວິ​ເຄາະ​ ກ່ຽວກັບ​ເຫດການ​ດັ່ງກ່າວ ​ເປັນ​ເວລາ​ຫຼາຍໆ​ຊົ່ວ
ໂມງ​ ລຸນ​ຫລັງ​ທີ່​ການ​ຢ້ຽມຢາມ​ໄດ້​ສິ້ນສຸດລົງແລ້ວ.

ທ່ານ Modi ​ໄດ້​ສົ່ງ​ຂໍ້ຄວາມ​ຜ່ານ​ທາງ Tweeter ລຸນ​ຫລັງ​ທີ່​ໄດ້
​ອອກ​ເດີນທາຈາກ​ປາ​ກິ​ສຖານໄປແລ້ວໃນ​ມື້ວັນ​ສຸກ​ວານ​ນີ້​ໂດຍເວົ້າວ່າ ​ໄດ້​ມີ​ການ​ຕ້ອນຮັບ​
ຢ່າງ​ອົບ​ອຸ່ນ​ ໃນການ​ໄປ​ຢ້ຽມຢາມ​ ຄອບ​ຄົວ​ຂອງ​ທ່ານ Sharif ​ເມື່ອ​ຕອນ​ແລງວັນສຸກ ​ຢູ່​ທີ່​
ເຮືອນ​ຂອງ​ທ່ານ. ວັນ​ເກີດ​ຂອງ​ທ່ານ Nawaz Shahab ​ແລະ ​ການ​ແຕ່ງງານຂອງຫລານ​
ສາວ​ທ່ານ ​ແມ່ນເປັນ​ການ​ສະຫລອງຊ້ອນສອງຊັ້ນ.

ການ​ຢ້ຽມຢາມນີ້ ​ເຖິງ​ແມ່ນ​ມີ​ການ​ກ່າວ​ກັນ​ວ່າ​ ​ເປັນ​ການ​ຢ້ຽມຢາມ​ສ່ວນ​ຕົວກໍ​ຈິງຢູ່​ ແຕ່​ມັນ
ແມ່ນ​ການ​ຢ້ຽມຢາມ​ປາ​ກິ​ສຖານເທື່ອທຳ​ຂອງ​ນາຍົກລັດຖະມົນຕີອິນ​ເດຍນັບ​ແຕ່​ປີ​ 2004
​ເປັນຕົ້ນມາ.

ນັບ​ແຕ່​ໄດ້​ເກີດ​ຄວາມ​ເຄັ່ງ​ຕຶງ​ເປັນ​ເວລາ​ຫຼາຍ​ເດືອນ​ປະ​ເທດ​ທັງ​ສອງ​ກໍ​ໄດ້​ທຳການພົວພັນ​
ທາງ​ການ​ທູດ​ຄືນ​ໃໝ່​ເມື່ອ​ບໍ່​ດົນ​ມານີ້ເລີ້ມດ້ວຍ​ການ​ຈັບ​ມື​ແລະ​ການ​ພົບ​ປະ​ເປັນ​ການ​ສ່ວນ
ຕົວ​ສັ້ນໆລະຫວ່າງ​ນາຍົກລັດຖະມົນຕີຂອງປະ​ເທດ​ທັງ​ສອງ ​ຢູ່​ຂ້າງນອກ​ຂອງ​ກອງ​ປະຊຸມ​
ສຸດ​ຍອດ​ວ່າ​ດ້ວຍ​ດິນ​ຟ້າ​ອາກາດ​ທີ່​ປາຣີ.

ທ່ານ Khurshid Kasuri ອະດີດ​ລັດຖະມົນຕີ​ຕ່າງປະ​ເທດ​ປາ​ກິ​ສຖານ​ໄດ້​ຄາດການ​ກ່ຽວ
​ກັບ​ການ​ເຄື່ອນ​ໄຫວ​ດັ່ງກ່າວ​ ແມ່ນ​ກະ​ທັງ ໃນ​ເວລາ​ທີ່​ຄວາມ​ສຳພັນ ​ລະຫວ່າງ​ປະ​ເທດ​ທັງ​
ສອງ​ເບິ່ງ​ຄື​ວ່າ ​ພວມ​ຊຸດ​ໂຊມ​ລົງ.​ ​ໃນ​ປື້ມຂອງ​ທ່ານ​ ທ່ານ Kasuri ຂຽນ​ວ່າ ທ່ານ Modi ບໍ່
​ແມ່ນ​ຜູ້ມັກ​ສົງຄາມຫລື​ສັນຕິພາບ ​ແຕ່​ທ່ານ​ເອງ ​ແມ່ນ​ບໍ່​ມີ​ທາງ​ເລືອກນອກ​ໄປ​ຈາກ​ການ​ເຈ
ລະຈາ​ກັບ​ປາ​ກິ​ສຖານ.​

XS
SM
MD
LG