ລິ້ງ ສຳຫລັບເຂົ້າຫາ

ຈຳນວນຜູ້ເສຍຊີວິດ ຍ້ອນສະພາບອາກາດ ຮ້ອນຈັດ ຢູ່ໃນອິນເດຍ ກາຍ 1,800 ຄົນແລ້ວ


ພວກແມ່ຄ້າ ຂາຍຫົວຜັກບົ່ວ ນອນພັກຜ່ອນ ຢູ່ຕາມແຄມທາງ ໃຕ້ຮົ່ມໄມ້ ໃນມື້ທີ່ຮ້ອນຈັດ ຢູ່ໃນນະຄອນ Hyderabad ປະເທດອິນເດຍ, ເມື່ອວັນຈັນທີ 25 ພຶດສະພາ 2015.

ພວກແມ່ຄ້າ ຂາຍຫົວຜັກບົ່ວ ນອນພັກຜ່ອນ ຢູ່ຕາມແຄມທາງ ໃຕ້ຮົ່ມໄມ້ ໃນມື້ທີ່ຮ້ອນຈັດ ຢູ່ໃນນະຄອນ Hyderabad ປະເທດອິນເດຍ, ເມື່ອວັນຈັນທີ 25 ພຶດສະພາ 2015.

ບັນດາ​ເຈົ້າໜ້າ​ທີ່ອິນ​ເດຍ ກ່າວ​ໃນ​ວັນ​ສຸກ​ມື້​ນີ້ວ່າ ຈຳນວນ​ຜູ້
​ເສຍ​ຊີວິດ ຈາກ​ສະພາບອາກາດຮ້ອນຈັດ ຢູ່​ໃນ​ປະເທດດັ່ງກ່າວ
​ໄດ້​ເພີ້​ມຂຶ້ນ ເປັນຫຼາຍກວ່າ 1,800 ຄົນ​ແລ້ວ. ພວກ​ເຄາະ​ຮ້າຍ
ສ່ວນໃຫຍ່ຈາກສະພາບອາກາດຮ້ອນຈັດນີ້ ​ແມ່ນ​ຢູ່​ໃນລັດ
Andhra Pradesh ​ແລະ​ລັດ Telangana ທາງ​ພາກ​ໃຕ້
ຂອງ​ປະ​ເທດ.

ບັນດາ​ເຈົ້າໜ້າ​ທີ່ ກ່າວ​ອີກ​ວ່າ ຈຳນວນ​ຜູ້​ເສຍ​ຊີວິດ​ທີ່​ສູງຂຶ້ນນັ້ນ
​ແມ່ນ​ຄິດ​ວ່າ​ເປັນ​ຍ້ອນ ເປັນ​ລົມ​ຍ້ອນຖືກແດດຫຼາຍໂພດ ທີ່ມີການ
​ກະທົບຢ່າງ​ບໍ່​ສົມສ່ວນ ​ຕໍ່​ພວກ​ຄົນ​ທຸກ​ຍາກ ​ແລະ ​ໄຮ້​ທີ່ຢູ່​ອາ​ໄສ
ຊຶ່ງ​ເປັນພວກທີ່​ມີ​ໂອກາດ​ນ້ອຍ​ທີ່​ສຸດ ທີ່​ຈະ​ຕາຍ​ຢູ່​ທີ່​ໂຮງໝໍ.

ບັນດາ​ເຈົ້າໜ້າ​ທີ່ອິນ​ເດຍ ​ໄດ້​ຮຽກຮ້ອງໃຫ້​ປະຊາຊົນ ​ຢູ່​ໃນ​ບໍລິ​ເວນ​ທີ່​ມີ​ຮົ່ມ ​ໃຫ້​ປົກ​ຫົວ​ຂອງ
​ພວກ​ເຂົາ​ເຈົ້າ ​ແລະ​ໃຫ້​ດື່ມນ້ຳຫຼາຍໆ.

ອຸນຫະພູມໄດ້​ຖີບຂຶ້ນ ປະມານ 43 ອົງສາ Celsius ​ແລະ​ສູງ​ກວ່ານັ້ນ ສຳ​ຫລັບ​ອາທິດ​ນີ້.

​ເຈົ້າໜ້າ​ທີ່​ກ່າວ​ວ່າ ​ອຸນຫະພູມໄດ້ສູງຂຶ້ນ ຢູ່​ໃນຫຼາຍ​ເຂດຂອງ​ປະ​ເທດ.

ປະຊາຊົນໃນ​ທົ່ວ​ອິນ​ເດຍ ​ໄດ້​ຈົ່ມທຸກເຖິງ​ການ​ຂາດ​ແຄນ​ນ້ຳ ​ແລະ ພວກພືດ​ທີ່ຫ່ຽວແຫ້ງ​ຕາຍ.​

ຢູ່​ໃນ​ນະຄອນຫຼວງ New Delhi ຄວາມ​ຕ້ອງການ​ພະລັງ​ໄຟຟ້າ ສຳ​ຫລັບແລ່ນພວກ​ເຄື່ອງ
ປັບ​ອາກາດ ​ໄດ້​ເຮັດໃຫ້ໄຟຟ້າ​ໝົດ ແລະ​ເຮັດ​ໃຫ້ຫຼາຍພັນ​ຄົນ ບໍ່ມີ​ໄຟຟ້າ​ໃຊ້.

ຄາດ​ກັນ​ວ່າ ​ລົມມໍ​ລະ​ສຸມຈະ​ພັດ​ເຂົ້າມາທາງ​ພາກໃຕ້ຂອງປະເທດຊຶ່ງຈະ ພາໃຫ້ມີຝົນຕົກ ​ໃນ​ສອງ​ສາມ​ມື້​ຂ້າງ​ໜ້າ​ນີ້ ກ່ອນ​ທີ່ຈະ​ພັດ​ຜ່ານ​ໄປ​ທົ່ວ​ປະ​ເທດ.

ສະແດງຄວາມເຫັນໃຫ້ເບິ່ງ

XS
SM
MD
LG