ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ໄຟໄໝ້ ວັດໃນ ອິນເດຍ ເຮັດໃຫ້ ຄົນເສຍຊີວິດ ຫຼາຍກວ່າ 100 ຄົນ


ປະຊາຊົນເຕົ້າໂຮມກັນອ້ອມເຂດທີ່ໄດ້ຮັບຄວາມເສຍຫາຍຂອງວັດ ຫຼັງຈາກເກີດໄຟໄໝ້ໃນວັດ Kollam, ລັດ Kerala, ອິນເດຍ, 10 ເມສາ, 2016.
ປະຊາຊົນເຕົ້າໂຮມກັນອ້ອມເຂດທີ່ໄດ້ຮັບຄວາມເສຍຫາຍຂອງວັດ ຫຼັງຈາກເກີດໄຟໄໝ້ໃນວັດ Kollam, ລັດ Kerala, ອິນເດຍ, 10 ເມສາ, 2016.

ປະຊາຊົນ ອິນເດຍ ປະມານ 100 ຄົນໄດ້ເສຍຊີວິດ ແລະ ຄົນອີກຫຼາຍກວ່າຮ້ອຍຄົນໄດ້ ຮັບບາດເຈັບ ໃນເຫດການໄຟໄໝ້ຢ່າງຮ້າຍແຮງທີ່ເກີດຂຶ້ນໃນວັດແຫ່ງໜຶ່ງທີ່ລັດ Kerala ທາງພາກໃຕ້ຂອງ ອິນເດຍ ໃນຕ້ອນເຊົ້າຂອງວັນອາທິດມື້ນີ້ ເຊິ່ງເປັນບ່ອນທີ່ມີປະຊາຊົນ ຫຼາຍພັນຄົນໄປເຕົ້າໂຮມກັນ ເພື່ອຊົມການສະແດງຈູດດອກໄມ້ໄຟ ທີ່ເປັນສ່ວນໜຶ່ງຂອງ ງານສາສະໜາປະຈຳປີ.

ໂສກນາດຕະກຳໄດ້ເກີດຂຶ້ນປະມານ 3 ໂມງເຊົ້າ, ສອງສາມຊົ່ວໂມງຫຼັງຈາກການຈູດ ດອກໄມ້ໄຟໄດ້ເລີ່ມຂຶ້ນຢູ່ໃກ້ກັບວັດ Puttingal Devi ໃນເມືອງ Kollam ທີ່ຢູ່ໃກ້ໆຝັ່ງທະ ເລ, ປະມານ 70 ກິໂລແມັດຫ່າງຈາກນະຄອນຫຼວງ Thiruvananthapuram ຂອງລັດ ດັ່ງກ່າວ.

ບັນດາເຈົ້າໜ້າທີ່ໄດ້ກ່າວວ່າ ເຮືອນເກັບເຄື່ອງທີ່ເປັນບ່ອນເກັບດອກໄມ້ໄຟໄວ້ຈຳນວນ ຫຼາຍໄດ້ເກີດໄຟໄໝ້ ຫຼັງຈາກແປວໄຟໄດ້ຕົກຖືກ, ເຮັດໃຫ້ມີການລະເບີດຄັ້ງໃຫຍ່ຫຼາຍຄັ້ງ ແລະ ແປວໄຟໄດ້ກະຈາຍອອກໄປຢ່າງໄວວາ. ຫ້ອງການຂອງເຈົ້າໜ້າທີ່ວັດ ໄດ້ພັງລົງ ເປັນເສດຫີນ ແລະ ຫຼັງຄາບາງສ່ວນຂອງວັດກໍໄດ້ຍຸບລົງ. ຄວັນໄຟຂະໜາດໃຫຍ່ໄດ້ປິວ ຂຶ້ນສູ່ທ້ອງຟ້າໃນຕອນຄ່ຳ.

ໃນຂະນະທີ່ປະຊາຊົນພາກັນແຕກຕື່ນກໍໄດ້ເຮັດໃຫ້ມີການຢຽບກັນໜີຕາຍ ແລະ ຫຼາຍຄົນ ກໍໄດ້ຮັບບາດເຈັບໃນເວລາທີ່ພວກເຂົາເຈົ້າພະຍາຍາມຫຼົບໜີຈາກອັກຄີໄພດັ່ງກ່າວ.

India Temple Fire upd
please wait
Embed

No media source currently available

0:00 0:00:41 0:00

XS
SM
MD
LG