ລິ້ງ ສຳຫລັບເຂົ້າຫາ

ຄື້ນຟອງອາກາດ ທີ່ຮ້ອນຈັດ ຢູ່ອິນເດຍ ໄດ້ເອົາຊີວິດ ພົນລະເມືອງ ກາຍ 2,000 ແລ້ວ


ຊາຍອິນເດຍຄົນນຶ່ງ ກຳລັງດື່ມນ້ຳ ຈາກຕຸກນ້ຳ ໃນມື້ທີ່ຮ້ອນຈັດ ໃນເມືອງ Allahabad ປະເທດອິນເດຍ, ເມື່ອວັນອາທິດ ທີ 31 ພຶດສະພາ 2015.

ຊາຍອິນເດຍຄົນນຶ່ງ ກຳລັງດື່ມນ້ຳ ຈາກຕຸກນ້ຳ ໃນມື້ທີ່ຮ້ອນຈັດ ໃນເມືອງ Allahabad ປະເທດອິນເດຍ, ເມື່ອວັນອາທິດ ທີ 31 ພຶດສະພາ 2015.

ອິນ​ເດຍ​ໄດ້​ລໍຖ້າ ການ​ເລີ່​ມຕົ້ນຂອງ​ລະ​ດູຝົນ​ມໍ​ລະ​ສຸມ​ປະຈຳ​ປີ
ທ່າມກາງ​ຄື້ນຟອງ​ຄວາມ​ຮ້ອນ ທີ່​ໄດ້​ສັງຫານ ຫຼາຍກວ່າ 2,200
ຄົນ ໃນ​ທົ່ວ​ປະ​ເທດອິນ​ເດຍ.

ຝົນທີ່ຕົກລົງ​ມາ ​ແລະ ພາຍຸຝົນ​ຟ້າຮ້ອງ ຢູ່​ໃນ​ບາງ​ສ່ວນ​ຂອງ​
ອິນ​ເດຍ ທາງພາກໃຕ້ ​ໃນ​ວັນ​ອາທິດ​ວານ​ນີ້ ​ໄດ້ນຳ​ມາ​ຊຶ່ງ​ການ
ບັນ​ເທົາຄວາມ​ຮ້ອນ​ ທີ່​ຕ້ອງການ​ຫຼາຍທີ່​ສຸດນັ້ນ ເປັນ​ບາງ​ສ່ວນ
​ແຕ່​ບັນດາ​ເຈົ້າໜ້າ​ທີ່ ກ່າວ​ວ່າ ຄວາມ​ຮ້ອນ​ທີ່​ໜັກໜ່ວງ​ ແມ່ນ​ເປັນ
​ທີ່​ແນ່ນອນ​ວ່າ​ ຍັງຈະສືບ​ຕໍ່​ມີ​ຢູ່​ອີກ​ມື້​ນຶ່ງ ຢູ່​ໃນ​ລັດ Andhra
Pradesh ​ແລະ ລັດ Telangana ບ່ອນທີ່​ໄດ້​ຮັບ​ຜົນ​ກະທົບ​
ຢ່າງ​ໜັກນັ້ນ.

ອຸນຫະພູມ​ໃນ​ເວລາ​ກາງ​ເວັນ ​ໄດ້​ຖີບ​ຂຶ້ນ ຢູ່​ລະຫວ່າງ 45 ​ແລະ 47 ອົງສາ Celsius ເທົ່າ​ກັບ 113 ​ແລະ 116 ອົງສາ Fahrenheit ຕາມ​ລຳດັບ ຢູ່​ໃນ​ບາງ​ສ່ວນ​ຂອງ​ທັງ​ສອງ​ລັດດັ່ງກ່າວ ​ໃນ​ລະຫວ່າງ​ວັນ​ເສົາ​ແລະ​ວັນ​ອາ​ທິດຜ່ານ​ມາ.

ລັດ Andhra Pradesh ລາຍງານ​ວ່າ 146 ​ໄດ້​ເສຍ​ຊີວິດ ​ໃນ​ວັນ​ເສົາ​ມື້ກ່ອນ​ນີ້ ທີ່​ໄດ້​ເພີ້​ມ
ຈຳນວນ ຜູ້​ເສຍ​ຊີວິດ​ຂຶ້ນ ​ເປັນ 1,636 ຄົນ ຢູ່​ໃນ​ລັດ​ດັ່ງກ່າວນັ້ນ ພຽງລັດ​ດຽວ.

ຝົນລົມ​ມໍ​ລະ​ສຸມ​ທີ່ເຮັດ​ໃຫ້ມີ​ຄວາມ​ເຢັນ​ແດ່​ ​ແມ່ນ​ຄາດ​ກັນຈະ​ມີ​ຂຶ້ນໃນ​ອາທິດ​ນີ້ ຢູ່​ໃນ​ພາກ
ໃຕ້​ຂອງ​ອິນ​ເດຍ ກ່ອນຈະ​ເຄື່ອນ​ຍ້າຍ​ເລື້ອຍໆ ໄປ​ທາງ​ທິດເໜືອ. ລະດູ​ຝົນ​ມໍ​ລະ​ສຸມ ຈະ​ຢູ່​
ດົນ​ເຖິງ ທ້າຍ​ເດືອນ​ກັນຍາ.

XS
SM
MD
LG