ລິ້ງ ສຳຫລັບເຂົ້າຫາ

ເບິິ່ງຮູບສະໄລດ໌ ກ່ຽວກັບນໍ້າຖ້ວມຢູ່ອິນເດຍ

ໄພນໍ້າຖ້ວມທີ່ເກີດຈາກຝົນຕົກ​ໜັກ​ໃນ​ລະດູ​ລົມມໍລະສຸມ ໄດ້ເຮັດໃຫ້ 79 ຄົນ ເສຍຊີວິດ
ແລະອີກ 2 ລ້ານຄົນ ຕ້ອງອົບພະຍົບອອກຈາກບ້ານເຮືອນຂອງຕົນ ຢູ່ໃນພາກຕາເວັນ
ອອກຂອງອິນເດຍ.

ທີ່ລັດ Assam ຫຼາຍໆ​ບ້ານ​ໄດ້​ຖືກນໍ້າພັດໄປໝົດ​ທັງ​ບ້ານ ເວລາແມ່ນໍ້າພົມມະ​ບຸດໄດ້
ລົ້ນຝັ່ງຂຶ້ນຖ້ວມ.

ກອງທັບອິນເດຍ ​ໄດ້​ສົ່ງທະຫານໄປຊ່ວຍພວກໄດ້ເຄາະຮ້າຍຈາກໄພນໍ້າຖ້ວມດັ່ງກ່າວ.
ພົນຕີ R.N. Nair ໄດ້ກ່າວຕໍ່ພວກນັກສື່ຂ່າວ ໃນວັນຈັນມື້ນີ້ວ່າ “ພວກເຮົາກໍາລັງສືບຈັດ​
ສົ່ງຫີບຫໍ່ອາຫານ ແລະນໍ້າ, ຕະຫຼອດທັງ ການຊ່ວຍເຫລືອທາງການແພດ​ ໄປໃຫ້ປະຊາ ຊົນໃນເກືອບໝົດທຸກພາກ ຂອງເມືອງ Guwahati. ເຮືອບິນເຮລິຄອບເຕີໄດ້ ຖືກນໍາໄປ
ໃຊ້ໃນການຢ່ອນກ່ອງອາຫານ ລົງໃຫ້ພວກທີ່ຄອງຄອຍຖ້າຮັບການຊ່ວຍເຫລືອຢູ່.”

ນາຍົກລັດຖະມົນຕີ ມັນໂມຫານ ຊິງ ໄດ້ບິນໄປຢ້ຽມເຂດທີ່ຖືກນໍ້າຖ້ວມ ໃນວັນຈັນວານນີ້
ແລະເວົ້າວ່າ ປະຊາຊົນໃນລັດ Assam ກໍາລັງປະເຊີນກັບໄພນໍ້າຖ້ວມທີ່ຮ້າຍແຮງທີ່ສຸດ
ໃນໄລຍະໝໍ່ໆມານີ້. ທ່ານໄດ້ປະກາດໃຫ້ເງິນຊ່ວຍ ​ເຫຼືອ 1,800 ໂດລາ ແກ່ຄອບຄົວທີ່
ມີພີ່ນ້ອງເສຍຊີວິດໄປຍ້ອນໄພນໍ້າຖ້ວມ ແລະ​ລັດຖະບານ​ກາງໃຫ້ເງິນຊ່ວຍເຫລືອອີກ 90
ລ້ານໂດລາ ແກ່ລັດຖະບານຂອງລັດ.

ນອກນັ້ນ ທ່ານນາຍົກຍັງໄດ້ກ່າວຕໍ່ພວກນັກສື່ຂ່າວອີກວ່າ ໄດ້ເອົາບາດກ້າວ ຕ່າງໆ​ ເພື່ອ ຟື້ນຄືນການບໍລິການທາງລົດໄຟໃນເຂດທີ່ໄດ້ຮັບຜົນກະທົບຈາກໄພນໍ້າຖ້ວມນັ້ນຢ່າງໄວວາ ເພື່ອຮັບປະກັນໃຫ້ການລໍາລຽງຂົນສົ່ງ ຍັງເປີດບໍລິການໄດ້.

ພວກເຈົ້າໜ້າທີ່ກ່າວວ່າຢ່າງໜ້ອຍມີ 5 ແສນຄົນ ໄດ້ໄປອາ​ໄສຢູ່ໃນສູນບັນເທົາທຸກຕ່າງໆ.

XS
SM
MD
LG