ລິ້ງ ສຳຫລັບເຂົ້າຫາ

ອິນ​ເດຍ ​ແລະ ຈີນ ​​​ເ​ລີ້​ມ ທຳການ​ເຈລະຈາ ​​​ເລື້ອງຊາຍ​ແດນ ຮອບ​ທີ 18


ທີ່ປຶກສາທາງດ້ານຄວາມໝັ້ນຄົງແຫ່ງຊາດອິນເດຍ ທ່ານ Ajit Kumar Doval (ຂວາ) ແລະ ທີ່ປຶກສາທາງການຈີນ ທ່ານ Yang Jiechi ຈັບມືກັນກ່ອນໜ້າ ຈະເລີ້ມເຂົ້າເຈລາຈາ ຮອບທີ 18 ກ່ຽວກັບ ເຂດຊາຍແດນລະຫວ່າງ ອິນເດຍ ແລະ ຈີນ ທີ່ມີການຜິດຖຽງກັນມາເປັນເວລາດົນນານ ຢູ່ໃນນະຄອນຫລວງ New Delhi ປະເທດອິນເດຍ, ວັນຈັນ 23 ມີນາ 2015.

ທີ່ປຶກສາທາງດ້ານຄວາມໝັ້ນຄົງແຫ່ງຊາດອິນເດຍ ທ່ານ Ajit Kumar Doval (ຂວາ) ແລະ ທີ່ປຶກສາທາງການຈີນ ທ່ານ Yang Jiechi ຈັບມືກັນກ່ອນໜ້າ ຈະເລີ້ມເຂົ້າເຈລາຈາ ຮອບທີ 18 ກ່ຽວກັບ ເຂດຊາຍແດນລະຫວ່າງ ອິນເດຍ ແລະ ຈີນ ທີ່ມີການຜິດຖຽງກັນມາເປັນເວລາດົນນານ ຢູ່ໃນນະຄອນຫລວງ New Delhi ປະເທດອິນເດຍ, ວັນຈັນ 23 ມີນາ 2015.

ອິນ​ເດຍ ​ແລະ ຈີນ ໄດ້​ເ​ລີ້​ມທຳການ​ເຈລະຈາ ​ເລື້ອງຊາຍ​ແດນ
ຮ່ວມກັນ ຮອບ​ທີ 18 ຢູ່​ນະຄອນຫລວງ New Delhi ​ໃນ​ວັນ​ຈັນ​
ມື້​ນີ້ ເພື່ອ​ພະຍາຍາມ​ແກ້​ໄຂ ການ​ຜິດ​ຖຽງ​ກັນ​ມາ​ເປັນ​ເວລາ​ດົນ​
ນານ​ ກ່ຽວ​ກັບ​ເຂດ​ນ້ຳ​ແດນ​ດິນ.

ການ​ເຈລະຈາ​ໃນ​ມື້​ນີ້ ກ່ຽ​ວກັບ The Line of Actual Control
ຫລື ເສັ້ນຄວບຄຸມ​ອັນ​ແທ້​ຈິງ ​ແມ່ນ​ເປັນຄັ້ງທຳ​ອິດ ນັບ​ຕັ້ງ​ແຕ່
ນາຍົກລັດຖະມົນຕີ ອິ​ນເດຍ ທ່ານ Narendra Modi ​ໄດ້​ເຂົ້າ
ມາ​ຮັບ​ຕຳ​ແໜ່​ງ​ເມື່ອ​ປີ​ກາຍ​ນີ້.

ທັງ​ສອງ​ປະ​ເທດ ​ໄດ້ມີ​ການ​ຂັດ​ແຍ້​ງຜິດ​ຖຽງ​ກັນ ກ່ຽວ​ກັບ​ເຂດ​ນ້ຳ​ແດນ​ດິນ ຢ່າງ​ຂົມ​ຂື່ນ
ເປັນ​ເວລາ​ດົນນານ​ແລ້ວ ​ແລະ ​ໄດ້​ມີ​ການ​ບຸກລຸກ​ຂະໜາດ​ນ້ອຍ ຂ້າມເສັ້ນຄວບຄຸມ​ອັນ
​ແທ້​ຈິງ ​ໄປມາຢູ່​ເລື້ອຍໆ​. ​ເສ້ນ​ດັ່ງກ່າວ​ແມ່ນຖື​ວ່າ​ເປັນ​ເຂດຊາຍ​ແດນ​ທາງ​ການ​ ທີ່​ເນັ່ງ
4,000 ກິ​ໂລ​ແມັດ ຂ້າມ​ພູ​ເຂົາ​ຫິມມະ​ໄລ ​ແລະ​ກວມ​ເອົາ​ດິນ​ແດນ​ທີ່​ຫ່າງໄກສອກ​ລີກ ​
ອັນ​ກວ້າງ​ໃຫຍ່​ໄພສານ.

ຈີນ​ອ້າງ​ກຳມະສິດ​ໃນ​ບໍລິ​ເວນ​ ປະມານ 90,000 ຕາລາງ​ກິ​ໂລ​ແມັດ ຂອງ​ດິນ​ແດນ​ໃນເຂດ
ຕາ​ເວັນ​ອອກ​ຂອງ​ພູ​ເຂົາ​ຫິມມະ​ໄລ ຊຶ່ງ​ອິນ​ເດຍ​ໂຕ້​ແຍ້​ງ. ດິນ​ແດນ​ອັນ​ກ້ວາງ​ໃຫຍ່​ຕອນໜຶ່ງ
​ໃນ​ເຂດ​ນັ້ນ ​ແມ່ນ​ລັດ Arunachal Pradesh ຂອງ​ອິນ​ເດຍ.

​ເມື່ອ​ປີ​ກາຍ​ນີ້ ​ອິນ​ເດຍ ​ແລະ ຈີນ ​ໄດ້ປະ​ເຊີນກັບ​ສະຖານະ​ການ​ອັນ​ເຄ່ງ​ຕຶງ ຊຶ່ງ​ມີ​ທະຫານ
ຂອງ​ທັງ​ສອງ​ຝ່າຍ ຈຶ້ງ​ທ່າ​ໃສ່​ກັນ​ຢູ່​ຄົນ​ລະ​ຟາກ​ຊາຍ​ແດນ​ ​ເປັນ​ເວລາ​ສອງ​ອາທິດ​ ຢູ່​ໃນ​ຂົງ​
ເຂດ​ດັ່ງກ່າວ ​ແຕ່​ກໍ​ສາມາດ​ແກ້​ໄຂ​ບັນ​ຫາ​ໄດ້​ໃນ​ທີ່​ສຸດ.

ການ​ຜິດ​ຖຽງ​ກັນ​ເລື້ອງ​ຊາຍ​ແດນ ​ໄດ້ກໍ່​ໃຫ້​ເກີດ​ສົງຄາມ​ໄລຍະ​ສັ້ນໆ ລະຫວ່າງສອງປະເທດ ​
ເອ​ເຊຍ​ທີ່​ໃຫຍ່​ທີ່​ສຸດ ​ໃນ​ປີ 1962.

XS
SM
MD
LG