ສາຍສົ່ງກະແສໄຟຟ້າທີ່ເກີດຕິດຂັດຢູ່ໃນບໍລິເວນອັນກວ້າງໃຫຍ່ ໄດ້ເຮັດໃຫ້ຫຼາຍກວ່າ 600 ລ້ານຄົນໃນອິນເດຍ ບໍ່ມີໄຟຟ້າໃຊ້ ຊຶ່ງເປັນຄັ້ງທີ່ 2 ໃນໄລຍະເວລາ 2 ມື້ ທີ່ເກີດເຫດການແບບນີ້ ຂຶ້ນໃນປະເທດດັ່ງກ່າວ .
ໄຟຟ້າມອດໃນວັນອັງຄານມື້ນີ້ ໄດ້ມີຂຶ້ນໃນເຂດພາກເໜືອແລະພາກຕາເວັນອອກ ຂອງປະເທດ ຊຶ່ງຮວມທັງຫົວເມືອງໃຫຍ່ໆເຊັ່ນ: ນະຄອນຫລວງນິວແດລລີ ແລະເມືອງກາລກັດຕາ ສົ່ງຜົນໃຫ້ການບໍລິການທາງລົດໄຟຢຸດສະງັກລົງ ແລະ ໄຟຈະລາຈອນ ບໍ່ມີ ໃນນະຄອນຫຼວງຂອງປະເທດ.
ພວກບໍລິສັດໄຟຟ້າ ໄດ້ນໍາເອົາການບໍລິການໄຟຟ້າ ກັບຄືນມາໃນພາກເໜືອຂອງອິນເດຍ ໃນຄືນວັນຈັນວານນີ້ ຫຼັງຈາກເກີດເຫດໄຟຟ້າມອດ ທີ່ໄດ້ກະທົບປະຊາ ຊົນຫຼາຍກວ່າ 300 ລ້ານຄົນ, ແຕ່ວ່າໄຟຟ້າໄດ້ມອດອີກໃນຕອນບ່າຍວັນອັງຄານມື້ນີ້.