ການຊ້ອມຮົບປະຈຳປີຈັດຂຶ້ນໂດຍກອງທັບເຮືອ ຟີລິບປິນ ແລະ ສະຫະລັດ ເຊິ່ງໃນປີນີ້
ແມ່ນຈະບໍ່ມີການຝຶກຊ້ອມໃນທະເລຈີນໃຕ້ທີ່ເປັນບັນຫາລະອຽດອ່ອນ. ໃນຂະນະທີ່ຜູ້ນຳ
ຂອງປະເທດໃນພາກພື້ນເອເຊຍຕາເວັນອອກສຽງໃຕ້ ໄດ້ເອົາບາດກ້າວໃໝ່ຕໍ່ການສ້າງ
ສາຍພົວພັນທາງການເມືອງ ແລະ ເສດຖະກິດທີ່ເຂັ້ມແຂງກວ່າເກົ່າກັບ ຈີນ, ເຊິ່ງເປັນຜູ້
ອ້າງເອົາກຳມະສິດໃນທະເລດັ່ງກ່າວດ້ວຍຄວາມທະເຍີທະຍານ.
ການຊ້ອມຮົບ “Balikatan” ທີ່ເລີ່ມຂຶ້ນ ແຕ່ວັນທີ 8 ຫາ 19 ພຶດສະພາ ລວມມີການຝຶກ ຊ້ອມຮັບມືກັບໄພພິບັດຢູ່ນອກແຂວງ Aurora ໃນຟາກມະຫະສະໝຸດ ປາຊີຟິກ ຂອງ
ເກາະໃຫຍ່ Luzon, ປະເທດ ຟີລິບປິນ. ພວກເຂົາເຈົ້າໄດ້ຫຼີກເວັ້ນ ບໍລິເວນຕ່າງໆໃນທະ
ເລຈີນໃຕ້. ການອ້າງເອົາກຳມະສິດທາງທະເລຂອງ ປັກກິ່ງ ໄດ້ກວມກັບການອ້າງເອົາ
ກຳມະສິດໃນທະເລຈີນໃຕ້ຂອງ ມະນີລາ ຢູ່ນອກຊາຍຝັ່ງພາກຕາ ເວັນຕົກຂອງເກາະ
Luzon.
ການຫຼີກລ່ຽງທະເລທີ່ມີຄວາມຂັດແຍ້ງ ໄດ້ຂະຫຍາຍຄວາມເປັນມິດ ລະຫວ່າງ ປະທາ
ນາທິບໍດີ ຟີລິບປິນ ກັບ ຈີນ ຍິ່ງຂຶ້ນ ຫຼັງຈາກຄວາມລົ້ມແຫຼວໃນການຕົກລົງກັນສີ່ປີກ່ອນ ທີ່ໄດ້ຈົບລົງດ້ວຍການຂຶ້ນສານໂລກ.
ທ່ານ Herman Kraft ນັກລັດຖະສາດທີ່ມະຫາວິທະຍາໄລ Dilima ຂອງ ຟີລິບປິນ ໄດ້
ກ່າວວ່າ “ປະທານາທິບໍດີ Duterte ບໍ່ເຄີຍເປັນນັກພູມສາດການເມືອງທີ່ແທ້ຈິງ, ເຊິ່ງ
ໝາຍຄວາມວ່າ ນະໂຍບາຍການຕ່າງປະເທດແມ່ນ ກ່ຽວກັບນະໂຍບາຍເສດຖະກິດ, ແລະທ່ານສາມາດ ເຫັນສິ່ງໃນວິທີທີ່ທ່ານໄດ້ສະແດງໃຫ້ເຫັນ ຫຼື ອະທິບາຍການເຂົ້າ
ຕີສະໜິດກັບ ຈີນ.”
ທ່ານ Duterte ໄດ້ໄປຢ້ຽມຢາມ ຈີນ ສອງຄັ້ງ, ທ່ານໄດ້ພົບປະກັບປະທານປະເທດ ຈີນ
ທ່ານ ສີ ຈິ່ນຜິງ ແລະ ໄດ້ຕົກລົງທີ່ຈະຈັດການເຈລະຈາໃນເດືອນນີ້ ໃນການຄຸ້ມຄອງ
ກ່ຽວກັບ ເນື້ອທີ່ທາງທະເລທີ່ມີຄວາມຂັດແຍ້ງກັນ. ຈີນ ໄດ້ສະເໜີໃຫ້ການຊ່ວຍເຫຼືອ
ແລະການລົງທຶນມູນຄ່າ 24 ຕື້ໂດລາໃນເດືອນຕຸລາປີກາຍນີ້ ແລະ ໃນເດືອນມັງກອນທີ່
ຜ່ານມາກໍໄດ້ໃຫ້ຄຳໝັ້ນສັນຍາຕໍ່ 30 ໂຄງການມູນຄ່າ 3.7 ຕື້ໂດລາ.
ບັນດານັກວິເຄາະກ່າວວ່າ ການຝຶກຊ້ອມຢູ່ນອກຊາຍຝັ່ງມະຫາສະໝຸດປາຊີຟິກ ຂອງ
ຟີລິບປິນ ໄດ້ສົ່ງສັນຍານການສະໜັບສະໜູນໃຫ້ແກ່ ຈີນ ໃນຂະນະດຽວກັນໃຫ້ການ
ຍອມຮັບ ສະຫະລັດ ເປັນຄັ້ງໃໝ່ ພ້ອມກັບກຸ່ມສະໜັບສະໜູນ ອາເມຣິກາ ຂອງສະທາ
ລະນະຊົນ.