ລິ້ງ ສຳຫລັບເຂົ້າຫາ

ສະ​ມາ​ຊິກ ສະພາ ສຫລ ກຳລັງ​ສຶກສາ ​​ເບິ່ງ​ໄພ​ຂົ່​ມຂູ່ ຂອງພວກ​ກໍ່​ການ​ຮ້າຍ ​ໃນ​ອາ​ຟຣິກາ


ທະຫານໂຊມາລີຄົນນຶ່ງ ນັ່ງຍາມຢູ່ບ່ອນ ພວກຫົວຮຸນແຮງ al-Shabab ທຳການໂຈມຕີສະລະຊີບ ຕໍ່ຄ້າຍທະຫານສືບລັບ ທີ່ປະເທດ Mogadishu ປະເທດໂຊມາເລຍ.

ທະຫານໂຊມາລີຄົນນຶ່ງ ນັ່ງຍາມຢູ່ບ່ອນ ພວກຫົວຮຸນແຮງ al-Shabab ທຳການໂຈມຕີສະລະຊີບ ຕໍ່ຄ້າຍທະຫານສືບລັບ ທີ່ປະເທດ Mogadishu ປະເທດໂຊມາເລຍ.

ບັນດາ​ສະ​ຊາ​ຊິກ​ສະພາ​ສະຫະລັດ ທີ່ກຳລັງ​ສຶກສາເບິ່ງ​ໄພ​ຂົ່​ມຂູ່ຂອງ​ພວກ​ກໍ່​ການ​ຮ້າຍ​ໃນ ​ອາ​ຟຣິກາ ​ໄດ້​ສ​ະ​ແດງ​ຄວາມ​ເປັນ​ຫ່ວງ​ໃນ​ວັນ​ອັງຄານ​ວານ​ນີ້​ວ່າ ສະຫະລັດ ອາດ​ເບິ່ງ​ຂ້າມເລື້ອງ​ສິດທິ​ມະນຸດແລະ​ການ​ປົກຄອງ​ທີ່ບໍ່​ດີ ​ໂດຍ​ບັນດາຜູ້ນຳ​ຢູ່​ໃນ​ຂົງ​ເຂດ ​ທີ່​ໃຫ້ການ​ຊ່ວຍ​ເຫລືອ​ໃນ​ການ​ຕໍ່ຕ້ານ​ພວກການ​ກໍ່​ການ​ຮ້າຍ.

ລັດຖະມົນຕີ​ຊ່ວຍ​ວ່າການ​ກະຊວງ​ການຕ່າງປະ​ເ​ທດສະຫະລັດ ຮັບຜິດຊອບ​ກິດຈະ​ການ ອາ​ຟຣິກາທ່ານ​ນາງ Linda Thomas-Greenfield ກ່າວ​ຕໍ່ສະມາຊິກ​ສະພາ​ສູງ ​ໃນ​ການ ​ຮັບ​ຟັງ​ຄຳ​ໃຫ້ການທີ່​ຈັດ​ຂຶ້ນ​ໂດຍ​ຄະນະ​ກຳມະການຄວາມ​ສຳ ​ພັນຕ່າງປະ​ເທດວ່າ ​ບັນດາ ​ປະ​ເທ​ດຢູ່​ໃນ​ຂົງເຂດ​ ໄດ້ຕົກ​ຢູ່​ໃນ​ຄວາມ​ຫລໍ່​ແຫລມ ​ເປັນ​ພິ​ເສດ ແລະຊ່ອງ​ຫວ່າງ​ດ້ານ​ສະ ມັດຖະພາບ ​ທີ່​ຈະ​ຕ້ອງ​ໄດ້​ຮັບ​ການ​ແກ້​ໄຂ. ທ່ານ​ນາງ Thomas-Greenfield ກ່າວ​ວ່າ ພວກ​ກຸ່ມ​ກໍ່​ການ​ຮ້າຍ​ໄດ້​ພາກັນເກນ ​ເອົາ​ພວກ​ນັກ​ລົບພຽງ​ແຕ່​ສະ​ເໜີ​ໃຫ້​ເງິນ​ເຂົາ​ເຈົ້າ ​ເພື່ອ ເປັນ​ການ​ຕອບ​ໂຕ້​ຕໍ່​ເລື້ອງດັ່ງກ່າວນີ້ ທ່ານ​ນາງ​ກ່າວ​ວ່າ ລັດຖະບານ​ຕ້ອງ “​ໃຊ້​ຊັບພະຍາ ກ​ອນທຸກ​ຢ່າງ​ທີ່ມີ​ຢູ່ ​ເພື່ອ​ສະ​ເໜີ​ໃຫ້ການ​ສຶກສາ ​ແລະໃຫ້ໂອກາດ​ ໃນ​ເລື້ອງວິຊາອາ​ຊີບ” ​ເພື່ອ​ປະ​ເຊີນ​ໜ້າ​ກັບບັນດາ​ກຸ່ມ​ດັ່ງ​ກ່າວ.

ສະຫະລັດ​ໄດ້ເພັ່ງ​ເລັງໃສ່​ການໃຫ້ການຊ່ວ​ຍເຫລືອ​ແກ່ບັນດາ​ປະ​ເທດ​ຕ່າງໆ​ໃຫ້​ມີ​ໂອກາດ​ ດັ່ງກ່າວ ​ແຕ່​ວ່າ​ສະມາຊິກ​ສະພາ​ສູງ Ben Cardin ທີ່ຢູ່​ໃນຄະນະກຳມະການ ​ໄດ້​ສ​ະ​ແດງ​ ຄວາມ​ເປັນ​ຫ່ວງ​ວ່າ ວໍ​ຊິງ​ຕັນ ​ກຳລັງບໍ່​ຫົວຊາ​ກັບ​ການລ່ວງ ລະ​ເມີດ​ສິດທິ​ມະນຸດ ຫລື​ການ ​ປົກຄອງ​ທີ່​ບໍ່​ດີ ຕາ​ບ​ໃດ​ທີ່​ເຂົາ​ເຈົ້າຍັງ​ເປັນ​ພາຄີ​ທີ່ ​ເປັນ​ປະ​ໂຫຍ​ດ​ໃນ​ການ​ຕໍ່​ຕ້ານ​ພວກ​ກໍ່ ​ການ​ຮ້າຍ.

ພວກນັກລົບ Al-Shabab ທີ່ປະກອບອາວຸດ.

ພວກນັກລົບ Al-Shabab ທີ່ປະກອບອາວຸດ.

ທ່ານ Cardin ​ໄດ້ຖາມ​ວ່າ “ດັ່ງ​ໂຕ​ຢ່າງຢູ່ໃນ​ເອທິ​ໂອ​ເປຍ ​ເຂົາ​ເຈົ້າ​ຫາ​ກໍ່​ມີ​ການ​ເລືອກ​ຕັ້ງ​ ສະພາ ​ແລະ​ບໍ່​ມີ​ຜູ້ນຳຝ່າຍ​ຄ້ານ​ພຽງ​ແຕ່​ຄົນ​ດຽວ​ໄດ້​ຖືກ​ເລືອກ​ ​ແລະ​ກຳລັງ​ຮັກສາ​ຄວາມ​ ປອດ​ໄພ​ຢູ່​ທີ່​ນັ້ນ ​ໄດ້​ສັ​ງຫານ​ພວກ​ປະ​ທ້ວງ​ຫລາຍ​ຮ້ອຍ​ຄົນ. ຢູ່​ທີ່​ປະ​ເທດ Chad ບັນດາ​ ເຈົ້າ​ໜ້າ​ທີ່​ທະຫານ​ຫລາ​ຍສິບ​ຄົນ​ໄດ້​ຖື​ຈັບ ​ເພາະວ່າ​ເຂົາ​ເຈົ້າ​ບໍ່​ລົງ​ຄະ​ແນນ​ສຽງ​ໃຫ້​ແກ່​ ປະທານາທິບໍດີ ຢູ່​ປະ​ເທດ​ໂຊ​ມາລີ ມີ​ລາຍ​ງານ​ວ່າ ​ເຂົາ​ເຈົ້າ​ໃຊ້​ພວກ​ເດັກນ້ອຍ​ເປັນ​ນັກ​ສືບ ຢູ່​ປະ​ເທດ​ໄນ​ຈີ​ເຣຍ ​ແລະ​ເຄນ​ຢາ ​ພວກທະຫານ​ໄດ້​ທຳ​ການ​ສັງຫານ​ແບບ​ຮວບ​ຮັດ​ຕັດ​ ຕອນ. ​ແຕ່ຂ້າພະ​ເຈົ້າ​ບໍ່​ເຫັນ​ການ​ຕອບ​ໂຕ້​ຫຍັງຈາກ​ສະຫະລັດ.”

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG