ຫົວໜ້າກອງທຶນສາກົນ ຫຼື IMF ເວົ້າວ່າ ສະພາບການດ້ານການເງິນກໍາລັງດີຂຶ້ນຢູ່ໃນ ຫຼາຍພາກສ່ວນຂອງໂລກໃນຂະນະນີ້ ແຕ່ຄວາມແຕກຕ່າງກໍຄືມີສະພາບຕາຍຕົວກວ່າແຕ່ກ່ອນ ລະຫວ່າງຄວາມຈະເຣີນ ແລະສະພາບເສດຖະກິດທີ່ບໍ່ໄປບໍ່ມານັ້ນ.
ທ່ານນາງ Christine Lagarde ຫົວໜ້າອົງການ IMF ເວົ້າເມື່ອວັນພຸດວານນີ້ທີ່ ນີວ ຢ໊ອກວ່າ ຕະຫຼາດການເງິນທີ່ດີຂື້ນນັ້ນກໍຍັງບໍ່ທັນພາໃຫ້ມີການຫັນປ່ຽນຢູ່ໃນບາງຂົງເຂດ ໝາຍເຖິງການປັບປຸງທີ່ດີຂຶ້ນໃນເສດຖະກິດຕົວຈິງ ແລະໃນການດໍາລົງຊີວິດຂອງປະ ຊາຊົນ.
ໃນຄໍາປາໄສຂອງທ່ານນາງ ຢູ່ທີ່ສະໂມສອນເສດຖະກິດຂອງນີວຢ໊ອກນັ້ນ ທ່ານນາງ Lagarde ໄດ້ອະທິບາຍເຖິງການໂຜ່ໂຕຂື້ນມາຂອງເສດຖະກິດ ໂລກທີ່ມີຄວາມໄວສາມລະດັບ ຊຶ່ງໃນບາງປະເທດ ໂດຍສະເພາະໃນຂົງ ເຂດເອເຊຍຕາເວັນອອກນັ້ນ ປະກົດວ່າດີຂຶ້ນ. ທ່ານນາງໄດ້ກ່າວເຖິງ ສະຫະລັດ Sweden ແລະ Switzerland ຊຶ່ງເປັນປະເທດທີ່ເສດຖະກິດພວມກຳລັງໄດ້ຮັບການປົວແປງຢູ່ ແລະເວົ້າວ່າພາກພື້ນຢູ່ໂຣບ ແລະຍີ່ປຸ່ນຈັດຢູ່ໃນກຸ່ມທີສາມ ທີ່ຍັງຕ້ອງໃຊ້ເວລາອີກດົນນານພໍສົມຄວນ ກ່ອນຈະຟື້ນຕົວຄືນຈາກວິກິດການເສດຖະກິດໂລກໄດ້.
ທ່ານນາງ Lagarde ໄດ້ໃຫ້ຂໍ້ສັງເກດເຖິງຄວາມກ້າວໜ້າທີ່ເປັນຮູບປະທໍາ ແລະວ່ອງໄວ ໂດຍບັນດາຜູ້ຮ່າງນະໂຍບາຍຂອງສະຫະລັດ ໃນດ້ານການສ້ອມແປງເສດຖະກິດທີ່ໃຫຍ່ທີ່ສຸດຂອງໂລກ ໂດຍຊີ້ໃສ່ການເຕີບໂຕ ທີ່ສະ ໝໍ່າສະເໝີ ທີ່ສະໜັບສະໜຸນໂດຍຄວາມຮຽກຮ້ອງຕ້ອງການດ້ານການເງິນທີ່ໝັ້ນຄົງ. ແຕ່ໃນຂະນະດຽວກັນ ທ່ານນາງຍັງໄດ້ເຕືອນເຖິງໜີ້ສິນຂອງລັດຖະບານສະຫະລັດ ທີ່ກໍາລັງເພີ່ມປະລິມານຂຶ້ນໄປນັບມື້ ແລະໄດ້ຮຽກ ຮ້ອງໃຫ້ສ້າງຕັ້ງ ແຜນການປະຕິບັດງານໃນໄລຍະເວລາປານກາງ ເພື່ອຈະລົດຜ່ອນໜີ້ສິນເຫຼົ່ານີ້ລົງໄດ້.
ທ່ານນາງ Christine Lagarde ຫົວໜ້າອົງການ IMF ເວົ້າເມື່ອວັນພຸດວານນີ້ທີ່ ນີວ ຢ໊ອກວ່າ ຕະຫຼາດການເງິນທີ່ດີຂື້ນນັ້ນກໍຍັງບໍ່ທັນພາໃຫ້ມີການຫັນປ່ຽນຢູ່ໃນບາງຂົງເຂດ ໝາຍເຖິງການປັບປຸງທີ່ດີຂຶ້ນໃນເສດຖະກິດຕົວຈິງ ແລະໃນການດໍາລົງຊີວິດຂອງປະ ຊາຊົນ.
ໃນຄໍາປາໄສຂອງທ່ານນາງ ຢູ່ທີ່ສະໂມສອນເສດຖະກິດຂອງນີວຢ໊ອກນັ້ນ ທ່ານນາງ Lagarde ໄດ້ອະທິບາຍເຖິງການໂຜ່ໂຕຂື້ນມາຂອງເສດຖະກິດ ໂລກທີ່ມີຄວາມໄວສາມລະດັບ ຊຶ່ງໃນບາງປະເທດ ໂດຍສະເພາະໃນຂົງ ເຂດເອເຊຍຕາເວັນອອກນັ້ນ ປະກົດວ່າດີຂຶ້ນ. ທ່ານນາງໄດ້ກ່າວເຖິງ ສະຫະລັດ Sweden ແລະ Switzerland ຊຶ່ງເປັນປະເທດທີ່ເສດຖະກິດພວມກຳລັງໄດ້ຮັບການປົວແປງຢູ່ ແລະເວົ້າວ່າພາກພື້ນຢູ່ໂຣບ ແລະຍີ່ປຸ່ນຈັດຢູ່ໃນກຸ່ມທີສາມ ທີ່ຍັງຕ້ອງໃຊ້ເວລາອີກດົນນານພໍສົມຄວນ ກ່ອນຈະຟື້ນຕົວຄືນຈາກວິກິດການເສດຖະກິດໂລກໄດ້.
ທ່ານນາງ Lagarde ໄດ້ໃຫ້ຂໍ້ສັງເກດເຖິງຄວາມກ້າວໜ້າທີ່ເປັນຮູບປະທໍາ ແລະວ່ອງໄວ ໂດຍບັນດາຜູ້ຮ່າງນະໂຍບາຍຂອງສະຫະລັດ ໃນດ້ານການສ້ອມແປງເສດຖະກິດທີ່ໃຫຍ່ທີ່ສຸດຂອງໂລກ ໂດຍຊີ້ໃສ່ການເຕີບໂຕ ທີ່ສະ ໝໍ່າສະເໝີ ທີ່ສະໜັບສະໜຸນໂດຍຄວາມຮຽກຮ້ອງຕ້ອງການດ້ານການເງິນທີ່ໝັ້ນຄົງ. ແຕ່ໃນຂະນະດຽວກັນ ທ່ານນາງຍັງໄດ້ເຕືອນເຖິງໜີ້ສິນຂອງລັດຖະບານສະຫະລັດ ທີ່ກໍາລັງເພີ່ມປະລິມານຂຶ້ນໄປນັບມື້ ແລະໄດ້ຮຽກ ຮ້ອງໃຫ້ສ້າງຕັ້ງ ແຜນການປະຕິບັດງານໃນໄລຍະເວລາປານກາງ ເພື່ອຈະລົດຜ່ອນໜີ້ສິນເຫຼົ່ານີ້ລົງໄດ້.