ລິ້ງ ສຳຫລັບເຂົ້າຫາ

ກາແດງສາກົນ ຢ້ານກົວ​ວ່າ ຂໍ້​ຕົກລົງ​ຢຸດ​ຍິງ ທີ່ບອບບາງ ໃນ​ຢູ​ເຄຣນ ຈະ​ແຕກຫັກ​​ລົງ


ພວກນັກຕໍ່ສູ້ ຂອງກອງພັນທະຫານ Azov ຕຽມພ້ອມທີ່ຈະຍິງ ອາວຸດຕໍ່ຕ້ານລົດຖັງ ໃນເມືອງ Shyrokyne ຢູ່ທາງພາກຕາເວັນອອກຂອງຢູເຄຣນ, ວັນທີ 23 ມີນາ 2015.

ພວກນັກຕໍ່ສູ້ ຂອງກອງພັນທະຫານ Azov ຕຽມພ້ອມທີ່ຈະຍິງ ອາວຸດຕໍ່ຕ້ານລົດຖັງ ໃນເມືອງ Shyrokyne ຢູ່ທາງພາກຕາເວັນອອກຂອງຢູເຄຣນ, ວັນທີ 23 ມີນາ 2015.

ຄະນະ​ກຳມະການ​ຂອງ​ສະພາ​ກາ​ແດງ​ສາກົນ ຫຼື ICRC ກ່າວ
​ວ່າ ຕົນ​ຢ້ານ​ວ່າ ຂໍ້​ຕົກລົງ​ຢຸດ​ຍິງທີ່ບອບບາງໃນ​ຢູ​ເຄຣນ ຊຶ່ງໄດ້
​ບັນລຸ​ກັນ​ ໃນ​ເດືອນ​ກຸມພາ​ຜ່ານ​ມານັ້ນ ຈະ​ແຕກຫັກລົງ. ອົງການ
ICRC ສະ​ແດງ​ຄວາມ​ກັງວົນ ກ່ຽວ​ກັບ ​ການ​ຕໍ່ສູ້​ກັນ ທີ່​ທະວີ​ຂຶ້ນ
ເມື່ອ​ບໍ່​ນານ​ມາ​ນີ້ ລະຫວ່າງ ທະຫານຢູ​ເຄຣນ ​ແລະ ພວກ​ກະບົດ
​ທີ່​ໜຸນ​ຫລັງ​ໂດຍ​ຣັດ​ເຊຍ.

ອົງ​ການ ICRC ກ່າວ​ວ່າ ການແຕກຫັກລົງຂອງຂໍ້​ຕົກລົງ​ຢຸດ​ຍິງ
ຈະ​ສົ່ງຜົນກະທົບ ຢ່າງຮ້າຍ​ແຮ້ງ ຕໍ່​ການປະຕິບັດພາລະກິດຕ່າງໆ
​ດ້ານ​ມະນຸດສະທຳ​ຂອງ​ຕົນ ຢູ່​ໃນ​ພາກ​ຕາ​ເວັນ​ອອກ​ຂອງ​ຢູ​ເຄຣນ.
ນັບ​ຕັ້ງ​ແຕ່ການ​ຢຸດ​ຍິງ​ໄດ້​ເລີ້ມ​ຕົ້ນຂຶ້ນ ​ໃນ​ເດືອນ​ກຸມພາ ​ເປັນຕົ້ນມາ ອົງ​ການ ICRC ​ກ່າວ​ວ່າ ບັນດາ​ພະນັກ​ງານ​ຊ່ອຍ​ເຫຼືອ ສາມາດ​ເຂົ້າ​ໄປ​ເຖິງ​ເຂດ​ແນວ​ໜ້າ​ໄດ້ ບ່ອນທີ່​ເຄີຍ​ເປັນ​ເຂດ​ທີ່ເຂົ້າ​ໄປບໍ່​ເຖິງ ​ນັບ​ຕັ້ງ​ແຕ່​ເດືອນກໍ ລະກົດ​ເປັນຕົ້ນມາ ລວມ​ໄປ​ຮອດ ​ເມືອງ​ຕ່າງໆ​ທີ່ໃກ້​ຄຽງ​ກັບ ​ເມືອງ Donetsk.

ອົງ​ການ ICRC ​ກ່າວ​ວ່າ ສະພາບການດັ່ງກ່າວນີ້​ໄດ້​ອຳນວຍໃຫ້​ຕົນ ສາມາດ​ແຈກ​ຍາຍ​ການ​ຊ່ອຍ​ເຫຼືອ ທີ່​ສຳຄັນ ​ໃຫ້​ແກ່ຜູ້ຄົນເປັນຈຳນວນຫຼວງຫຼາຍ ຜູ້​ທີ່​ໄດ້​ຫລົບ​ລີ້​ໄພ ຈາກ​ການ​ໂຈມ​ຕີ​ດ້ວຍ​ປືນ​ໃຫຍ່ ​ໃນສະພາບ​ອາກາດ​ທີ່​ໜາວ​ເຢັນ ຢູ່​ໃນ​ຫ້ອງ​ໃຕ້​ດິນຕ່າງໆ​ ທີ່ຄັບແຄບ. ​ແຕ່​ຫົວໜ້າ​ຫ້ອງການສະພາ​ກາ​ແດງ​ໃນ​ເມືອງ​ທ່າ Mariupol ທ່ານນາງ Tasha Rumley ກ່າວ​ວ່າ ​ໃນ​ບາງ​ບໍລິ​ເວນ ​ຍັງ​ມີ​ຄວາມ​ຍາກ​ລຳບາກ ທີ່​ຈະ​ເຂົ້າ​ໄປ​ເຖິງ​ໄດ້ ​ເຖິງ​ແມ່ນ​ວ່າ ມີ​ການ​ຢຸດ​ຍິງແລ້ວກໍ​ຕາມ.

ນຶ່ງ​ໃນ​ນັ້ນ ກໍແມ່ນບ້ານ Shyrokyne ບ່ອນ​ທີ່ ທ່ານ​ນາງ Rumley ກ່າວ​ວ່າ ການ​ສູ້ລົບ​ກັນ
ບໍ່​ຢຸດ​ຈັກ​ເທື່ອ ​ແຕ່​ຫາກ​ວ່າ ​ມັນຢູ່​ໃນ​ລະດັບ​ທີ່​ຫຼຸດລົງ. ຢູ່​ໃນ​ສາຍ​ໂທລະສັບ​ທີ່​ຟັງໄດ້ ບໍ່ຄ່ອຍ
ດີປານໃດນັ້ນ ທ່ານ​ນາງ​ກ່າວ​ຕໍ່​ວີ​ໂອ​ເອວ່າ ປະຊາຊົນ​ຢູ່​ແຫ່ງ​ນັ້ນ ​ແມ່ນ​ບໍ່​ເພິ່ງ​ພໍ​ໃຈ ​ແລະ
​ໂກດ​ແຄ້ນ ນຳ​ການ​ຕໍ່ສູ້​ກັນ​ທີ່​ເພີ້​ມຂຶ້ນ​ເມື່ອບໍ່​ດົນ​ມາ​ນີ້ ລະຫວ່າ​ງລັດຖະບານ ​ແລະ ​ພວກ​ກະ
ບົດ​ທີ່​ໜຸນ​ຫລັງ​ໂດຍຣັດ​ເຊ​ຍ.

XS
SM
MD
LG