ລິ້ງ ສຳຫລັບເຂົ້າຫາ

ຊາວອິນເດຍ 300 ຄົນ ຖືກຈັບ ​ຖານ​ມີ​ການ​ພົວພັນ​ ກັບ ການ​ລັກ​ກ່າຍຂໍ້​ສອບ


ຄົນອິນເດຍຈຳນວນນຶ່ງ ປີນຝາ ອາຄານແຫ່ງນຶ່ງ ເພື່ອຊ່ອຍເອົາຄຳຕອບຂໍ້ສອບ ໄປໃຫ້ພວກນັກສຶກສາ ທີ່ກຳລັງສອບເສັງ ຢູ່ທີ່ເມືອງ Hajipur ໃນລັດ Bihar ຂອງອິນເດຍ, ວັນທີ 18 ມີນາ 2015.

ບັນດາ​ເຈົ້າໜ້າ​ທີ່​ໃນ​ອິນ​ເດຍ ​ໄດ້​ຈັບ​ກຸມ​ເກືອບ 300 ຄົນ​ ໃນ​ວັນ
​ເສົາ​ວານ​ນີ້ ​ໃນ​ຖານ​ມີ​ການ​ພົວພັນ​ກັບ ການ​ລັກ​ກ່າຍຂໍ້​ສອບຢ່າງ​
ໃຫຍ່ ​ໃນ​ອາທິດ​ນີ້ ຢູ່​ທີ່​ລັດ Bihar ທາງ​ພາກ​ຕາ​ເວັນ​ອອກສຽງ
​ເໜືອ ​ຂອງ​ປະ​ເທດ.

ຄວາມ​ຜິດທີ່​ຖື​ກກ່າວ​ຫາ​ນັ້ນ ກ່ຽວ​ພັນ​ກັບ​ການ​ສອບ​ເສັງ​ທີ່​ສຳຄັນ
ທີ່​ນັກ​ສຶກສາມັດ​ທະຍົມ ຊັ້ນ​ທີ 10 ຫຼາຍກວ່ານຶ່ງ​ລ້ານ​ຄົນ ​ໃນ​ທົ່ວ​
ປະ​ເທດ ​ທີ່​ກຳລັງ​ທຳ​ການ​ສອບ​ເສັງ​ຢູ່ເວລາ​ນີ້. ​ກ່າວ​ກັນ​ວ່າ ຜົນ​
ຂອງ​ການ​ສອບ​ເສັງດັ່ງກ່າວ​ນີ້ ​ໂດຍ​ສ່ວນ​ໃຫຍ່ແລ້ວ ແມ່ນຈະ​ກຳ
ນົດທາງ​ເລືອກດ້ານ​ການ​ສຶກສາຕ່າງໆ ​ໃນອະນາຄົດ ​ແລະ ສະຖາ
ນະສະພາບທາງສັງຄົມ​ເສດຖະກິດ ຂອງບຸກ​ຄົນ​ໃດ​ນຶ່ງ​.

ການ​ປາບ​ປາມ​ມີ​ຂຶ້ນ ຫຼັງຈາກ​ມີການ​ເຜີຍ​ແຜ່​ຮູບ​ພາບ​ ​ ​ແລະພາບ​ວີ​ດີ​ໂອຕ່າງໆ ທີ່​ສະ​ແດງ​
ໃຫ້​ເຫັນ​ ພວກ​ຜູ້​ປົກຄອງ ຍາດຕິ​ພີ່ນ້ອງ ​ແລະໝູ່​ເພື່ອນ ພາກັນປີນ ຂຶ້ນ​ໄປ​ຕາມຝາທາງ​ນອກ ​ຂອງ​ສູນ​ສອບ​ເສັງ​ແຫ່ງ​ໜຶ່ງ​ໃນ​ລັດ Bihar ​ເພື່ອ​ເອົາເຈ້ຍຄຳ​ຕອບ​ຂໍ້​ສອບ ​ໄປ​ສົ່ງໃຫ້​ແກ່​ ພວກ​ນັກຮຽນທີ່​ກຳລັງ​ສອບ​ເສັງ​ຢູ່​ນັ້ນ.

ອົງການ​ຂ່າວ Reuters ລາຍງານ​ວ່າ ​ເຈ້ຍ​ຄຳ​ຕອບຈຳນວນ​ໜຶຶ່ງ​ ໄດ້​ຖືກ​ພັບ​ໃຫ້​ເປັນ​ຄືເຮື​ອບິນ​ ​ແລະ ​ແກ່ວ​ງເຂົ້າ​ໄປ​ໃນ​ຫ້ອງ​ສອບ​ເສັງ.

XS
SM
MD
LG