ບັນດາຜູ້ຊ່ຽວຊານສິດທິມະນຸດໄດ້ພາກັນອອກມາກ່າວຕໍ່ຕ້ານ ການກວດລ້າງຈັບກຸມຢູ່ໃນບັງກລາແດັສເມື່ອໄວໆມານີ້.
ບັນດາເຈົ້າໜ້າທີ່ບັງກລາແດັສກ່າວວ່າ ເຂົາເຈົ້າໄດ້ຈັບຫລາຍກວ່າ 11,000 ຄົນໃນທັນທີ ທັນໃດ ແລະໄດ້ເອົາມາດຕະການຕອບໂຕ້ຢ່າງເຂັ້ມງວດຕໍ່ຄື້ນຟອງການສັງຫານໂຫດ ໂດຍຜູ້ຕ້ອງສົງໄສເປັນພວກອິສລາມຫົວຮຸນແຮງ.
ແຕ່ກຸ່ມປົກປ້ອງສິດທິມະນຸດ Human Rights Watch ທີ່ມີສຳນັກງານຢູ່ນະ ຄອນນິວ ຢອກ ມີຄວາມບໍ່ແນໃຈວ່າ ການຈັບກຸມຈຳນວນຫລວງຫລາຍ ໄດ້ພົບເຫັນເປັນທີ່ພຽງພໍສຳລັບການສືບສວນ ຫລືວ່ານີ້ ຈະເປັນຜົນພາໃຫ້ຫລຸດຜ່ອນການກໍ່ຄວາມຮຸນແຮງຢູ່ໃນປະເທດ.
ທ່ານ Brad Adams ຜູ້ອຳນວຍການເຂດເອເຊຍ ຂອງກຸ່ມປົກປ້ອງສິດທິມະນຸດ Human Rights Watch ກ່າວວ່າ “ການຈັບກຸມໝູ່ຂອງຫລາຍໆພັນຄົນ ພາຍໃນສອງສາມມື້ ແມ່ນເປັນສີ່ທີ່ເຄີຍເຫັນມາກ່ອນໃນບັງກລາແດັສ ແຕ່ວ່າບໍ່ໄດ້ສ້າງຄວາມເຊື່ອໝັ້ນຫຍັງຫຼາຍວ່າ ການສັງຫານໂຫດເຫລົ່ານີ້ຈະຢຸດເຊົາຫລືການດຳເນີີນການຕາມຂະບວນການຍຸຕິທຳຈະຕິດຕາມມາ.”
ທ່ານໄດ້ກ່າວຕໍ່ໄປອີກວ່າ “ຫລັງຈາກໄດ້ມີການຊັກຊ້າແລະການຕອບໂຕ້ທີ່ເພິງພໍໃຈກ່ຽວ
ກັບການໂຈມຕີທີ່ໂຫດຫ້ຽມແລ້ວ ກຳລັງຮັກສາຄວາມປອດໄພບັງກລາແດັສ ພາກັນມີນິໄສແບບເກົ່າ ແລະອ້ອມຈັບບັນດາຜູ້ຕ້ອງສົງໄສຄົນເກົ່າ ແທນທີ່ຈະເຮັດວຽກໜັກໃນການປະຕິບັດງານການສືບສວນທີ່ເໝາະສົມ.”
ຖະແຫລງການ ທີ່ນຳອອກເຜີຍແຜ່ ໂດຍກຸ່ມປົກປ້ອງສິດທິມະນຸດ Human Rights Watch ໃນວັນສຸກມື້ນີ້ ອ້າງລາຍງານສື່ມວນຊົນວ່າ ຕຳຫລວດພາກັນຮັບສິນບົນປ່ອຍໂຕ ພວກຖືກກັກຂັງຫລາຍຄົນແລ້ວ.