ລິ້ງ ສຳຫລັບເຂົ້າຫາ

ອົງການ HRW ກ່າວວ່າ ເດັກນ້ອຍ ທີ່ເຮັດວຽກ ຢູ່ສວນຢາ ອິນໂດເນເຊຍ ຕົກຢູ່ໃນອັນຕະລາຍ


ພວກພະນັກງານພາກັນເຮັດວຽກຕັດໃບຢາ ທີ່ຈະສົ່ງໄປ ເມືອງ Bremen ປະເທດ Germany ທີ່ໂຮງງານໃນບ້ານ Klumpang ທາງພາກເໜືອ ເກາະ Sumatra ປະເທດ Indonesia.

ພວກພະນັກງານພາກັນເຮັດວຽກຕັດໃບຢາ ທີ່ຈະສົ່ງໄປ ເມືອງ Bremen ປະເທດ Germany ທີ່ໂຮງງານໃນບ້ານ Klumpang ທາງພາກເໜືອ ເກາະ Sumatra ປະເທດ Indonesia.

ເກີດວິນຫົວ ​ເຈັບຫົວ ປວດຮາກ ​ແລະຮາກ​ອອກມາ ສິ່ງ​ເຫລົ່ານີ້ ​ແມ່ນ​ອາການ​ຂອງ​ພວກ ເດັກນ້ອຍ​ອິນ​ໂດ​ເນ​ເຊຍ​ຫລາຍ​ພັນ​ຄົນ ທີ່​ໄດ້​ຮັບ​ຄວາມທຸກ​ທໍລະມານ ຫລັງ​ຈາກ​ໄດ້​ເຮັດ​ວຽກເປັນ​ເວລາຫລາຍ​ຊົ່ວ​ໂມງ ຢູ່​ໃນ​ທົ່ວປະ​ເທດທີ່​ມີ​ການປູກຕົ້ນ​ຢາສູບ​ຢ່າງ​ກວ້າງ​ຂວາງ ນັ້ນ.

ຢູ່​ໃນ​ລາຍ​ງານ​ໃໝ່​ສະບັບ​ນຶ່ງ ທີ່​ນຳ​ອອກ​ເຜີຍ​ແຜ່ໃນ​ວັນ​ພຸດ​ມື້​ນີ້ ທີ່​ມີ​ຊື່​ວ່າ ການ​ເກັບ​ກ່ຽວ​ ທີ່ຢູ່​ໃນ​ເລືອດ​ຂ້ອຍ ອັນຕະລາຍ​ຂອງ​ການ​ໃຊ້ແຮງ​ງານ​ເດັກນ້ອຍ ຢູ່ໃນ​ການປູກ​ຢາສູບ ​ໃນ​ອິນ​ໂດ​ເນ​ເຊຍ ຊຶ່ງກຸ່ມ​ປົກ​ປ້ອງ​ສິດທິ​ມະນຸດ Human Rights Watch ​ໄດ້​ສຳພາດ​ ພວກ​ເດັກນ້ອຍ​ທີ່ອອກແ​ຮງງານ​ຫລາຍ​ຮ້ອຍ​ຄົນ ທີ່​ມີອາຍຸ​ລະຫວ່າງ 8 ຫາ 17 ປີ ທີ່​ກຳ ລັງເຮັດ​ວຽກ​ຢູ່​ໃນ​ສວນ​ຢາ ​ແຈກ​ຢາຍກັນ​ຢູ່ 500,000 ​ແຫ່ງ ​ເຖິງ​ແມ່ນ​ວ່າ ອິນ​ໂດ​ເນ​ເຊຍ ມີກົດໝາຍ​ຫ້າມ​ບໍ່ໃຫ້​ໃຊ້​ແຮງ​ງານເດັກນ້ອຍ​ອາຍຸ​ຕໍ່າ​ກວ່າ 18 ປີໃນ​ການ​ເຮັດ​ວຽກ​ທີ່​ເປັນ ​ອັນ​ຕະລາຍ ຮວມທັງ​ເຮັດ​ວຽກ​ຢູ່​ໃນ​ສິ່ງ​ແວດລ້ອມ ​ທີ່​ເປັນ​ອັນຕະລາຍ​ຂອງສານເຄ​ມີ.

ລາຍ​ງານ​ໄດ້​ເປີດ​ເຜີຍ​ວ່າ ພວກ​ເດັກນ້ອຍ​ພາກັນເຮັດ​ວຽກ​ກັບ​ໃບ​ຢາສູບ​ດ້ວຍ​ມື​ເປົ່າ​ ​ເຮັດ ​ໃຫ້​ເຂົາ​ເຈົ້າ​ຕົກ​ຢູ່​ໃນ​ອັນ​ຕະລາຍ​ຂອງ​ການ​ຕິດ​ສານ​ພິດ nicotine ທີ່​ຮູ້​ກັນ​ດີ​ວ່າ “ພະ​ຍາດ​ ຢາສູບ​ຂຽວ” ທີ່​ເກີດ​ຂຶ້ນ​ຈາກ​ການ​ນຳ​ເອົາ nicotine ​ຜ່ານເຂົ້າສູ່ຜິວ​ໜັງ​. ພວກ​ເດັກນ້ອຍ​ ຍັງ​ມີ​ຄວາມ​ສ່ຽງ​ຕື່ມ​ຂຶ້ນ ​ໃນ​ການ​ຖືກເຜີຍ​ແຜ່​ໃສ່ ​ກັບ​ຢາຂ້າ​ແມງ​ໄມ້ ຊຶ່ງ​ກຸ່ມ​ປົກ​ປ້ອງສິດທິ ​ມະນຸດ Human Rights Watch ກ່າວ​ວ່າ​ ມີ​ຜົນ​ສະທອນ​ໃນລະຍະ​ຍາວ ບັນຫາ​ສັບສົນ ​ດ້ານ​ສຸຂະພາບ​ເຊັນ​ວ່າ ບັນ​ຫາ​ການ​ຫາຍ​ໃຈ ມະ​ເຮັງ ຊຶມ​ເສົ້າ ​ແລະທຳລາຍ​ເສັ້ນປະສາດ.

ຢາສູບສ່ວນ​ໃຫຍ່​ຂອງ​ອິນ​ໂດ​ເນ​ເຊຍແມ່ນ​ໄດ້ຊີື້ຂາຍ​ກັນ​ຢູ່​ເດີ່ນຕະຫລາດທີ່​ເປີດ ກວ້າງ ​ໂດຍ​ບໍ່​ລິສັດ​ຜະລິດ​ຢາສູບໃຫຍ່​ໆຈາກ​ຫລາຍ​ປະ​ເທດ ຮວມທັງ​ບໍລິສັດ Philip Morris International ຂອງ​ສະຫະລັດ. ກຸ່ມ​ປົກ​ປ້ອງ​ສິດທິ​ມະນຸ​ດ Human Rights Watch ກ່າວ​ວ່າ ຍັງ​ບໍ່ພົບ​ເຫັນ​ຫລັກ​ຖາ​ນໃດໆທີ່​ວ່່າ​ບັນດາ​ບໍລິສັດ​ເຫລົ່າ​ນີ້ ພາກັນ​ເອົາ​ບາດກ້າວ​ ເພື່ອ​ປ້ອງ​ກັນບໍ່​ໃຫ້​ໃຊ້​ແຮງ​ງານ​ເດັກນ້ອຍໃນອຸດສາຫະກຳ​ຂອງ​ພວກ​ເຂົາ​ເຈົ້າ.

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG