ລິ້ງ ສຳຫລັບເຂົ້າຫາ

ພວກທະຫານບ້ານ ໃນ CAR ທໍາການໂຈມຕີ ປະຊາຊົນ ຢ່າງ​ຫ້ຽມ​ໂຫດ ປ່າ​ເຖືອນ ​ທີ່​ສຸດ (ວີດີໂອ/ສະໄລດ໌)


ກຸ່ມ​ປົກ​ປ້ອງສິດທິ​ມະນຸດ Human Rights Watch ກ່າວ​ວ່າ
ພວກ​ທະຫານ​ບ້ານ​ທີ່ນັບຖື​ສາສະໜາ​ຄຣິສ ​ໃນ​ສາທາລະນະ​ລັດ
​ອາ​ຟຣິກາ​ກາງ ​ໄດ້ກະທໍາ​ຄວາມ​ໂຫດຮ້າຍ​ທາລຸນ​ຕ້ານ​ພວກ​
ຊາວ​ມຸສ ລິ​ມ ​ໃນ​ກົງ​ກວຽນ​ແຫ່ງຄວາມ​ຮຸນ​ແຮງ​ ທີ່ຂົ່ມຂູ່​ຈະເພີ່ມ​
ທະວີຮ້າຍແຮງຂຶ້ນຈົນ​ບັງຄັບ​ບໍ່​ໄດ້​ແລ້ວ.

ກຸ່ມ​ດັ່ງກ່າວ​ໄດ້​ອອກ​ລາຍ​ງານ​ໃໝ່​ ໃນ​ວັນ​ພະຫັດ​ມື້​ນີ້ ທີ່​ເນັ້ນ
​ເຖິງອັນ​ທີ່ຕົນ​ເອີ້ນ​ວ່າ ຄວາມ​ໂຫດ ຮ້າຍ​ຂອງ​ພວກ​ທະຫານ
ບ້ານດັ່ງກ່າວ ​ໃນຫຼາຍໆ​ເດືອນ​ຜ່ານ​ມານີ້ ​ໃນ​ແຂວງ Ouham
ຂອງ​ປະ​ເທດ.

ລາຍ​ງານ​ເວົ້າ​ວ່າ ພວກ​ທີ່ຢູ່​ອາ​ໄສຢູ່​ໃນ​ຂົງ​ເຂດ ​ໄດ້​ເລົ່າ​ເຖິງ​ການ​ໂຈມ​ຕີ “​ທີ່​ຫ້ຽມ​ໂຫດ
ປ່າ​ເຖືອນ ຢ່າງ​ໜ້າ​ຕົກ​ໃຈ​ທີ່​ສຸດ”
ຊຶ່ງ​ຮວມເຖິງ​ການ​ປາດ​ຄໍ ​ພວກ​ແມ່ຍິງ​ແລະ​ເດັກ
ນ້ອຍ​ນໍາ.

ສາທາລະນະ​ລັດ​ອາ​ຟຣິກາ​ກາງ​ ໄດ້​ຊຸດ​ໂຊມແລະ​ຕົກລົງ​ສູ່ສະພາບ​ທີ່ວຸ້ນວາຍ ບໍ່​ມີ​ຂື່ ບໍ່​ມີ​ແປ
​ໃນ​ເດືອນ​ມີນາ​ຜ່ານ​ມາ​ນີ້ ຫຼັງ​ຈາກ​ທີ່ພວກ​ກະບົດທີ່​ສ່ວນ​ໃຫຍ່ເປັນຊາວ​ມຸສລິມ​ ​ແລະ​ເອີ້ນ​ກັນ
​ໃນ​ນາມ Seleka ​ໄດ້ໂຄ່ນ​ລົ້ມ​ປະທານາທິບໍດີ Francois Bozize ​ແລະໄດ້​ພາກັນ​ປຸ້ນ​
ສະດົມ ແລະສັງຫານຜູ້​ຄົນ​ຢ່າງ​ຫລວງຫລາຍ ​ເປັນ​ເວລາຫຼາຍໆ​ເດືອນ ​ຊຶ່ງພາ​ໃຫ້​ມີ​ການ
​ຕອບ​ໂຕ້​ແກ້​ແຄ້ນ​ຄືນ​ຈາກ​ກຸ່ມພັນທະ​ມິດຂອງ​ທ່ານ Bozize ​ແລະ​ພວກທະຫານ​ບ້ານ​
ທີ່ນັບຖື​ສາສະໜາ​ຄຣີສ ທີ່​ບັດ​ນີ້ ຖືກ​ກ່າວ​ຫາ​ວ່າ ​ເປັນ​ຝ່າຍ​ສ້າງ​ຄວາມ​ໂຫດຮ້າຍ​
ປ່າ​ເຖື່ອນ​ນັ້ນ.

ທ່ານ Peter Bouckaert ຜູ້​ອໍານວຍ​ການ​ຝ່າຍສຸກ​ເສີນ ຂອງ​ອົງການ​ປົກ​ປ້ອງ​ສິດທິ
​ມະນຸດ Human Rights Watch ກ່າວ​ວ່າ ຄວາມ​ສາມາດ​ບົ່ມ​ຊ້ອນ ທີ່​ຈະ​ມີ​ການ​ກໍ່
“ຄວາມ​ຮຸນ​ແຮງ​ເພີ້​ມອີກ​ນັ້ນ ​ແມ່ນ​ມີ​ຄວາມ​ເປັນ​ໄປ​ໄດ້​ສູງ ຢ່າງ​ໜ້າ​ຕົກ​ໃຈ.”

XS
SM
MD
LG