ພວກກະບົດ Houthi ໄດ້ປ່ອຍໂຕປະກັນຕ່າງປະເທດທີ່ໄດ້ຖືກລັກພາໂຕໃນຕົ້ນຂອງເດືອນນີ້ຢ່າງໜ້ອຍ 5 ຄົນ, ລວມທັງຊາວ ອາເມຣິກາ 2 ຄົນນຳ.
ທັງໝົດແມ່ນໄດ້ຖືກປ່ອຍໂຕໃນວັນອາທິດວານນີ້ ພາຍຫຼັງການເຈລະຈາລະຫວ່າງພວກກະບົດ ແລະ ລັດຖະບານຂອງປະເທດ ໂອມານ. ຂໍ້ມູນກ່ຽວກັບການເຈລະຈາ ຫຼື ເປັນຫຍັງໂຕປະກັນຈຶ່ງໄດ້ຖືກລັກພາໂຕໃນຕອນທຳອິດແມ່ນບໍ່ຈະແຈ້ງ.
ບໍ່ມີໂຕປະກັນຄົນໄດ້ຖືກລະບຸຕົນໃຫ້ຮູ້. ແຕ່ວ່າບໍລິສັດພັດທະນາ
ຂ້າມມະຫາສະໝຸດ ຕັ້ງຢູ່ໃນເມືອງ New Orleans ເຊິ່ງໄດ້ຊ່ວຍໃນການລຳລຽງສິ່ງຂອງຊ່ວຍເຫຼືອດ້ານມະນຸດສະທຳ ກ່າວວ່າ ໜຶ່ງໃນບັນດາພະນັກງານຂອງພວກເຂົາ, ທ້າວ Scott Darden ແມ່ນໜຶ່ງໃນຈຳນວນໂຕປະກັນນັ້ນ.
ໂຄສົກທຳນຽບຂາວ ທ່ານ Ned Price ໄດ້ກ່າວວ່າ ສະຫະລັດ ແມ່ນຮູ້ສຶກເຖິງບຸນຄຸນຢ່າງເລິກເຊິ່ງຕໍ່ທຸກໆຄົນທີ່ໄດ້ເຮັດໜ້າທີ່ເພື່ອປ່ອຍໂຕຜູ້ຖືກຈັບເປັນໂຕປະກັນ.
ທ່ານ Price ໄດ້ກ່າວວ່າ “ຜົນລັບນີ້ໄດ້ຢືນຢັນວ່າພວກເຮົາໄດ້ເຮັດ ແລະ ຈະສືບຕໍ່ເປັນ, ຕິດຕາມການປ່ອຍໂຕຄົນ ອາເມຣິກັນ ທີ່ຖືກຄຸມຂັງໃນຕ່າງປະເທດຢ່າງບໍ່ມີຄວາມຍຸດຕິທຳ, ລວມທັງຜູ້ທີ່ຍັງເຫຼືອຢູ່ໃນພາກພື້ນນັ້ນ.”
ຊາວຕາເວັນຕົກຄົນອື່ນໆທີ່ໄດ້ຖືກຈັບຢູ່ໃນ ເຢເມນ ແມ່ນໄດ້ຖືກປ່ອຍໂຕເມື່ອສອງສາມເດືອນນີ້, ບາງຄົນກໍໄດ້ສະແດງຄວາມຂອບອົກຂອບໃຈຕໍ່ການໄກ່ເກ່ຍຂອງ ໂອມານ.
ຊົນເຜົ່າຂອງ ເຢເມນ ໄດ້ລັກພາໂຕ ໂຕປະກັນຊາວຕາເວັນຕົກເປັນປະຈຳ ເພື່ອພະຍາຍາມຈະເອົາຊະນະການສຳປະທານທີ່ດິນຈາກລັດຖະບານ. ເກືອບທຸກໆຄົນທີ່ໄດ້ຖືກປ່ອຍໂຕໂດຍບໍ່ໄດ້ຮັບບາດເຈັບໃດໆ. ແຕ່ວ່ານັກຂ່າວ ສະຫະລັດ ທ້າວ Luke Somers ແລະ ຄູ ສອນຄົນໜຶ່ງຈາກ ອາຟຣິກາໃຕ້, Pierre Korkie ໄດ້ຖືກຂ້າຕາຍໃນການລະຫວ່າງການພະຍາຍາມທີ່ຈະຊ່ວຍເຫຼືອພວກເຂົາຈາກພວກ al-Qaida ທີ່ລົ້ມແຫຼວໂດຍ ທະຫານ ສະຫະລັດ ປີກາຍນີ້.
ພວກກະບົດ Houthi ທີ່ໄດ້ຮັບການໜູນຫຼັງໂດຍ ອີຣ່ານ ໄດ້ຍຶດເອົາເມືອງຫຼວງ Sana’a ຂອງ ເຢເມນ ປີກາຍນີ້, ບັງຄັບໃຫ້ລັດຖະບານທີ່ຮັບຮູ້ໂດຍສາກົນຕ້ອງຫຼົບໜີເຂົ້າໄປປະເທດ ຊາອູດີອາເຣເບຍ.
