ລິ້ງ ສຳຫລັບເຂົ້າຫາ

ສະມາຊິກ ສະພາຕໍ່າ ພັກເດໂມແຄຣັດ ນັ່ງປະທ້ວງ ຮຽກຮ້ອງໃຫ້ ປະຕິຮູບ ການຄຸ້ມຄອງປືນ


ສະມາຊິກສະພາຕ່ຳ ຈາກລັດຈໍເຈຍ ທ່ານ John Lewis ນຳພາສະມາຊິກສະພາພັກເດໂມແຄຣັດ ຫຼາຍກວ່າ 200 ຄົນຮຽກຮ້ອງໃຫ້ ມີການລົງຄະແນນສຽງ ເພື່ອຂະຫຍາຍ ການກວດຊີວະປະຫວັດ ແລະບໍ່ໃຫ້ຂາຍປືນ ແກ່ພວກທີ່ສົງໄສ ເປັນຜູ້ກໍ່ການຮ້າຍ.

ໂດຍ​ການ​ປະ​ເຊີນ​ໜ້າ​ກັບ​ພວກ​ສະມາຊິ​ກ​ພັກ​ເດ​ໂມ​ແຄຣັດ ຢູ່​ໃນ​ສະພາ​ຕ່ຳທີ່ພາ ກັນ​ນັ່ງປະ​ທ້ວງ​ ເປັນ​ເວລາ​ເກືອບ 16 ຊົ່ວ​ໂມງຮຽກຮ້ອງ​ໃຫ້​ລົງມະຕິ​ກ່ຽວ​ກັບຮ່າງ​ກົດໝາຍ​ຄວບ​ຄຸມ​ປືນນັ້ນ ພັກຣີພັບ​ບລີ​ກັນ​ທີ່​ຄວບ​ຄຸມ​ສະພາ​ດັ່ງກ່າວ​ຈຶ່ງໄດ້​ລົງຄະ​ແນນ​ສຽງ​ ໃນ​ຕອນເຊົ້າວັນ​ພະຫັດ​ມື້ນີ້ ເພື່ອ​ຢຸດ​ພັກ​ໄປ​ຈົນ​ຮອດ​ວັນ​ທີ 5 ກໍລະກົດ.

ການ​ເຄື່ອນ​ໄຫວ​ທີ່​ວ່າ​ນີ້ ​ໄດ້​ມ້ວນທ້າຍ​ຄ່ຳ​ຄືນທີ່​ຕື່ນເຕັ້ນຢູ່​ທີ່​ຕຶກ​ລັດຖະສະພາ​ສະຫະ ລັດບ່ອນ​ທີ່​ໃນ​ບາງ​ຄັ້ງບາງ​ຄາວສະມາ​ຊິກຂອງ​ພັກຣີພັບ​ບລີ​ກັນ​ໄດ້​ກັບ​ຄືນໄປ​ລົງ​ຄະ ​ແນນສຽງ​ກັນ ​ໃນ​ຂະນະ​ທີ່​ສະມາຊິກ​ພັກ​ເດ​ໂມ​ແຄຣັດ ທີ່​ໂຮມ​ຊຸມນຸມ ກັນ​ກ່າວ​ວ່າ ບໍ່​ ຮັບຜ່ານຮ່າງ​ກົດໝາຍ ກໍ​ຈະ​ບໍ່​ມີ​ການ​ພັກ ​ແລະພາກັນ​ຮ້ອງ​ໂຮ​ສົ່ງ​ສຽງ​ດັງ ຕໍ່ຕ້ານ​ປະ ທານສະພາ​ຕ່ຳ ທ່ານ Paul Ryan.

ໃນ​ລະຫວ່າງ​ການ​ລົງ​ຄະ​ແນນ​ສຽງ​ນັ້ນ ພັກ​ຣີພັບ​ບລີກ​ກັນ​ໄດ້​ສັ່ງ​ໃຫ້​ສະພາ​ຕ່ຳ​ຢຸດ ພັກ ຊຶ່ງ​ເປັນ​ການ​ເຄື່ອນ​ໄຫວ​ທີ່​ໝາຍ​ຄວາ​ມວ່າ ທັງ​ກ້ອງຖ່າຍຮູບ​ແລະ​ໄມ​ທີ່ຢູ່​ໃນ ສະພາ​ຕ່ຳ​ທັງ​ໝົດ​ຖືກ​ສັ່ງໃຫ້​ມອດ​ໄວ້. ສ່ວນ​ພັກ​ເດ​ໂມ​ແຄ​ຣັດ​ໄດ້ສົ່ງ​ຮູບພາບ​ການ ປະ​ທ້ວງ​ຂອງ​ພວກ​ເຂົາ​ເຈົ້າ ອອກ​ໄປ​ທາງໂທລະສັບ​ມື​ຖືໂດຍ​ຜ່ານ​ທາງ​ເຟສບຸກ ​ແລະ​ກ້ອງສັງ​ເກດ​ການ ​ແລະ​ຕາໜ່າງ​ໂທລະພາບ​ C-SPAN ​ກໍ​ເລີ້ມການ​ອອກ ອາກາດ​ຂອງ​ຂໍ້​ມູນ​ທີ່​ໄດ້​ຮັບ ຊຶ່ງ​ຕາມ​ປົກກະຕິ​ແລ້ວ ​ໃຊ້​ກ້ອງຖ່າຍຮູບ​ຂອງ​ສະພາ​ຕ່ຳ​ນັ້ນ.

ສະມາຊິກ​ສະພາ​ຕ່ຳ John Lewis ຜູ້ນຳ​ການເຄື່ອນ​ໄຫວ​ດ້ານ​ສິດທິ​ພົນລະ​ເມືອງ ທີ່ສຳຄັນຈາກ​ລັດ Georgia ລິ​ເລີ້ມການ​ຮຽກຮ້ອງ ​ຂອງ​ພັກ​ເດ​ໂມ​ແຄຣັດ ​ໃຫ້​ເອົາ ມາດຕະການ​ດ້ານ​ນິຕິ​ບັດ​ຢັດ ​ເພື່ອ​ຕອບ​ໂຕ້​ຕໍ່​ການ​ສັງຫານ​ໝູ່ ​ຢູ່​ເມືອງ Orlando ​ໃນ​ລັດ Florida ປະມານ​ຕອນ​ທ່ຽງ ​ຂອງ​ວັນ​ພຸດ​ວານ​ນີ້ ​ໂດຍ​ຮຽກຮ້ອງໃຫ້​ ສະມາພັກຣີພັບ ​ບລີ​ກັນ​ເຂົ້າຮ່ວມ ​ເພື່ອ​ຮັບຮອງ​ເອົາ​ການ​ແກ້​ໄຂ​ທີ່​ມີ​ເຫດ​ມີ​ຜົນ.

ກ່ອນ​ເວລາ 4 ​ໂມງ​ເຊົ້າມື້ນີ້ໜ້ອຍ​ນຶ່ງ ​ໃນ​ຂະນະ​ທີ່​ເພື່ອນຮ່ວມ​ງານ​ຂອງ​ທ່ານ​ຍັງສືບ ​ຕໍ່ຂຶ້ນກ່າວ​ຖະ​ແຫລງຢູ່​ສະພາ​ຕ່ຳ​ນັ້ນ ທ່ານ​ເວົ້າວ່າ ປະຊາຊົນ​ຊາວ​ອາ​ເມຣິກັນຢາກ ໃຫ້ສະມາຊິກ​ສະພາ​ດຳ​ເນີນ​ການ​ລົງ​ໄປ​ແລະ​ພັກ​ເດ​ໂມ​ແຄຣັດຈະ​ເລີ້ມຄືນ​ອີກເວລາ ສະ​ຕ່ຳກັບ​ຄືນ​ມາ​ເຮັດ​ວຽກ​ໃນ​ເດືອນ​ກໍລະກົດ.

ອ່ານຂ່າວນີ້ຕື່ມເປັນພາສາອັງກິດ

XS
SM
MD
LG