ລິ້ງ ສຳຫລັບເຂົ້າຫາ

ການພົບປະກັນ ລະຫວ່າງ ພວກສົ່ງເສີມ ການປະຕິຮູບ ແລະເຈົ້າໜ້າທີ່ ລັດຖະບານ ຮົງກົງ ບໍ່ຄືບໜ້າ


ພວກປະທ້ວງນິຍົມປະຊາທິປະໄຕ ເບິ່ງການເຈລະຈາກັນ ລະຫວ່າງພວກຜູ້ນຳນັກສຶກສາ ແລະເຈົ້າໜ້າທີ່ ລັດຖະບານ ໃນຈໍວີດີໂອ ທີ່ຮົງກົງ ວັນທີ 21 ຕຸລາ 2014.

ການ​ພົບ​ປະກັນ 2 ຊົ່ວ​ໂມງ​ໃນ​ຮົງ​ກົງ​ໃນ​ວັນ​ອັງຄານ​ວານ​ນີ້ ລະ
ຫວ່າງ ພວກ​ສົ່ງ​ເສີມ​ການ​ປະຕິ​ຮູບ​ດ້ານ​ການ​ເມືອງ ​ແລະ​ບັນ
ດາ​ເຈົ້າ​ໜ້າ​ທີ່​ລັດຖະບານ​ໄດ້​ຍຸດຕິ​ລົງ​ໂດຍ​ບໍ່​ໄດ້​ຮັບ​ຄວາມ​ຄືບ
​ໜ້າ​ໃດໆ ​ພາໃຫ້​ພວກ​ນັກສຶກສາ​ປະ​ທ້ວງ ຕັ້ງ​ຄຳ​ຖາມ​ຂຶ້ນ​ມາ​
ວ່າ ພວກ​ເຂົາ​ເຈົ້າ​ຈະ​ສືບ​ຕໍ່​ທຳ​ການ​ໂອ້​ລົມ​ເຈລະຈາ​ກັນ​ຕໍ່​ໄປ
​ຫຼື​ບໍ?

ການ​ໂອ້​ລົມ​ສົນທະນາ​ກັນ​ທີ່​ຖ່າຍ​ທອດ​ທາງ​ໂທລະພາບ ​ໄດ້​
ເປັນ​ນະ​ໂຍບາຍ​ຂອງ​ພວກ​ທີ່​ຈັດ​ແຈງ​ການ​ປະ​ທ້ວງ ​ເພື່ອ​ໃຫ້​
ຄວາມ​ຄິດ​ຄວາມ​ເຫັນ​ວ່າ​ ເປັນ​ຫຍັງ​ພວກ​ເຂົາ​ເຈົ້າ​ຈຶ່ງ​ທຳ​ການ
​ປະ​ທ້ວງ​ມາ​ໄດ້​ດົນ​ກວ່າ 3 ສັບປະດາ​ຢູ່​ຕາມ​ຖະໜົນ​ຫົນທາງ​
ສາຍ​ຕ່າງໆໃນ​ຮົງກົງ ​ໂດຍ​ສົ່ງ​ເສີມ​ໃຫ້​ມີ​ການ​ປົກຄອງ​ຕົນ​ເອງ​ທາງ​ດ້ານ​ການ​ເມືອງ​ຫຼາຍ​ຂຶ້ນຈາກ​ປັກ​ກິ່ງ​ນັ້ນ.

ບັນດາ​ເຈົ້າ​ໜ້າ​ທີ່​ຮົງ​ກົງ​ຕອບ​ໂຕ້​ວ່າ ຄຳ​ຮຽກຮ້ອງ​ຂອງ​ພວກ​ນັກ​ສຶກສາ ເປັນ​ໄປ​ບໍ່​ໄດ້​ທາງ​ດ້ານ​ກົດໝາຍ.

ທ່ານ Lester Shum ຫົວໜ້າ​ສະຫະພັນ​ນັກ​ສຶກສາ​ຮົງ​ກົງໄດ້​ສະ​ແດງ ຄວາມ​ແປກໃຈ
​ອອກ​ມາ​ໃນ​ເຊົ້າ​ວັນ​ອັງຄານ​ວານ​ນີ້​ທີ່ລັດຖະບານຍັງຮຽກຮ້ອງ​ໃຫ້​ພວກ​ເຂົາ​ເຈົ້າ​ຮັບ​ເອົາ​
ໂຄງ​ຮ່າງຂອງ​ປັກ​ກິ່ງສຳລັບການ​ເລືອກ​ ຕັ້ງ​ໃນ​ປີ 2017 ນັ້ນ.

ທ່ານ Lester Shum ກ່າວ​ວ່າ “ຂ້າພະ​ເຈົ້າ​ບໍ່​ສາມາດ​ເຊື່ອ​ວ່າ ລັດຖະ ບານ​ຍັງ​ຢືນ​ຢັດ​ໃຫ້​ພວກ​ເຮົາ​ຮັບ​ເອົາໂຄງ​ຮ່າງ​ນີ້​ກ່ອນ ຍັງ​ຮຽກຮ້ອງ​ໃຫ້ພວກ​ເຮົາ​ປະຕິບັດ​ຕາມ​ໂຄງລ່າງ​ການ​ເລືອກ​ຕັ້ງ ຂອງ​ຄະນະ​ກຳມະການ ຖາວອນ​ຂອງ​ສະພາ​ປະຊາຊົນ​ແຫ່ງ​ຊາດ​ນັ້ນ. ລັດຖະບານ​ບໍ່​ໄດ້​ສະ​ແດງ ຄວາມ​ກ້າຫານ​ແລະ​ຄວາມ​ເອົາ​ຈິງ​ເອົາ​ຈັງ​ໃດໆ ​ເພື່ອ​ແກ້​ໄຂ​ບັນຫາ​ການ​ເມືອງ​ນີ້.”

ການ​ພົບ​ປະກັນ​ໃນ​ວັນ​ອັງຄານ​ວານ​ນີ້ ​ໄດ້​ອອກອາກາດ​ສົດ​ທາງ​ໂທລະພາບ ອັນ​ເປັນຄຳ​
ຮຽກຮ້ອງ​ທີ່​ສຳຄັນ​ອັນ​ນຶ່ງ​ ຂອງ​ພວກ​ປະ​ທ້ວງ. ​ໄດ້​ມີ ການຖ່າຍທອດລາຍການນີ້ ​ຢູ່​ຕາມ
ສະຖານ​ທີ່​ການ​ປະ​ທ້ວງ​ແຫ່ງ​ຕ່າງໆ ​ໃນຮົງກົງ ຊຶ່ງເປັນເຂດ​ເຄິ່ງ​ປົກຄອງ​ຕົນ​ເອງ​ຂອງ​ຈີນ
ນັ້ນ.

XS
SM
MD
LG