ລິ້ງ ສຳຫລັບເຂົ້າຫາ

ຊາວຮົງກົງປະທ້ວງ ລັດຖະບານ ທີ່ຈະໃຫ້ສອນ ຄວາມຮັກຊາດຈີນ ໃນໂຮງຮຽນ

  • ດຣ. ສິມມາລາ

ແຜນທີ່ຮົງກົງ ທີ່ມີປະຊາຊົນ​ຫລາຍໝື່ນຄົນ ພາກັນເດີນ​ຂະ​ບວນປະທ້ວງ ຕໍ່ຕ້ານແຜນການສອນຄວາມຮັກຊາດຈີນ ຢູ່ໃນໂຮງຮຽນ​.

ປະຊາຊົນຮົງ​ກົງ​ຫລາຍໝື່ນ
ຄົນ ​ໄດ້​ພາກັນ​ລົງ​ສູ່​ຖະໜົນ
​ຫົນທາງເດີນ​ຂະ​ບວນປະທ້ວງ
ຕໍ່ແຜນການຂອງລັດຖະບານ​
ທີ່ຈະໃຫ້ມີການສອນຄວາມ
ຮັກຊາດຈີນ ຢູ່ໃນໂຮງຮຽນ
ທ້ອງຖິ່ນຕ່າງໆ.

ໃນວັນອາທິດວານນີ້ ພວກ
ປະທ້ວງໄດ້ຮຽກຮ້ອງໃຫ້
ລັດຖະບານເລີກລົ້ມແຜນ
ການຂອງຕົນ ຊຶ່ງພວກເຂົາ
ເຈົ້າຢ້ານວ່າ ມັນຈະນໍາໄປ
ສູ່ການລ້າງສະໝອງເດັກ
ໂດຍການ ໂຄສະນາຊວນ
ເຊື່ອຂອງພັກຄອມມີວນິສຈີນ.

ພວກຈັດຕັ້ງການປະທ້ວງເວົ້າວ່າ ການເດີນຂະບວນທີ່ໄດ້ເລີ້ມອອກຈາກສວນໄຊຊະນະ
ຫລື Victory Park ໄປຍັງສໍານັກງານໃຫຍ່ຕ່າງໆ ຂອງລັດຖະບານນັ້ນ ໄດ້ດຶງດູດ
ເອົາປະຊາຊົນ 90 ພັນຄົນເຂົ້າຮ່ວມ ໃນຂະນະທີ່ຕໍາຫລວດ ໄດ້ໃຫ້ການຄາດຄະເນ
ທີ່ຕໍ່າກວ່າ ໂດຍເວົ້າວ່າ ມີພຽງແຕ່ 32 ພັນຄົນເທົ່ານັ້ນ.

ພໍ່ແມ່ຫລາຍໆພັນຄົນ ໄດ້ເອົາລູກຂອງຕົນໄປເຂົ້າຮ່ວມການເດີນຂະບວນນໍາ ຊຶ່ງ ບາງຄົນກໍຊຸກລໍ້ລູກນ້ອຍຂອງເຂົາເຈົ້າ ໃນຂະນະທີ່ອີກພວກນຶ່ງແມ່ນຍ່າງໄປກັບ ລູກທີ່ຢູ່ໃນໄວອາຍຸເຂົ້າໂຮງຮຽນປະຖົມ ແລະມັດທະຍົມປາຍ. ຮວມຢູ່​ໃນການປະ
ທ້ວງດັ່ງກ່າວ ຍັງມີພວກນາຍຄູ ແລະພວກສົ່ງເສີມປະຊາທິປະໄຕອີກຫລາຍໆຄົນ.

ລັດຖະບານຮົງກົງ ກໍາລັງຊຸກຍູ້ໃຫ້ໂຮງຮຽນປະຖົມ ຮັບເອົາຫລັກສູດໃໝ່ ໄປສອນ ໃນເດືອນກັນຍາຈະມາເຖິງນີ້ ຊຶ່ງໃນນັ້ນມີຫ້ອງສອນທີ່ແນໃສ່ ສ້າງຄວາມຮູ້ສຶກທະນົງ
ໃຈຕໍ່ປະເທດຊາດ ແລະຄວາມຮູ້ສຶກເປັນສ່ວນນຶ່ງຂອງຈີນ. ລັດຖະບານຮົງ​ກົງໄດ້ປະ
ຕິເສດ ຕໍ່ຄໍາຈົ່ມວ່າຂອງພວກປະທ້ວງ ທີ່ເວົ້າວ່າ ຫລັກສູດດັ່ງກ່າວແມ່ນແນ່ໃສ່ລ້າງ
ສະໝອງພວກນັກຮຽນນັ້ນ.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG