ລິ້ງ ສຳຫລັບເຂົ້າຫາ

ປະຊາຊົນຮ່ອງກົງ ໄປປ່ອນບັດ ໃນການ​ລົງ ​ປະຊາ​ມະຕິ​ ທີ່​ບໍ່​ເປັນ​ທາງ​ການ (ວີດີໂອ)


ພົນລະ​ເມືອງຮ່ອງ​ກົງ ​ພາກັນ​ໄປ​ປ່ອນ​ບັດ ​ໃນ​ການ​ລົງ​ປະຊາ​ມະຕິ​ ທີ່​ບໍ່​ເປັນ​ທາງ​ການ​ ກ່ຽວ​ກັບ​ການ​ປະ​ຕິ​ຮູບປະຊາທິປະ​ໄຕ ເມື່ອວັນອາທິດ ທີ 22 ມິຖຸນາ 2014.

ວັນ​ອາທິດ​ວານ​ນີ້ ພົນລະ​ເມືອງຮ່ອງ​ກົງ​ພາກັນ​ໄປ​ປ່ອນ​ບັດ ​
ໃນ​ການ​ລົງ​ປະຊາ​ມະຕິ​ ທີ່​ບໍ່​ເປັນ​ທາງ​ການ​ ກ່ຽວ​ກັບ​ການ​ປະ​ຕິ​
ຮູບ ປະຊາທິປະ​ໄຕ​ ຢູ່ໃນ​ອະດີດ​ເມືອງ​ຂຶ້ນຂອງອັງກິດ ຊຶ່ງ​ເປັນ​
ການ​ເຄື່ອນ​ໄຫວທີ່ເຮັດ​ໃຫ້ປັກ​ກິ່ງ​ບໍ່ພໍ​ໃຈ.

​ເກືອບ 600,000 ຄົນ​ໄດ້​ອອກສຽງ ​ໃນ​ເວລາ 3 ມື້ ​ດ້ວຍການ​
ອອກ​ສຽງ​ທາງ​ອິນ​ເຕີ​ເນັດ ​ແລະ​ ທາງ​ໂທລະສັບ ທີ່​ໄດ້​ເລີ້ມ​ຂຶ້ນ
ຕັ້ງ​ແຕ່​ວັນ​ສຸກ ອາທິດ​ແລ້ວ​ນີ້. ​ພວກເຈົ້າໜ້າ​ທີ່​ພັກ​ຄອມ​ມຸຍນິດ
​ຈີນ ກໍ​ຄືລັດຖະບານ​ຮ່ອງ​ກົງ ​ໄດ້​ປະກາດວ່າ ​ການ​ລົງ​ປະຊາ​ມະຕິ
​ດັ່ງກ່າວ ​ເປັນ​ການ​ຜິດ​ກົດໝາຍ ​ແລະ ບໍ່​ມີ​ຜົນບັງຄັບ​ໃດໆ.

ຂະ​ບວນການສູນ​ກາງ​ຄອບ​ຄອງ ຫຼື Occupy Central movement ຊຶ່ງ​ເປັນ​ຜູ້ຈັດ
​ການ​ລົງ​ປະຊາ​ມະຕິ​ດັ່ງ​ກ່າວ ​ໄດ້​ຈັດ​ໃຫ້ມີບ່ອນ​ໃຫ້ປະຊາຊົນໄປ​ລົງ​ຄະ​ແນນ​ສຽງກັນ
ຈິງ​ໆ ​ໃນ​ວັນ​ອາທິດ​ວານ​ນີ້ ຫຼັງຈາກ​ໄດ້​ມີ​ການ​ໂຈມ​ຕີ​ຢ່າງ​ໃຫຍ່ທາງ​ອິນ​ເຕີ​ເນັດ ​ຕໍ່ເວັບ
​ໄຊ້ອອກສຽງຂອງ​ເຂົາ​ເຈົ້າ​ເມື່ອ​ອາທິດ​ແລ້ວ​ນີ້. ລະ​ຍະ​ເວລາ​ການ​ອອກສຽງ​ໄດ້​ຖືກ​
ຂະຫຍາຍ​ອອກ​ໄປ ຈົນ​ເຖິງ​ວັນ​ທີ 29 ມິຖຸນາ.

ການ​ລົງປະຊາ​ມະຕິ​ຄັ້ງນີ້ ສະ​ເໜີ 3 ທາງ​ເລືອກ ​ໃຫ້​ພົນລະ​ເມືອງ​ຮ່ອງ​ກົງ ເພື່ອເລືອກ​
ເອົາ​ຜູ້​ທີ່​ສາມາດສະມັກ​ເປັນ ຫົວໜ້າບໍລິຫານ​ຫ້ອງການ ຂອງ​ຮ່ອງ​ກົງ. ເວລາ​ນີ້ ບັນດາ​
ຜູ້​ສະມັກ ​ແມ່ນ​ຖືກ​ເລືອກໂດຍ​ຄະນະ​ກຳມະການ ທີ່​ສະໜັບສະໜຸນ​ປັກ​ກິ່ງ.
XS
SM
MD
LG