ລິ້ງ ສຳຫລັບເຂົ້າຫາ

ປັກກິ່ງ ຫາທາງຈັດແຈງ ການເລືອກຕັ້ງ ຢູ່ທີ່ ຮົງກົງ ອີງຕາມ ສະມາຊິກ ສະພານິຕິບັນຍັດ


ພວກຜູ້ສະໜັບສະໜູນຈາກກຸ່ມພັກການເມືອງທີ່ແຕກຕ່າງກັນ ໄດ້ຮຽກຮ້ອງໃຫ້ປະຊາຊົນ ເລືອກເອົາຜູ້ລົງແຂ່ງຂັນ ໃນ ການເລືອກຕັ້ງສະພານິຕິບັນຍັດໃນ ຮົງກົງ. 3 ກັນຍາ 2016.

ພວກຜູ້ສະໜັບສະໜູນຈາກກຸ່ມພັກການເມືອງທີ່ແຕກຕ່າງກັນ ໄດ້ຮຽກຮ້ອງໃຫ້ປະຊາຊົນ ເລືອກເອົາຜູ້ລົງແຂ່ງຂັນ ໃນ ການເລືອກຕັ້ງສະພານິຕິບັນຍັດໃນ ຮົງກົງ. 3 ກັນຍາ 2016.

ຜູ້ສະໝັກ ຈາກພັກເສລີນິຍົມ ທີ່ສະໜັບສະໜູນປັກກິ່ງ ຜູ້ທີ່ໄດ້ຖອນໂຕອອກຈາກ ການເລືອກຕັ້ງ ສະພານິຕິບັນຍັດຂອງຮົງກົງ ທີ່ໄດ້ກ່າວອ້າງ ໃນວັນພຸດວານນີ້ ວ່າ ມີ 3 ຄົນຈາກຈີນແຜ່ນດິນໃຫຍ່ ໄດ້ຂົ່ມຂູ່ຕົນ ເຊິ່ງໄດ້ກົດດັນໃຫ້ຜູ້ກ່ຽວຖອນ​ໂຕ.

ໃນການກ່າວຕໍ່ກອງປະຊຸມຖະແຫລງຂ່າວທີ່ຮົງກົງ ທ່ານ Ken Chow Wing-kan ຜູ້ເປັນສະມາຊິກສະພາທີ່​ປຶກສາ ຍາວນານມາແລ້ວ ໄດ້ກ່າວວ່າ ​ໃນວັນທີ 24 ສິງຫາ ເປັນມື້ກ່ອນທີ່ທ່ານໄດ້ໂຈະການໂຄສະ ນາຫາສຽງຂອງທ່ານ ຢ່າງກະທັນຫັນ ທີ່ເພື່ອນ ຂອງທ່ານໄດ້ເຊື້ອເຊີນທ່ານ ໃຫ້ໄປຫາ ຢູ່ທີ່ໂຮງແຮມໃກ້ກັບເມືອງ Shenzhen ເພື່ອ ປຶກສາຫາລື “ບັນຫາຕ່າງໆທີ່ສຳຄັນ.”

ປ້າຍໂຄສະນາ ຂອງສະພານິຕິບັນຍັດ ໄດ້ຖືກວາງສະແດງໄວ້ ຢູ່ຕາມຖະໜົນ ໃນຮົງກົງ, ວັນທີ 17 ສິງຫາ 2016.

ປ້າຍໂຄສະນາ ຂອງສະພານິຕິບັນຍັດ ໄດ້ຖືກວາງສະແດງໄວ້ ຢູ່ຕາມຖະໜົນ ໃນຮົງກົງ, ວັນທີ 17 ສິງຫາ 2016.

ໃນເວລາເດີນທາງໄປຮອດ ທ່ານໄດ້ຖືກແນະນຳໃຫ້ຮູ້ ຊາຍສາມຄົນ ຜູ້ທີ່ໄດ້ອ້າງວ່າ ເຮັດວຽກໃຫ້ປັກກິ່ງ. ພວກເຂົາໄດ້ຂໍໃຫ້ທ່ານຖອນໂຕອອກຈາກການເລືອກຕັ້ງ ເພື່ອທີ່ຈະເປີດທາງ ໃຫ້ຜູ້ສະໝັກ ຄົນອື່ນທີ່ນິຍົມປັກກິ່ງ ຢູ່ໃນເມືອງ Yuen Long ຂອງທ່ານ Chow.

ໃນເວລາ ທີ່ທ່ານ Chow ໄດ້ປະຕິເສດ ໃນທັນທີທັນໃດ ຊາຍສາມຄົນນັ້ນ ໄດ້ຂົ່ມຂູ່ລາວ ໂດຍກ່າວວ່າ ພວກທີ່ສະໜັບສະໜູນທ່ານ ຈະຕ້ອງສູນເສຍຢ່າງໜັກ ແລະ ວ່າ ພວກເຂົາ ເຈົ້າ ຈະກະທຳອັນໃດອັນໜຶ່ງ ຕໍ່ພວກຄົນທີ່ໃກ້ຊິດທ່ານ.

ໃນເວລາ ທ່ານ Chow ບໍ່ເຊື່ອວ່າ ພວກເຂົາຈະສາມາດຊອກຫາ ແລະ ທຳຮ້າຍພວກຄົນ ຜູ້ທີ່ທ່ານຮັກຫອມ ພວກເຂົາເຈົ້າ ໄດ້ເປີດເຜີຍ ລາຍລະອຽດອັນເຈາະຈົງຕ່າງໆ ທີ່ເຮັດ ໃຫ້ລາວເຊື່ອໝັ້ນ.


ອ່ານຂ່າວນີ້ຕື່ມ ເປັນພາສາອັງກິດ

XS
SM
MD
LG