ລິ້ງ ສຳຫລັບເຂົ້າຫາ

ຮົງກົງ ປະຕິເສດ ຕໍ່ການປະຕິຮູບ ການເລືອກຕັ້ງ ທີ່ໜູນຫຼັງ ໂດຍ ປັກກິ່ງ


ຮູບຂອງຜູ້ບໍລິຫານສູງສຸດ ທ່ານ Leung Chun-ying ໄດ້ຖືກສະແດງໄວ້ຢູ່ນອກສະພານິຕິບັນຍັດໃນ ຮົງກົງ. 17 ມິຖຸນາ 2015

ຮູບຂອງຜູ້ບໍລິຫານສູງສຸດ ທ່ານ Leung Chun-ying ໄດ້ຖືກສະແດງໄວ້ຢູ່ນອກສະພານິຕິບັນຍັດໃນ ຮົງກົງ. 17 ມິຖຸນາ 2015

ສະມາຊິກສະພານິຕິ​ບັນຍັດຂອງຮົງ​ກົງ​ໄດ້​ປະຕິ​ເສດດ້ວຍຄະແນນ
ສຽງອັນຖ້ວມລົ້ນ ຕໍ່ແຜນການປະຕິຮູບການເລືອກຕັ້ງທີ່ເປັນບັນຫາ
ໂຕ້​ຖຽງ​ ແລະ ​ໜູນ​ຫຼັງ​ໂດຍປັກ​ກິ່ງ ທີ່​ໄດ້ພາໃຫ້ມີການ​ແບ່ງແຍກ​ ລະ
ຫວ່າງຝ່າ​ຍ ຄ້ານ​ ​ແລະ​ກຳລັງ​ສະໜັບສະໜູນ​ລັດຖະບານຢູ່ໃນ ດິນ
ແດນດັ່ງກ່າວ.

ສຽງຮ້ອງໂຮ ໄດ້ດັງກ້ອງຂຶ້ນ ທີ່ຄ້າຍຂອງ​ຜູ້ປະ​ທ້ວງ​ສະໜັບສະໜູ​ນ
ປະຊາທິ​ປະ​ໄຕ​ ໃນ​ວັນ​ພະຫັດ​ມື້​ນີ້​ຫຼັງ​ຈາກບັນດາສະມາຊິກສະພາ
ນິຕິບັດຍັດຝ່າ​ຍຄ້ານ ໄດ້​ສາມັກ​ຄີ​ກັນເພື່ອ​ລົງຄະແນນສຽງ​ຄັດຄ້ານ
ຕໍ່ແຜນການດັ່ງ ກ່າວ. ​ມີ​ພຽງ​ແຕ່ສະມາຊິກສະພາ 8 ຄົນ ​ເທົ່າ​ນັ້ນ​ທີ່
ໄດ້ລົງຄະແນນສຽງເຫັນພ້ອມກັບຮ່າງ​ກົດໝາຍນີ້ ໃນຂະນະ​ທີ່ອີກ 28 ຄົນ​ລົງຄະແນນສຽງ
ຄັດຄ້ານ.

ທ່ານ Alan Leong ຫົວໜ້າ​ພັກ​ Civic ໄດ້​ກ່າວ​ວ່າ “ພວກ​ເຮົາໄດ້​ໃຊ້​ການ​ເລືອກ​ຕັ້ງ​ທີ່ສັກ
ສິດ​ຂອງ​ພວກເຮົາໃນມື້ນີ້ ​ເພື່ອ​ຄັດຄ້ານ​ຂໍ້ສະ​ເໜີໃນ ສິດທິ​ການປ່ອນບັດ​ເລືອກ​ຕັ້ງ​ທົ່ວ​ໄປ
ຈອມ​ປອມ. ພວກ​ເຮົາ​ໄດ້​ຊ່ວຍ​ເຫຼືອ​ປະຊາຊົນ​ຊາວຮົງ​ກົງ ​ສົ່ງ​ຂໍ້ຄວາມ​ທີ່​ຊັດ​ເຈ​ນ​ໄປ​ຫາປັກ
​ກິ່ງ​ ວ່າ​ພວກ​ເຮົາ ຕ້ອງການ​ທາງ​ເລືອກ​ອັນ​ແທ້​ຈິງ.”

ຈີນ, ​ເຊິ່ງ​ໄດ້​ບັນຍັດ​ຂໍ້​ສະ​ເໜີ​ການ​ປະຕິ​ຮູບນີ້, ​ໄດ້​ມີ​ປະຕິກິ​ລິ​ຍາ​ທາງ​ລົບ ຕໍ່​ລາຍງານ​ຂ່າວ
ດັ່ງກ່າວ.

​ໂຄສົກ​ຂອງຈີນທ່ານ Lu Kang ​ໄດ້​ເວົ້າ​ວ່າ “ລັດຖະບານກາງ ​ແລະ ​ລັດ​ຖະບານ​ບໍລິຫານ
ເຂດປົກຄອງ​ພິ​ເສດ​ໄດ້​ທຳ​ຄວາມ​ພະຍາຍາມ​ອັນໃຫຍ່​ຫຼວງ​ໃນ​ກາ​ນພິຈາລະນະ​ດັ່ງ​ກ່າວນີ້.
ຜົນອອກ​ມາ ທີ່ວ່າ ​ໃນ​ປີ 2017 ​ຈະ​ບໍ່​ມີ​ສິດທິ​ໃນ​ການປ່ອນບັດ​ເລືອກ​ຕັ້ງ​ທົ່ວ​ໄປ​ ເອົາ​ຜູ້​ບໍລິ
ຫານ​ສູງ​ສຸດ​ຂອງເຂດປົກຄອງ​ພິ​ເສດ​ຮົງ​ກົງ. ​ແມ່ນ​ສິ່ງ​ທີ່​ພວກ​ເຮົາ​ບໍ່​ຢາກ​ຈະ​ເຫັນ.”

ການ​ປະຕິ​ຮູບ​ນີ້ແມ່ນ​ຈະ​ເປັນ​ຄັ້ງ​ທຳ​ອິ​ດສຳລັບ​ຊາວ​ຮົງ​ກົງ ທີ່​ຈະໄດ້​ມີ​ສິ​ດ​ປ່ອນບັດເລືອກ​ຕັ້ງ
ເອົາ​ຜູ້​ນຳ​ສູງ​ສຸດ​ຂອງ​ພວກ​ເຂົາ ​ແຕ່​ວ່າ​ຜູ້​ສະໝັກ​ທຸກ​ຄົນ​ ຈະ​ຕ້ອງ​ໄດ້​ຜ່ານ​ການ​ເຫັນ​ດີ​ໂດ​ຍ
ຄະນະ​ກຳ​ມະ​ການສະ​ໜັບສະ​ໜູນ​ ປັກ​ກິ່ງ.

ຈີນ​ໄດ້ໂຕ້​ຖຽງວ່າ ​ຂໍ້​ສະ​ເໜີ​ໃໝ່​ແມ່ນ​ເປັນ​ປະຊາທິປະ​ໄຕ​ຫຼາຍ​ກວ່າ​ທຸກໆ ສິ່ງ​ທີ່​ເຄີຍ​ມີ ​ພາຍ
ໃຕ້​ການ​ປົກຄອງ​ຂອງ​ອັງກິດ ດົນ​ກວ່າໜຶ່ງ​ສັດຕະວັດ ທີ່​ຜ່ານ​ມາ ທີ່​ໄດ້​ສິ້ນ​ສຸດ​ລົງ​ໃນ​ປີ 1997.

ພວກນັກ​ເຄື່ອນໄຫວ​ສະໜັບ​ສະ​ໜູນ​ປະຊາທິປະ​ໄຕເຊິ່ງມີ​ຫຼາຍ​ຄົນ​ໄດ້​ລຸກ​ຂຶ້ນ​ປະ​ທ້ວງຢ່າງ
ກວ້າງຂວາງ​ຕໍ່ມາດ​ຕະການ​ດັ່ງກ່າວໃນ​ປີ​ກາຍ​ນີ້ ​ໂດຍ​ເວົ້າ​ວ່າ​ ​ຂໍ້​ສະ​ເໜີ​ຂັ້ນຕອນການ​ກວດ
ກາຂອງປັກ​ກິ່ງ ​ແມ່ນ​ບໍ່​ເປັນ​ປະຊາ​ທິປະ​ໄຕ​ພໍ ​ແລະ ບໍ່​ໄດ້​ປະຕິ​ບັດ​ຕາມ​ຄຳ​ສັນຍາ​ຢ່າງ​ເຕັມ
ທີ່​ເພື່ອ​ອະນຸຍາດ​ໃຫ້​ມີ​ສິດທິ​ໃນ​ການ​ປ່ອນບັດເລືອກ​ຕັ້ງ​ທົ່ວໄປ​ ​ໃນ​ປີ 2017.

XS
SM
MD
LG