ລິ້ງ ສຳຫລັບເຂົ້າຫາ

ຜູ້ຊາຍອາຍຸ 112 ປີ ທີ່ລອດຊີວິດ ຈາກສົງຄາມໂລກ ​ຖືກ​ຮັບ​ຮູ້​ວ່າ ​​ມີ​ອາຍຸ​ຍືນ​ທີ່​ສຸດ​​ ໃນ​ໂລກ.


ຣູບພາບນີ້ ສະໜອງໂດຍ Guinness World Records ທ່ານ Marco Frigatti ຫົວໜ້າເກັບກຳປະຫວັດ ຂອງ Guinness World Records ມອບໃບປະກາດ ໃຫ້ແກ່ພໍ່ຕູ້ Israel Krista ທີ່ເປັນຜູ້ຊາຍ ມີອາຍຸຍືນທີ່ສຸດໃນໂລກ.

ຣູບພາບນີ້ ສະໜອງໂດຍ Guinness World Records ທ່ານ Marco Frigatti ຫົວໜ້າເກັບກຳປະຫວັດ ຂອງ Guinness World Records ມອບໃບປະກາດ ໃຫ້ແກ່ພໍ່ຕູ້ Israel Krista ທີ່ເປັນຜູ້ຊາຍ ມີອາຍຸຍືນທີ່ສຸດໃນໂລກ.

ປະຊາຊົນ​ອິສຣາ​ແອ​ລຄົນ​ໜຶ່ງ ທີ່​ລອດ​ຊີວິດ​ມາ​ໄດ້ຈາກ​ສົງຄາ​ມ
​ໂລກ ​ແລະການ​ກໍ່​ຄວາມຮຸນ​ແຮງ​ທີ່​ໂຫດ​ຮ້າຍ​ສຸດຕໍ່ມະນຸດຊາດ
ແລະ​ຄວາມ​ທຸກທໍລະມານ ​ໄດ້​ຖືກ​ຮັບ​ຮູ້​ວ່າ​ເປັນ​ຜູ້​ຊາຍ ​ທີ່​ມີ​ອາຍຸ
​ຍືນ​ທີ່​ສຸດໃນ​ໂລກ ​ໃນວັນ​ສຸກ​ວານ​ນີ້​ ໂດຍປື້ມສະ​ຖິຕິ​ໂລກ ຫລື
Guinness Book of World Records.

ພໍ່​ຕູ້ Israel Kristal ອາຍຸ 112 ປີ​ ກ່າວ​ວ່າ ລາວບໍ່​ມີ​ຄວາມ​ລັບ
ໃດໆ​ກ່ຽວ​ກັບ ການ​ມີ​ຊີວິດ​ຢູ່​ຍືນນານ. “ຂ້ອຍ​ເຊື່ອ​ວ່າ ທຸກ​ສິ່ງ​ທຸ​ກ
ຢ່າງ​ ໄດ້​ຖືກ​ກຳນົດ​ມາ​ແລ້ວ ຈາກເບື້ອງບົນ ​ແລະ​ພວກ​ເຮົາ​ຈະ​ບໍ່
​ຮູ້ວ່າ ​ເປັນ​ດ້ວຍເຫດຜົນ​ໃດ​.”

ພໍ່​ຕູ້ Kristal ​ເກີດ​ທີ່​ປະ​ເທດ Poland ໃນ​ປີ 1903 ​ແລະ​ໄດ້​ເຮັດ​ວຽກກ່ຽວ​ກັບ ​ທຸລະ​ກິດ
ຂາຍ​ເຂົ້າໜົມ​ຂອງ​ຄອບຄົວກ່ອນທີ່​ພວກ​ນາ​ຊີ​ຂອງ Hitler ໄດ້ເຂົ້າ​ຍຶດ​ເອົາ Poland.

ພໍ່​ຕູ້ Kristal ​ແລະ​ຄອບຄົວ​ຂອງ​ລາວ ​ໄດ້​ຖືກ​ບັງຄັບ​ໃຫ້​ໄປ​ຢູ່ຄຸ້ມ​ທຸກ​ຍາກ​ທີ່​ມີ​ຊື່ ສຽງ​ບໍ່​ດີ ​
​ໃນນະຄອນ Warsaw ບ່ອນ​ທີ່​ຫລາຍ​ພັນ​ຄົນ​ທີ່​ເປັນ​ຊາວ​ຢີວ ​ໄດ້​ຖືກ​ກັກ​ຂັງ​ ກ່ອນເກືອບ
​ທັງ​ໝົດ​ໄດ້​ຖືກ​ສົ່ງ​ໄປ​ສູນມໍລະນະຂອງ​ພວກ​ນາ​ຊີ​ເຢຍຣະມັນ.

ພໍ່​ຕູ້ Kristal ​ໄດ້​ຖືກ​ນຳ​ຂັງໄວ້​ຢູ່​ຄຸກ Auschwitz ​ແລະ​ມີ​ນໍ້າໜັກ​ພຽງ 37 ກິ​ໂລ ເວລາ​ລາວ
ຖືກປ່ອຍ. ພັນ​ລະ​ຍາ​ແລະ​ພວກ​ລູກ​ຂອງ​ລາວ​ໄດ້​ຖືກ​ຂ້າ​ຕາຍໝົດ.

ພໍ່​ຕູ້ Kristal ​ໄດ້​ຍ້າຍໄປ​ຢູ່​ອິສຣາແອ​ລ ​ແຕ່ງງານໃໝ່ ​ແລະ​ໄດ້​ເລີ້​ມທຸລະ​ກິດ​ເຮັດ​ເຂົ້າໜົມ
ຂາຍ​ຢ່າງ​ເປັນ​ຜົນສຳ​ເລັດ. ລູກ​ສາວ​ຂອງພໍ່​ຕູ້ Kristal ກ່າວ​ວ່າ ພໍ່ຂອງ​ນາງ​ເຫັນ​ວ່າ ​ມັນ
​ເປັນ​ກຽດ​ທີ່​ໄດ້​ມີ​ອາຍຸ​ຍືນ​ຍາວເຖິງ​ຂະໜາດ​ນີ້.

ປື້ມສະຖິຕິ Guiness ກ່າວ​ວ່າ ຜູ້​ຍິງ​ທີ່​ມີ​ອາຍຸ​ຍືນ​ທີ່​ສຸດ​ໃນ​ໂລກ ​ແລະ​ເປັນ​ບຸກ ຄົນ​ທີ່​ມີອາ
ຍຸ​ຍືນທີ່​ສຸດ 116 ປີ ​ແມ່ນ​ແມ່ຕູ້ Susannah Mushatt Jones ​ຊຶ່ງເປັນ​ຄົນ​ອາ​ເມຣິກັນ.

XS
SM
MD
LG