ລິ້ງ ສຳຫລັບເຂົ້າຫາ

ສະຫະລັດ ລະລຶກເຖິງ ການວາງລະເບີດ ທີ່ເມືອງ Oklahoma City ເມື່ອ 20 ປີ ກ່ອນ


ຕຶກອາຄານ Alfred P. Murrah ໃນໃຈກາງເມືອງ Oklahoma City ລັດ Oklahoma, ວັນທີ 21 ເມສາ 1995.

ຕຶກອາຄານ Alfred P. Murrah ໃນໃຈກາງເມືອງ Oklahoma City ລັດ Oklahoma, ວັນທີ 21 ເມສາ 1995.

ເປັນ​ເວລາ 20 ປີຜ່ານມາ​ແລ້ວ ນັບ​ແຕ່ມີ​ການວາງ​ລະ​ເບີດ​ໂຈມ
​ຕີ ​ທີ່​ນະຄອນ Oklahoma City ລັດ Oklahoma ​ໃນ​ພາກ​ກາງ
ຕອນໃຕ້​ຂອງ​ສະຫະລັດ.

ລະ​ເບີດ​ໃນ​ລົດ​ຄັນ​ໜຶ່ງ ​ທີ່ແຕກ​ຂຶ້ນ​ໃນ​ວັນ​ທີ 19 ​ເມສາ ປີ 1995
ທີ່ຕຶກໂຮງການລັດຖະບານ​ກາງ Alfred P. Murray ​ໃນ​ນະຄອນ
Oklahoma City ​ໄດ້​ສັງຫານ​ປະຊາຊົນ 168 ຄົນ ​ແລະ​ຍັງ​ຄົງ​
ເປັນການ​ກໍ່​ການ​ຮ້າຍ​ພາຍ​ໃນ​ປະ​ເທດ​ຄັ້ງ​ຮ້າຍ​ແຮງ​ທີ່​ສຸດ​ ຢູ່ໃນ​
ສະຫະລັດ​.

ທ່ານ Eric Holder ລັດຖະມົນຕີ​ຍຸຕິ​ທຳ​ສະຫະລັດ ກ່າວ​ວ່າ “​ເມື່ອ 20 ປີຜ່ານມາ ພວກ​ກໍ່​ການ​ຮ້າຍ​ພາຍ​ໃນ​ປະ​ເທດ​ໄດ້​ໂຈມ​ຕີ​ຈຸດ​ໃຈກາງ ຂອງທຸກ​ຢ່າງໝົດ​ ທີ່​ເປັນ​ສັນ
ຍາ​ລັກ​ຂອງ​ປະ​ເທດ​ນີ້​ ນັ້ນ​ກໍ​ຄື ​ອິດ​ສະລະ​ພາບ ປະຊາທິປະ​ໄຕ ແລະ​ການ​ປົກຄອງ​
ດ້ວຍ​ຕົວ​ບົດ​ກົດໝາຍ.”

​ແຕ່​ທ່ານ Eric Holder ກ່າວ​ວ່າ “ຜ່ານ​ຄວາມ​ສາມາດ​ຟື້ນ​ໂຕ​ຄືນ​ສູ່​ປົກກະຕິ​ຂອງ​ປະ
ຊາຊົນ ​ອະ​ເມຣິກັນນັ້ນ ປະ​ເທດ​ຊາດ​ໄດ້ໝາຍ​ໝັ້ນ​ແລະ​ຜູກ​ມັດ​ຕົນ​ເອງຄືນ​ອີກ ຕໍ່​ຄ່າ​ນິຍົມທີ່​ເປັນ​ພື້ນຖານ​ຂອງ​ຕົນ “ທີ່​ເຮັດ​ໃຫ້​ປະ​ເທດ​ນີ້ ​ເປັນແສງໄຟແຫ່ງ​ເສລີ
ພາບ.”

ມື້​ລາງ​ນາຍ Timothy McVeigh ຊຶ່ງ​ເປັນ​ຜູ້​ຫົວ​ຮຸນ​ແຮງ​ຕໍ່​ຕ້ານ​ລັດຖະບານ ​ໄດ້​ຈູດກະ
ນວນ​ວັດຖຸ​ລະ​ເບີດ​ທີ່​ບັນຈຸ​ໄວ້​ໃນ​ລົດ​ບັນທຸກ​ເຕັມ​ຄັນ​ທີ່​ເຊົ່າ​ມາ​ ​ແລະ​ຈອດ​ໄວ້​ຢູ່​ຕໍ່ໜ້າ​ຕຶກ​ອາຄານ​ລັດຖະບານ​ກາງ​ຫລັງ​ນັ້ນ.

​ແຮງລະ​ເບີດໄດ້​ສ້າງ​ຄວາມ​ເສຍ​ຢ່າງ​ໜັກ ​ເຮັດ​ໃຫ້​ດ້ານ​ໜ້າ​ຂອງ​ອາຄານ ​ແຕກ​ຂາດ​ແລະ​ພັງ​ລົງ ​ແລະ​ສ້າງ​ຄວາມ​ເສຍ​ຫາຍ​ໃຫ້​ພວກ​ອາຄານ​ອື່ນໆ​ອີກ​ທີ່ຢູ່ພາຍ​ໃນ​ວົງ​ລັດສະໝີ 16 ຊ່ວງ​ຖະໜົນ.

ນາຍ McVeigh ທີ່​ອອອກ​ຫົວຄິດ ​ແລະເປັນ​ຄົນວາງ​ລະ​ເບີດ​ຄັ້ງນັ້ນ ​ໄດ້​ຖືກ​ປະຫານ​ຊີວິດ​ໃນ​ປີ 2001 ​ສ່ວນ​ຜູ້​ສົມຮູ້​ຮ່ວມ​ຄິດຄົນ​ໜຶ່ງ ​ຄື ນາຍ Terry Lynn Nichols ຍັງ​ຕິດ​ຄຸກ​ຢູ່​ຕະຫຼອດ​ຊີວິດ.

XS
SM
MD
LG