ອະດີດລັດຖະມົນຕີຕ່າງປະເທດສະຫະລັດ ທ່ານນາງ Hillary
Clinton ກ່າວຕໍ່ຄະນະກຳມະການລັດຖະສະພາພາຍໃຕ້ການ
ນຳພາຂອງພັກຣີພັບບລີກັນວ່າ “ທ່ານນາງບໍ່ໄດ້ຫລັບໄດ້ນອນ
ຫລາຍກວ່າເວລາ ທີ່ພວກທ່ານບໍ່ໄດ້ຫຼັບໄດ້ນອນ ຮວມກັນທັງ
ໝົດ” ກ່ຽວກັບການໂຈມຕີຮ້າຍແຮງເມື່ອປີ 2012 ທີ່ກົງສຸນສະ
ຫະລັດຢູ່ເມືອງ Benghazi ໃນປະເທດລີເບຍ.
ທ່ານນາງ Clinton ແມ່ນພະຍານພຽງແຕ່ຜູ້ດຽວທີ່ໃຫ້ການດົນ
ເຖິງ 11 ຊົ່ວໂມງ ໃນວັນພະຫັດວານນີ້ ຊຶ່ງເປັນການໃຫ້ການຕໍ່
ສະພາເທື່ອທີສີ່ ກ່ຽວກັບການໂຈມຕີທີ່ເຮັດໃຫ້ຊາວອາເມຣິກັນ
4 ຄົນ ເສຍຊີວິດ ຮວມທັງເອກອັກຄະລັດຖະທູດສະຫະລັດປະ
ຈຳລີເບຍ ທ່ານ Christopher Stevens.
ສະມາຊິກພັກຣີພັບບລີກັນໄດ້ກ່າວຫາວ່າ ມີຫຼາຍໆເລື້ອງບໍ່ສອດຄ່ອງກັນໃນການໃຫ້ການ
ຂອງທ່ານນາງ Clinton ກ່ຽວກັບສິ່ງທີ່ໄດ້ເກີດຂຶ້ນແລະສິ່ງທີ່ສາມາດເຮັດໄດ້ເພື່ອປ້ອງກັນ
ເຫດຮ້າຍດັ່ງກ່າວ. ນອກນັ້ນພວກທ່ານຍັງກ່າວວ່າ ການສືບສວນກ່ອນໜ້ານີ້ ບໍ່ລະອຽດພໍ.
ໂດຍສະເພາະແລ້ວ ສະມາຊິກພັກຣີພັບບລີກັນຢາກຮູ້ຈັກວ່າ ການໂຈມຕີກົງສຸນເປັນແຜນ
ການໂຈມຕີຂອງພວກກໍ່ການຮ້າຍທີ່ອາດສາມາດປ້ອງກັນບໍ່ໃຫ້ເກີດຂຶ້ນໄດ້ດ້ວຍການເອົາ
ມາດຕະການທາງດ້ານຄວາມປອດໄພ ທີ່ເໝາະສົມ ຫຼືວ່າເປັນສ່ວນນຶ່ງຂອງການປະທ້ວງ ໃນຂອບເຂດທີ່ກວ້າງຂວາງທາງສາສະໜາ ເພື່ອຕໍ່ຕ້ານວີດີໂອທີ່ເຍາະເຍີ້ຍສາສະໜາອິສ ລາມ.
ໃນລະຫວ່າງການໃຫ້ການເປັນເວລາ 11 ຊົ່ວໂມງນັ້ນ ທ່ານ Clinton ໃນບາງໂອກາດກໍຮູ້
ສຶກມີຄວາມລຳຄານແລະໝົດຄວາມອົດທົນ ແຕ່ກໍໄດ້ຕອບຄຳຖາມແບບໃຈເຢັນໂດຍເວົ້າ
ວ່າ ມັນເປັນການຍາກຫຼາຍທີ່ຈະມີການຮັກສາຄວາມປອດໄພແບບບໍ່ມີການຕ້ອງຕິໄດ້.
ທ່ານນາງ Clinton ກ່າວວ່າ “ອາເມຣິກາຕ້ອງເປັນຜູ້ນຳພາ ຢູ່ໃນໂລກ ທີ່ເຕັມໄປດ້ວຍອັນ ຕະລາຍ ແລະພວກນັກການທູດຂອງພວກເຮົາ ຕ້ອງສືບຕໍ່ຕາງໜ້າໃຫ້ແກ່ພວກເຮົາ ຢູ່ໃນ ບ່ອນຕ່າງໆທີ່ເປັນອັນຕະລາຍ. ພວກເຮົາຕ້ອງຍອມຮັບຢ່າງຫຼີກລ່ຽງບໍ່ໄດ້ວ່າລະດັບຂອງ ຄວາມສ່ຽງ ໃນການປົກປ້ອງຄຸ້ມຄອງປະເທດຂອງພວກເຮົາແລະສ້າງຄວາມກ້າວໜ້າໃຫ້ ແກ່ຜົນປະໂຫຍດແລະຫລັກຄຸນຄ່າຂອງພວກເຮົາ.”
ໃນຂະນະທີ່ສະມາຊິກຂອງພັກກຣີພັບບລີກັນບາງຄົນ ກ່າວວ່າທ່ານນາງ Clinton ໄດ້ປະ ຕິເສດ ຕໍ່ການຮ້ອງຂໍ ຂອງເອກອັກຄະລັດຖະທູດ Stevens ທີ່ຢາກໃຫ້ເພີ້ມ ການຮັກສາ ຄວາມປອດໄພຢູ່ Benghazi ນັ້ນ ທ່ານນາງເວົ້າວ່າ ການຮ້ອງຂໍເຫຼົ່ານັ້ນ ບໍ່ເຄີຍໄປຮອດ ໂຕະທ່ານນາງແລະໄດ້ຖືກສົ່ງໄປຫາພວກນັກຊ່ຽວຊານໃນການຮັກສາຄວາມປອດໄພ.
