ລິ້ງ ສຳຫລັບເຂົ້າຫາ

ທ່ານນາງ Hillary Clinton ສັນຍາວ່າ ຈະສ້າງ ມື້ອື່ນ ໃຫ້ເປັນວັນທີ່ດີກວ່າເກົ່າ


ຜູ້ລົງແຂ່ງຂັນເອົາຕຳແໜ່ງປະທານາທິບໍດີຈາກພັກເດໂມແຄຣັດ ທ່ານ ນາງ Hillary Clinton ໄດ້ຮຽກຮ້ອງບັນດາຜູ້ມີ​ສິດ​ປ່ອນ​ບັດ ໃນວັນ ພະຫັດວານນີ້ວ່າ ບໍ່ໃຫ້ຍອມຈຳນົນ ຕໍ່ຄວາມຢ້ານກົວທາງການເມືອງ. ທ່ານນາງໄດ້ໃຫ້ຄຳປະຕິຍານທີ່ຈະລວບລວມປະເທດ ແລະ ນຳພາ​ເພື່ອ ກ້າວໄປທາງໜ້າ ຖ້າທ່ານນາງໄດ້ຖືກຮັບເລືອກໃນເດືອນພະຈິກທີ່ຈະ ມາເຖິງນີ້. ທ່ານນາງ Clinton ໄດ້ຮັບເອົາການຖືກສະເໜີຊື່ຂອງພັກ ເດໂມແຄຣັດ ທີ່ກອງ ປະຊຸມຫຼວງແຫ່ງຊາດຂອງພັກໃນນະຄອນ Philadelphia. ນັກຂ່າວແຫ່ງຊາດຂອງ ວີໂອ ເອ Jim Malone ມີລາຍງານເພີ່ມເຕີມ, ເຊິ່ງ ພຸດທະສອນ ຈະນຳລາຍລະອຽດມາສະເໜີ ທ່ານ.

ໃນຄ່ຳຄືນສຸດທ້າຍຂອງກອງປະຊຸມຫຼວງແຫ່ງຊາດພັກເດໂມແຄຣັດ, ບັນດາຜູ້ແທນໄດ້ມີ ອາລົມທີ່ຈະສະເຫຼີມສະຫຼອງ ແລະ ສ້າງປະຫວັດສາດ.

ນາງ Chelsea Clinton ລູກສາວຂອງປະທານາທິບໍດີຄົນທີ 42 ຂອງສະຫະລັດ ໄດ້ແນະ ນຳຕົວແມ່ຂອງລາວ, ຜູ້ມີຄວາມຫວັງທີ່ຈະກາຍເປັນປະທານາທິບໍດີຄົນ 45 ຂອງປະເທດ.

ນາງ Chelsea Clinton ຈາກມູນນິທິ Clinton ກ່າວວ່າ “ຂ້າພະເຈົ້າລົງຄະແນນສຽງໃຫ້ ນັກສູ້ຄົນໜຶ່ງຜູ້ທີ່, ບໍ່ເຄີຍຍອມແພ້ ແລະ ຜູ້ທີ່ເຊື່ອວ່າ ພວກເຮົາສາມາດເຮັດໃຫ້ດີຂຶ້ນໄດ້ ຕະຫຼອດ ເມື່ອພວກເຮົາຮ່ວມມືກັນ ແລະ ພວກເຮົາເຮັດວຽກຮ່ວມກັນ.”

ແລະ ໃນນະຄອນທີ່ໄດ້​ໄດ້​ກາຍ​ມາມີຊື່ສຽງໂດຍຜູ້ກໍ່ຕັ້ງປະເທດ ອາເມຣິກາ, ທ່ານນາງ Hillary Clinton ໄດ້ກ້າວເຂົ້າໃນແສງໄຟສາຍເພື່ອສ້າງປະຫວັດສາດຂອງທ່ານນາງເອງ ​ໃນ​ຖານະແມ່ຍິງຄົນທຳອິດ ທີ່ຖືກສະເໜີຊື່ເປັນຜູ້​ສະໝັກປະທານາທິບໍດີຂອງພັກການ ເມືອງໃຫຍ່ພັກໜຶ່ງ.

ທ່ານນາງ Hillary Clinton ກ່າວວ່າ “ແລະດັ່ງນັ້ນ ເພື່ອນທັງຫຼາຍຂອງຂ້າພະເຈົ້າ, ມັນ ແມ່ນດ້ວຍຄວາມນອບນ້ອມຖ່ອມຕົວ, ຄວາມຕັ້ງໃຈ ແລະ ຄວາມໝັ້ນໃຈທີ່ບໍ່ມີຂອບ ເຂດໃນຄຳສັນຍາຂອງ ອາເມຣິກາ ທີ່ຂ້າພະເຈົ້າຍອມຮັບເອົາການຖືກສະເໜີຊື່ຂອງ ທ່ານ ​ເພື່ອ​ເຂົ້າແຂ່ງຂັນ​ເອົາຕຳແໜ່ງປະທານາທິບໍດີແຫ່ງ ສະຫະລັດ.”

ໃນການຊົມຕົວຢ່າງຂອງການໂຄສະນາຫາສຽງອັນດຸເດືອດທີ່ໃກ້ຈະມາເຖິງນີ້, ທ່ານນາງ Clinton ໄດ້ເພັ່ງເລັ່ງຢ່າງສະໝໍ່າສະເໝີໃສ່ຜູ້ຊາຍທີ່ທ່ານນາງຈະລົງແຂ່ງຂັນດ້ວຍໃນ ເດືອນພະຈິກນີ້ ເຊິ່ງແມ່ນທ່ານ Donald Trump ຈາກພັກຣີພັບບລີກັນ.

ທ່ານນາງ Hillary Clinton ກ່າວວ່າ “ລອງຈິນຕະນາການເບິ່ງທ່ານ Trump ນັ່ງຢູ່ໃນ ຫ້ອງການຂອງປະທານາທິບໍດີ ຫຼື Oval Office ປະເຊີນໜ້າກັບວິກິດການອັນແທ້ຈິງ. ຜູ້ຊາຍຄົນໜຶ່ງທີ່ສາມາດລໍ້ລວງພວກທ່ານດ້ວຍການຂຽນຂໍ້ຄວາມ ບໍ່ແມ່ນຜູ້ຊາຍທີ່ ພວກເຮົາສາມາດເຊື່ອຖືໄດ້ກັບອາວຸດນິວເຄລຍ.”

ທ່ານນາງ Clinton ໄດ້ປະຕິຍານທີ່ຈະເພັ່ງເລັງໃສ່ການສ້າງວຽກງານ ແລະ ເຮັດໃຫ້ເສດ ຖະກິດເຕີບໃຫຍ່ຂຶ້ນ ແລະ ໄດ້ໃຫ້ຄຳສັນຍາທີ່ຈະເຮັດວຽກເພື່ອຄວາມສາມັກຄີຂອງປະ ເທດຖ້າຫາກທ່ານນາງໄດ້ຖືກເລືອກໃນເດືອນພະຈິກນີ້.

ທ່ານນາງ Hillary Clinton ກ່າວວ່າ “ດັ່ງນັ້ນພວກເຮົາຈົ່ງມີຄວາມເຂັ້ມແຂງຮ່ວມກັນ, ໝູ່ເພື່ອນຊາວ ອາເມຣິກັນ ຂອງຂ້າພະເຈົ້າ. ແນມເບິ່ງອະນາຄົດດ້ວຍຄວາມກ້າຫານ ແລະ ຄວາມໝັ້ນໃຈ. ສ້າງມື້ອື່ນໃຫ້ດີຂຶ້ນກວ່າເກົ່າສຳລັບລູກຫຼານສຸດທີ່ຮັກຂອງພວກ ເຮົາ ແລະ ປະເທດສຸດທີ່ຮັກຂອງພວກເຮົາ. ເມື່ອພວກເຮົາເຮັດແນວນັ້ນ, ອາເມຣິກາ ຈະຍິ່ງໃຫຍ່ຂຶ້ນກວ່າເກົ່າ. ຂອບໃຈ ແລະ ຂໍໃຫ້ພະເຈົ້າຄຸ້ມຄອງ ສະຫະລັດ ອາເມຣິກາ.”

ຫຼັງຈາກນັ້ນ, ສາມີຂອງເພິ່ນ, ທ່ານ Bill Clinton ແລະ ລູກສາວ ພ້ອມກັບຜູ້ຮ່ວມລົງແຂ່ງ ຂັນເອົາຕຳແໜ່ງຮອງປະທານາທິບໍດີ, ສະມາຊິກສະພາສູງລັດ ເວີຈິເນຍ ທ່ານ Tim Kaine ກໍ່ໄດ້ຮ່ວມຂຶ້ນເທິງເວທີ ກັບທ່ານນາງ Clinton.

ຈຸດເພັ່ງເລັງໃນກອງປະຊຸມຫຼວງພັກເດໂມແຄຣັດ ບໍ່ໄດ້ເຮັດໃຫ້ທ່ານ Donald Trump ຈາກພັກຣີພັບບລີກັນ ອອກຈາກເສັ້ນທາງ​ໃນການໂຄສະນາຫາສຽງ.

ທ່ານ Trump ໄດ້ສະເໜີຕົນເອງ​ໃນ​ຖານະຕົວແທນແຫ່ງການປ່ຽນ ແປງທີ່ການຊຸມນຸມໃນ ລັດ Iowa.

ທ່ານ Donald Trump ກ່າວວ່າ “ພວກເຮົາບໍ່ສາມາດຍອມຮັບເອົາການດຳລົງຕຳແໜ່ງ ອີກ 4 ປີຂອງທ່ານ ໂອບາມາ, ເພາະວ່າໂດຍພື້ນຖານແລ້ວນັ້ນແມ່ນນັກຕົ້ມຕຸນ Hillary Clinton ກຳລັງເປັນຢູ່. ພວກເຮົາບໍ່ສາມາດເລືອກເອົາການດຳລົງຕຳແໜ່ງ 4 ປີຂອງ ທ່ານ ໂອບາມາ ອີກ.”

ນັກວິເຄາະອາວຸໂສທ່ານ Gerald Seib ກ່າວວ່າ ດ້ວຍກອງປະຊຸມຫຼວງຂອງພັກການ ເມືອງໄດ້ສິ້ນສຸດລົງແລ້ວ, ຈຸດເພັ່ງເລັງກໍແມ່ນ ຜູ້ລົງແຂ່ງຂັນເອົາຕຳແໜ່ງປະທານາທິບໍທັງ ສອງຄົນ ມີລະດັບການປະເມີນຄ່າໃນແງ່ລົບທີ່ສູງຈາກບັນດາຜູ້ລົງຄະແນນສຽງ.

ທ່ານ Gerald Geib ຈາກໜັງສືພິມ Wall Street Journal ກ່າວວ່າ “ມັນອາດຈະບໍ່ມີ ຄວາມເປັນລະບຽບຮຽບຮ້ອຍຫຼາຍ, ອາດຈະເປັນຕາຂີ້ຮ້າຍຫຼາຍ, ອາດຈະບໍ່ສຸພາບ ຫຼາຍ. ຂ້າພະເຈົ້າຄິດຫຼາຍ ກ່ຽວກັບ ການໂຄສະນາຫາສຽງນີ້, ບໍ່ວ່າຄົນຈະມັກຫຼືບໍ່, ແລະ ຂ້າພະເຈົ້າບໍມັກມັນເລີຍ, ມັນຈະເປັນການໂຄສະນາຫາສຽງ ກ່ຽວກັບ ການຊັກ ຊວນໃຫ້ຜູ້ລົງຄະແນນສຽງ ລົງຄະແນນຕໍ່ຕ້ານຄົນອື່ນ, ບໍ່ແມ່ນລົງຄະແນນສຳລັບຄົນ ນີ້. ແລະ ນັ້ນມັນຈະກໍ່ໃຫ້ເກີດການໂຄສະນາຫາສຽງທີ່ເບິ່ງບໍ່ງາມຫຼາຍ ຢ່າງຫຼີກລ້ຽງບໍ່ ໄດ້.”

ທ່ານ Trump ໄດ້ຮັບການສະໜັບສະໜູນເພີ່ມຂຶ້ນໃນການຢັ່ງຫາງສຽງ ຫຼັງຈາກກອງປະ ຊຸມຫຼວງພັກຣີພັບບລີກັນ ໃນນະຄອນ Cleveland ເມື່ອສັບປະດາທີຜ່ານມາ, ແລະ ຕອນ ນີ້ທ່ານນາງ Clinton ແລະ ພັກເດໂມແຄຣັດ ແມ່ນກຳລັງຫວັງວ່າ ພວກເຂົາເຈົ້າເອງກໍ​ຈະ​ໄດ້​ຮັບ​ຄະ​ແນນ​ສຽງ​ເພີ້ມຂຶ້ນ ໃນຂະນະທີ່ພວກເຂົາເຈົ້າ​ເຄື່ອນຍ້າຍເຂົ້າສູ່ຮູບແບບການ ເລືອກຕັ້ງທົ່ວໄປ ສຳລັບເດືອນພະຈິກນີ້.

ຊົມວິດີໂອ ກ່ຽວກັບ ລາຍງານນີ້ໃນເວັບໄຊທ໌ພາສາອັງກິດ

[[Democratic presidential candidate Hillary Clinton urged voters Thursday not to give in to the politics of fear. She vowed to unite the country and move it forward if elected in November. Clinton formally accepted the Democratic Party's nomination at its national convention in Philadelphia.VOA national correspondent Jim Malone has more.]]

((NARRATOR))
On the final night of the Democratic National Convention, delegates were in a mood to celebrate and to make history.

((NARRATOR))
Chelsea Clinton, daughter of the 42nd president, introduced her mother, who hopes to become the 45th.

((CHELSEA CLINTON, CLINTON FOUNDATION))
"I'm voting for a fighter who never, ever gives up and who believes that we can always do better when we come together and we work together."

((NARRATOR))
And in a city made famous by America's founding fathers, Hillary Clinton stepped into the spotlight to make some history of her own as the first woman presidential nominee of a major political party.

((HILLARY CLINTON, DEMOCRATIC CANDIDATE))
"And so my friends, it is with humility, determination and boundless confidence in America's promise that I accept your nomination for president of the United States!"

((NARRATOR))
In a preview of the tough campaign to come, Clinton took steady aim at the man she will run against in November, Republican Donald Trump.

((HILLARY CLINTON, DEMOCRATIC CANDIDATE))
"Imagine him in the Oval Office facing a real crisis. A man you can bait with a tweet is not a man we can trust with nuclear weapons!"

((NARRATOR))
Clinton vowed to focus on creating jobs and growing the economy - and pledged to work for national unity if elected in November.

((HILLARY CLINTON, DEMOCRATIC CANDIDATE))
"So let's be stronger together, my fellow Americans. Looking to the future with courage and confidence. Building a better tomorrow for our beloved children and our beloved country. When we do, America will be greater than ever. Thank you and may God bless the United States of America!"

((NARRATOR))
Afterward, Clinton was joined on stage by her husband Bill and daughter as well as her vice presidential running mate, Virginia Senator Tim Kaine.

The focus on the Democratic convention did not keep Republican Donald Trump off the campaign trail.
Trump offered himself as an agent of change at a rally in Iowa.

((DONALD TRUMP, REPUBLICAN CANDIDATE))
"We can't go for another four years of Obama, because that is basically what 'crooked' Hillary Clinton is. We can't go for another four years of Obama!"

((NARRATOR))
With both party conventions now over, the focus is on two presidential candidates with high negative ratings from voters, says veteran analyst Gerald Seib.

((GERALD SEIB, WALL STREET JOURNAL))
"It may be a very messy one, may be a very ugly one, maybe a not-nice one. I think a lot of this campaign, whether people like it or not, and I don't like it, is going to be about convincing voters to vote against the other person, not for this person. And that inevitably produces a very ugly campaign."

((NARRATOR))
Trump got a boost in the polls after the Republican Convention in Cleveland last week, and now Clinton and the Democrats are hoping for a bump of their own as they shift into general election mode for November.

XS
SM
MD
LG