ລິ້ງ ສຳຫລັບເຂົ້າຫາ

ຈຳນວນຜູ້ແທນ ທີ່ທ່ານນາງ Clinton ໄດ້ຮັບ ເຮັດໃຫ້ ການສະເໜີຊື່ຂອງທ່ານນາງ ຍັບໃກ້ເຂົ້າມາອີກ


ຜູ້ສະໝັກເປັນປະທານາທິບໍດີ ສະຫະລັດສັງກັດພັກ
ເດໂມແຄຣດ ທ່ານນາງ Hillary Clinton, ກາງ, ທັກ
ທາຍພວກສະໜັບສະໜູນ ໃນຂະນະທີ່ ທ່ານນາງ ຢ້ຽມຢາມ ຫ້ອງການໂຄສະນາຫາສຽງໃນພື້ນທີ່ ຢູ່ທີ່ນະຄອນ Oakland, ລັດ California, ວັນທີ 6 ພຶດສະພາ 2016.

ຜູ້ສະໝັກເປັນປະທານາທິບໍດີ ສະຫະລັດສັງກັດພັກ ເດໂມແຄຣດ ທ່ານນາງ Hillary Clinton, ກາງ, ທັກ ທາຍພວກສະໜັບສະໜູນ ໃນຂະນະທີ່ ທ່ານນາງ ຢ້ຽມຢາມ ຫ້ອງການໂຄສະນາຫາສຽງໃນພື້ນທີ່ ຢູ່ທີ່ນະຄອນ Oakland, ລັດ California, ວັນທີ 6 ພຶດສະພາ 2016.

ຜູ້ສະໝັກແຂ່ງຂັນເປັນປະທານາທິບໍດີ ສະຫະລັດ ສັງກັດພັກເດໂມແຄຣດ ທ່ານນາງ Hillary Clinton ພວມຍັບໃກ້ເຂົ້າຕື່ມອີກ ທີ່ຈະໄດ້ຖືກສະເໜີຊື່ເປັນຕົວແທນຂອງພັກ ດ້ວຍການໄດ້ຮັບໄຊຊະນະ ຢູ່ທີ່ກອງປະຊຸມພັກ ໃນວັນເສົາວານນີ້ ຢູ່ທີ່ Guam.

ທ່ານນາງ Clinton ໄດ້ຮັບໄຊຊະນະດ້ວຍຄະແນນສຽງ 60 ເປີເຊັນ ໂດຍໄດ້ຮັບຄະແນນ ສຽງຈາກຜູ້ແທນ 4 ທ່ານ ຈາກທັງໝົດ 6 ທ່ານ ຢູ່ທີ່ປະເທດເກາະນ້ອຍ ໃນມະຫາສະມຸດ ປາຊີຟິກ. ສ່ວນຄູ່ແຂ່ງຂອງທ່ານນາງ ຄື ສະມາຊິກສະພາສູງ ທ່ານ Bernie Sanders ໄດ້ຮັບ ຄະແນນສຽງຈາກຜູ້ແທນ 3 ທ່ານ.

ຜູ້ສະໝັກແຂ່ງຂັນ ເປັນປະທານາທິບໍດີ ສະມາຊິກສະພາສູງ ທ່ານ Bernie Sanders ກ່່າວຖະແຫລງຕໍ່ ການໂຮມຊຸມນຸມຂອງພວກສະໜັບສະໜູນ ໃນລະຫວ່າງ ການໂຄສະນາຫາສຽງ ຢູ່ທີ່ ສູນກາງປະຊຸມ Lexington , ໃນນະຄອນ Lexingtonລັດ Kentucky, ວັນທີ 4 ພຶດສະພາ 2016.

ຜູ້ສະໝັກແຂ່ງຂັນ ເປັນປະທານາທິບໍດີ ສະມາຊິກສະພາສູງ ທ່ານ Bernie Sanders ກ່່າວຖະແຫລງຕໍ່ ການໂຮມຊຸມນຸມຂອງພວກສະໜັບສະໜູນ ໃນລະຫວ່າງ ການໂຄສະນາຫາສຽງ ຢູ່ທີ່ ສູນກາງປະຊຸມ Lexington , ໃນນະຄອນ Lexingtonລັດ Kentucky, ວັນທີ 4 ພຶດສະພາ 2016.

ເຖິງຢ່າງໃດກໍຕາມ ທ່ານ Sanders ໄດ້ຮັບຄະແນນສຽງຈາກຜູ້ແທນ ເກືອບ 50 ທ່ານ ຢູ່ໃນລັດ Washington.

ທ່ານ Sanders ໄດ້ຮັບໄຊຊະນະຢ່າງງ່າຍດາຍ ຢູ່ໃນກອງປະຊຸມພັກ ຂອງລັດດັ່ງກ່າວ ເມື່ອວັນທີ 26 ມີນາ ຜ່ານມາ ໂດຍເອົາຊະນະ ທ່ານນາງ Clinton ດ້ວຍຄະແນນ ຈາກ ຜູ້ແທນເກືອບ 50 ເປີເຊັນ ຊຶ່ງໄດ້ຮັບຄະແນນສຽງ 73 ເປີເຊັນ ຕໍ່ 27 ເປີເຊັນ ຊຶ່ງ ທ່ານ Sanders ໄດ້ຮັບຄະແນນສຽງຈາກບັນດາຜູ້ແທນ 25 ທ່ານ ໃນຈຳນວນທັງໝົດ 34 ທ່ານ ໃນມື້ນັ້ນ.

ແຕ່ຫາກວ່າ ພວກຜູ້ແທນ ຈຳນວນ 67 ທ່ານ ຕື່ມອີກ ຢູ່ໃນລະດັບຂັ້ນເມືອງ ອາດບໍ່ໄດ້ຈັດ ແບ່ງເທື່ອ ຈົນກວ່າວ່າ ລັດ Washington ຈະສາມາດນຳເອົາຂໍ້ມູນ ຂອງການລົງຄະແນນ ສຽງ ຂອງຜູ້ແທນ ໃນແຕ່ລະເມືອງມາເສຍກ່ອນ.

ເຊັ່ນດຽວກັນກັບລັດອື່ນນັ້ນ ລັດ Washington ກໍມີຂະບວນການ ຫຼາຍຂັ້ນຕອນ ສຳລັບ ການມອບຮັບບັນດາຜູ້ແທນ. ບັນດາເຈົ້າໜ້າທີ່ ການເລືອກຕັ້ງ ຕ້ອງໄດ້ຄອຍຖ້າ ຈົນກວ່າ ວ່າ ກອງປະຊຸມໃນເມືອງຕ່າງໆ ຈະເສັດສິ້ນລົງ ໃນວັນທີ 1 ພຶດສະພາ ກ່ອນທີ່ພວກເພິ່ນ ຈະສາມາດ ເປີດເຜີຍລາຍລະອຽດຂອງຂໍ້ມູນໄດ້ ຕື່ມອີກ.

ອົງການຂ່າວ AP ລາຍງານວ່າ ຂໍ້ມູນໃນຂັ້ນເມືອງ ສະແດງໃຫ້ເຫັນວ່າ ທ່ານ Sanders ຈະໄດ້ຮັບຄະແນນສຽງຈາກຜູ້ແທນ 49 ທ່ານ ແລະ ທ່ານນາງ Clinton ຈະໄດ້ຮັບ 18 ທ່ານ.

ເຖິງແມ່ນວ່າ ຜົນຂອງກອງປະຊຸມພັກ ໃນລັດ Washington ອອກມາເຊັ່ນນັ້ນກໍຕາມ ແຕ່ທ່ານນາງ Clinton ກໍຍັງຄົງມີຄະແນນຂອງບັນດານຜູ້ແທນ ໂດຍລວມ ນຳໜ້າຢູ່ ດ້ວຍ 2,228 ທ່ານ. ທ່ານນາງ ມີຜູ້ແທນຫຼາຍກວ່າ 93 ເປີເຊັນ ຂອງຈຳນວນຜູ້ແທນທັງໝົດ 2,383 ທ່ານ ທີ່ຕ້ອງການເພື່ອຈະໄດ້ຮັບການຖືກສະເໜີຊື່ເປັນຕົວແທນພັກ. ທ່ານ Sanders ມີຜູ້ແທນ 1,454 ທ່ານ.

ອະດີດລັດຖະມົນຕີຕ່າງປະເທດ ທ່ານນາງ Clinton ແມ່ນມຸ້ງໜ້າຕາມເປົ້າໝາຍ ທີ່ຈະ ໄດ້ຖືກສະເໜີຊື່ເປັນຕົວແທນພັກ ຢ່າງແນ່ນອນ ໃນຕົ້ນເດືອນ ມິຖຸນາ ຈະມາເຖິງນີ້.

ສ່ວນທ່ານ Sanders ໄດ້ກ່າວວ່າ ທ່ານບໍ່ມີແຜນທີ່ຈະຢຸດເຊົາ ຈົນກວ່າວ່າ ບັດລົງ ຄະແນນສຽງຂັ້ນຕົ້ນ ໃນຄັ້ງສຸດທ້າຍ ໄດ້ຖືກປ່ອນ ເສຍກ່ອນໃນເດືອນມິຖຸນານີ້.

ຊົມວີດີໂອ ກ່ຽວກັບ ຂ່າວນີ້

ອ່ານຂ່າວນີ້ຕື່ມ ເປັນພາສາອັງກິດ

XS
SM
MD
LG