ຜູ້ຊາຍທີ່ຈີ້ເຮືອບິນໂດຍສານອາຍພົ່ນຂອງອີຈິບ ແລະໄດ້ບັງຄັບ
ໃຫ້ລົງຈອດທີ່ Cyprus ໃນວັນອັງຄານມື້ນີ້ ໄດ້ຖືກຈັບໂຕໄວ້ແລ້ວ
ອີງຕາມເຈົ້າໜ້າທີ່ໄຊປຣັສ.
ເຈົ້າໜ້າທີ່ກະຊວງຕ່າງປະເທດຂອງໄຊປຣັສ ໄດ້ປະກາດຜ່ານທາງ
Twitter ໃນວັນອັງຄານມື້ນີ້ວ່າ ມັນແລ້ວໄປແລ້ວ ຜູ້ຈີ້ເຮືອບິນໄດ້ຖືກຈັບໂຕແລ້ວ.
ເຈົ້າໜ້າທີ່ໄຊປຣັສໄດ້ລະບຸຊາຍຄົນນີ້ວ່າ ແມ່ນທ້າວ Seif Eldin Mustafa ແຕ່ຍັງບໍ່ທັນ ເປັນທີ່ຈະແຈ້ງເທື່ອວ່າ ແມ່ນຫຍັງຄືຈຸດປະສົງຂອງຜູ້ກ່ຽວ.
ລາຍງານຂ່າວບາງກະແສແຈ້ງວ່າ ຜູ້ຄົນນີ້ໄດ້ຮຽກຮ້ອງຕໍ່ເມຍເກົ່າຂອງລາວທີ່ອາໄສຢູ່ທີ່ໄຊປຣັສ. ສ່ວນກະແສອື່ນໆແຈ້ງວ່າ ລາວມີສາຍແອວລະເບີດມັດໃສ່ໂຕ.
ຜູ້ໂດຍສານທັງໝົດເກືອບ 55 ຄົນຢູ່ເທິງເຮືອບິນ ໄດ້ຮັບອະນຸຍາດໃຫ້ລົງຈາກເຮືອບິນໄປ ຊຶ່ງເຮືອບິນລຳນີ້ ຕົ້ນຕໍຂອງເຮືອບິນ ແມ່ນຈະບິນຈາກນະຄອນ Alexandria ໄປສູ່ນະຄອນ
ຫລວງ Cairo.
ປະທານາທິບໍດີ Cyprus ທ່ານ Nicos Anastasiades ໄດ້ກ່າວວ່າ ການຈີ້ເຮືອບິນດັ່ງກ່າວນີ້ ບໍ່ໄດ້ກ່ຽວຂ້ອງ ກັບການກໍ່ການຮ້າຍແຕ່ຢ່າງໃດ.
