ການດຳເນີນຄວາມພະຍາຍາມຂັ້ນສູງທາງດ້ານການທູດ ເພື່ອ
ໃຫ້ບັນລຸການຕົກລົງນາໆຊາດຂັ້ນສຸດທ້າຍໃນຂອບເຂດກວ້າງ
ຂວາງກ່ຽວກັບໂຄງການນິວເຄລຍຂອງອີຣ່ານແມ່ນຍັງສືບຕໍ່ໃນ
ຫຼາຍໆບັນຫາ ໃນວັນພະຫັດມື້ນີ້ ໂດຍຍັງອີກມື້ນຶ່ງ ກ່ອນທີ່ເສັ້ນ
ຕາຍອັນໃໝ່ ແລະບາງທີອາດເປັນເສັ້ນຕາຍອັນສຸດທ້າຍທີ່ໄດ້
ກຳນົດໄວ້ກໍເປັນໄດ້.
ລັດຖະມົນຕີກະຊວງການຕ່າງປະເທດຣັດເຊຍ ທ່ານ Sergei
Lavrov ໄດ້ກ່າວວ່າ ທັງສອງຝ່າຍແມ່ນເກືອບຈະບັນລຸການຕົກ
ລົງກັນໄດ້ແລ້ວ. ແຕ່ທ່ານຍັງໄດ້ກ່າວເຖິງໃນອັນທີ່ເຫັນວ່າເປັນ
ບັນຫາໃຫຍ່ສຸດທີ່ຍັງຄ້າງຄາຢູ່ ສຳລັບການຕົກລົງຂັ້ນສຸດທ້າຍ
ນັ້ນ ໂດຍກ່າວວ່າ ຣັດເຊຍແມ່ນສະໜັບສະໜຸນ ໃຫ້ມີການຍົກເລີກການຫ້າມຂາຍອາວຸດ ຂອງສະຫະປະຊາຊາດຕໍ່ອີຣ່ານ.
ເບິ່ງ: Mary Alice Salinas ລາຍງານຈາກ ນະຄອນ Vienna
ທ່ານ Lavrov ກ່າວວ່າ “ພວກເຮົາແມ່ນໄດ້ສະໜັບສະໜຸນ ໃຫ້ຍົກການຫ້າມຂາຍອາວຸດ
ຢ່າງ ໄວເທົ່າທີ່ຈະໄວໄດ້, ຍິ່ງໄປກວ່ານັ້ນ, ອີຣ່ານ ດັ່ງທີ່ພວກເຮົາເຫັນໃນເວລານີ້ກໍແມ່ນ
ການໃຫ້ຄວາມສະໜັບສະໜຸນໃນການຕໍ່ສູ້ຕ້ານກຸ່ມລັດອິສລາມ ແລະການກຳຈັດຢູ່ຂົງເຂດແລະໃນທົ່ວໂລກ ຕໍ່ໄພຂົ່ມຂູ່ທີ່ວ່ານີ້. ການຍົກການການຂາຍອາວຸດນັ້ນ ຈະຊ່ອຍໃຫ້ອີຣ່ານ
ໄດ້ເພີ້ມສະມັດຖະພາບທາງທະຫານ ໃນການຕໍ່ສູ້ກັບພວກກໍ່ການຮ້າຍ.”
ເຈົ້າໜ້າທີ່ຕາເວັນຕົກ ໄດ້ກ່າວວ່າ ພວກເຂົາເຈົ້າຄັດຄ້ານຕໍ່ການຍົກເລີກການຫ້າມຂາຍອາ ວຸດ ແລະບັນຫານີ້ ບໍ່ຄວນຈະນຳເຂົ້າມາໂຮມກັນ ໃນການເຈລະຈານີ້. ພື້ນຖານໃນການເຈລະຈາເພື່ອໃຫ້ບັນລຸຂໍ້ຕົກລົງ ກໍແມ່ນການຍົກການລົງໂທດດ້ານເສດຖະກິດ ຕໍ່ອີຣ່ານ ເພື່ອເປັນການແລກປ່ຽນ ກັບການຈຳກັດໂຄງການນິວເຄລຍຂອງປະເທດດັ່ງກ່າວ.
ທ່ານ Lavrov ໄດ້ວາງແຜນ ທີ່ຈະກັບຄືນໄປທີ່ນະຄອນວຽນນາ ຈາກຣັດເຊຍ ບ່ອນທີ່ທ່ານແລະລັດຖະມົນຕີກະຊວງການຕ່າງປະເທດຂອງຈີນທ່ານ Wang Yi ໄດ້ເດີນທາງໄປຮ່ວມກອງປະຊຸມສຸດຍອດນັ້ນ.
ແຫຼ່ງຂ່າວຂອງ ສະຫະລັດທີ່ໃກ້ຊິດກັບການເຈລະຈານີ້ ໄດ້ບອກກັບ VOA ວ່າ ລັດຖະມົນ
ຕີກະຊວງການຕ່າງປະເທດທັງຫຼາຍ ແມ່ນບໍ່ມີຄວາມຈຳເປັນທີ່ຈະມີໜ້າ ໃນນະຄອນວຽນນາ ສຳລັບບັນລຸການຕົກຂັ້ນສຸດທ້າຍ ແຕ່ວ່າແຫຼ່ງຂ່າວກັບເວົ້າວ່າ ພວກເຂົາເຈົ້າແມ່ນຕ້ອງ
ການຈະເຂົ້າຮ່ວມ.
