ລິ້ງ ສຳຫລັບເຂົ້າຫາ

ຮູບພາບ ຂອງທ່ານນາງ Harriet Tubman ຈະປາກົດຢູ່ໃນເງິນໃບ 20 ໂດລາ ສະຫະລັດ


ຮູບພາບຂອງທ່ານນາງ Harriet Tubman ຈະປ່ຽນແທນຮູບພາບ ຂອງ ທ່ານ Andrew Jackson ຢູ່ເງິນໃບ 20 ໂດລາ.

ຮູບພາບຂອງທ່ານນາງ Harriet Tubman ຈະປ່ຽນແທນຮູບພາບ ຂອງ ທ່ານ Andrew Jackson ຢູ່ເງິນໃບ 20 ໂດລາ.

ທ່ານນາງ Harriet Tubman ນັກປຸກລະດົມ​ໃຫ້​ຍົກ​ເລີກ​ທາດ ແລະ ນັກ​ມະນຸດສະທຳ ອາເມຣິກັນ​ເຊື້ອສາຍ​ອາ​ຟຣິກາ ຜູ້ທີ່ນຳພາຂ້າທາດຫຼາຍຮ້ອຍຄົນໄປສູ່ອິດສະຫຼະພາບນັ້ນ ຈະຖືກພິມຮູບ​ໃສ່ໃນເງິນໃບ 20 ໂດລາຂອງສະຫະລັດ ແທນຮູບທ່ານ Andrew Jackson.

ລັດຖະມົນຕີ ກະຊວງການເງິນ ສະຫະລັດ ທ່ານ Jack Lew ໄດ້ຢືນຢັນ ໃນວັນພຸດວານນີ້ ວ່າ ທ່ານນາງ Tubman ຈະເປັນຄົນອາເມຣິກາ ​ເຊື້ອສາຍ​ອາ​ຟຣິກາ​ຜູ້ທຳອິດ ທີ່ຈະປາ ກົດ ​ຢູ່​ໃນສະກຸນເງິນຂອງ ສະຫະລັດ, ແລະ ກໍເປັນແມ່ຍິງຄົນທຳອິດ ທີ່ມີ​ຮູບ​ຢູ່​ໃນໃບເງິນ ໃນຮອບຫຼາຍກວ່າ 100 ປີ. ທ່ານບໍ່ໄດ້​ແຈ້ງ​ໃຫ້​ຊາບວ່າ ເມື່ອໃດ ເງິນໃບໃໝ່ດັ່ງກ່າວ ຈຶ່ງ ຈະຖືກນຳອອກມາໃຊ້.

ຮຸ່ນຂີ້ເຜິ້ງຄ້າຍຄື ທ່ານນາງ Harriet Tubman, ຜູ້ມີຊື່ສຽງໂດ່ງດັງ ເປັນນັກປຸກລະດົມ​ໃຫ້​ຍົກ​ເລີກ​ທາດ ແລະ ນັກ​ມະນຸດສະທຳ ອາເມຣິກັນ​ເຊື້ອສາຍ​ອາ​ຟຣິກາ ຜູ້ທີ່ນຳພາຂ້າທາດຫຼາຍຮ້ອຍຄົນໄປສູ່ອິດສະຫຼະພາບ ໄດ້ເປີດໂຕໃຫ້ຊົມຢູ່ທີ່ ຫ້ອງວາງສະແດງ ພະແນກປະທານາທິບໍດີ ໂດຍຫໍວາງສະແດງຮຸ່ນຂີ້ເຜິ້ງ Madame Tussauds ຢູ່ໃນນະຄອນຫຼວງວໍຊິງຕັນ ດີຊີ, ວັນທີ່ 7 ກຸມພາ 2012.

ຮຸ່ນຂີ້ເຜິ້ງຄ້າຍຄື ທ່ານນາງ Harriet Tubman, ຜູ້ມີຊື່ສຽງໂດ່ງດັງ ເປັນນັກປຸກລະດົມ​ໃຫ້​ຍົກ​ເລີກ​ທາດ ແລະ ນັກ​ມະນຸດສະທຳ ອາເມຣິກັນ​ເຊື້ອສາຍ​ອາ​ຟຣິກາ ຜູ້ທີ່ນຳພາຂ້າທາດຫຼາຍຮ້ອຍຄົນໄປສູ່ອິດສະຫຼະພາບ ໄດ້ເປີດໂຕໃຫ້ຊົມຢູ່ທີ່ ຫ້ອງວາງສະແດງ ພະແນກປະທານາທິບໍດີ ໂດຍຫໍວາງສະແດງຮຸ່ນຂີ້ເຜິ້ງ Madame Tussauds ຢູ່ໃນນະຄອນຫຼວງວໍຊິງຕັນ ດີຊີ, ວັນທີ່ 7 ກຸມພາ 2012.

ປົກກະຕິແລ້ວທ່ານ Lew ໄດ້ປະກາດຄວາມຕັ້ງໃຈຂອງທ່ານ ທີ່ຈະນຳເອົາຮູບຂອງແມ່ຍິງ ໄປພິມໃສ່ເງິນໃບ 10 ໂດລາຕັ້ງແຕ່ເດືອນມິຖຸນາແລ້ວນີ້, ແຕ່ວ່າມັນໄດ້ຖືກກົດດັນຈາກ ຫຼາຍກຸ່ມ ແລະ ຫຼາຍຄົນໃຫ້ທົບທວນຄືນເງິນໃບ 20 ໂດລາ.

ທ່ານ Andrew Jackson ເປັນອະດີດປະທານາທິບໍດີ ສະຫະລັດ ທີ່ໄດ້ຖືກພິມຮູບໃສ່ເງິນ ໃບ 20 ໂດລາ, ທ່ານໄດ້ເປັນຜູ້ທີ່ຮັບຜິດຊອ​ບ​ໃນ ກົດໝາຍລົບລ້າງຄົນ ອິນເດຍພື້ນເມືອງ ໃນປີ 1830, ເຊິ່ງໄດ້ເລີ່ມໃນສິ່ງທີ່ໄດ້ຖືກຮັບຮູ້ດັ່ງກັບ “the trail of tears” ອັນເປັນເສັ້ນ ທາງ ທີ່ຊາວອິນເດຍພື້ນເມືອງໃຊ້ ໃນການຖືກບັງຄັບໃຫ້ຍົກຍ້າຍຖິ່ນຖານ ເຊິ່ງເຮັດໃຫ້ ພວກເຂົາເຈົ້າຫຼາຍພັນຄົນໄດ້ເສຍຊີວິດ.

ທ່ານນາງ Tubman ໄດ້ເຕີບໂຕເປັນຂ້າທາດໃນລັດ Maryland. ຊື່ໂດຍກຳເນີດຂອງ ລາວແມ່ນ Araminta Ross ​ແລະ ​ທ່ານ​ນາງ​ເກີດ ໃນປີ 1822, ນັກປະຫວັດສາດສ່ວນ ໃຫຍ່ເຊື່ອວ່າ ລາວໄດ້ຖືກລັກພາຕົວໄປ ຈາກພໍ່ແມ່ຂອງລາວ ໃນຕອນອາຍຸ 6 ປີ. ລາວໄດ້ ຖືກຕີຢ່າງທໍລະມານໃນຕອນອາຍຸ 12 ປີ ເຮັດໃຫ້ລາວຕ້ອງເປັນໂຣກບ້າໝູ ໄປຕະຫຼອດ ຊີວິດ. ທ່ານນາງ Tubman ໄດ້ມີຄວາມສັດທາຕໍ່ສາສະໜາ ຄຣິສຕຽນ ແລະ ເຄີຍເຫັນ ພາບທີ່ແປກ ແລະ ມີຄວາມຝັນທີ່ແຈ້ງສະ ຫວ່າງ, ເຊິ່ງລາວໄດ້ສັນນິຖານວ່າ ເປັນການ ສະແດງໃຫ້ເຫັນຈາກພະເຈົ້າ.

ໃນເວລາທີ່ທ່ານນາງຍັງເປັນໄວໜຸ່ມ, ລາວໄດ້ແຕ່ງງານກັບທ່ານ John Tubman. ລາວ ໄດ້ຫຼົບໜີດ້ວຍການຊ່ວຍເຫຼືອຂອງຄົນຂ້າງບ້ານທີ່​ເປັນ ຄົນຜິວຂາວຄົນໜຶ່ງ ຜູ້ທີ່ບອກຊື່ ຂອງຄົນໃຫ້ລາວຮູ້ວ່າ ແມ່ນໃຜຈະເປັນຄົນຊ່ວຍລາວ ຫຼົບລີ້ໃນເວລາ ທີ່ລາວເດີນທາງ ໄປພາກເໜືອ.

ທ່ານນາງ Tubman ໄດ້ເດີນທາງກັບຄືນສູ່ລັດ Maryland ເພື່ອພົບກັບຄອບຄົວຂອງ ລາວ ແລະ ຂ້າທາດຄົນອື່ນໆ, ລາວໄດ້ເດີນທາງປະມານ 20 ເທື່ອເພື່ອນຳ​ເອົາຄົນເພີ່ມ ເຕີມໄປສູ່ອິດສະຫຼະ. ພວກເຂົາເຈົ້າໄດ້ເດີນທາງໃນເວລາກາງຄືນ ຕາມຖະໜົນບ້ານນອກ ແລະ ທາງນ້ຳ, ແລະ ບັນດານັກວິທະຍາສາດກ່າວວ່າ ທ່ານນາງ Tubman ຈະຈົກປືນ ອອກມາຈີ້ໃສ່ທຸກໆຄົນຜູ້ທີ່ຂົ່ມຂູ່ຈະຖອນຕົວ.

ແຕ່ວ່າທ່ານນາງ Tubman ຈະບໍ່ເປັນຜູ້ຍິງພຽງຄົນດຽວທີ່ຈະຖືກພິມຮູບໃສ່ໃບເງິນຂອງ ສະຫະລັດ.

ອ່ານຂ່າວ ເລື່ອງນີ້ ເປັນພາສາອັງກິດ

XS
SM
MD
LG