ລິ້ງ ສຳຫລັບເຂົ້າຫາ

ນາຍົກ ລມຕ ເຮຕີ ລາອອກ ຈາກຕຳແໜ່ງ ຫຼັງຈາກ ເກີດການ ປະທ້ວງ ຢ່າງຮຸນແຮງ


ນາຍົກລັດຖະມົນຕີເຮຕີ ທ່ານ Laurent Lamothe ກ່າວຖະແຫລງ ໃນລະຫວ່າງກອງປະຊຸມ ທີ່ເອີ້ນວ່າ "ເສີມຂະຫຍາຍ ການປະສານງານ ລະຫວ່າງ ຂະແໜງການທົ່ວໄປ ໃນເຮຕີ" ຂອງ ໂຄງການ ລິເລີ້ມທົ່ວໂລກຂອງທ່ານ Clinton ໃນປີ 2013 ຫຼື (CGI) ຢູ່ທີ່ນະຄອນ ນິວຢອກ, ວັນທີ 25 ກັນຍາ 2013.

ນາຍົກລັດຖະມົນຕີ​ເຮ​ຕີ ​ໄດ້​ລາ​ອອກ​ຈາກ​ຕຳ​ແໜ່​ງ ຫຼັງຈາກ​ມີ
ການປະ​ທ້ວງ​ຕໍ່ຕ້ານ​ລັດຖະບານ​ ຢ່າງຮຸນ​ແຮງ​ ຫລາຍໆ​ບັ້ນ.

​ໃນ​ຄຳຖະ​ແຫລ​ງເມື່ອຕອນ​ເຊົ້າຂອງວັນອາທິດ​ມື້​ນີ້ ທ່ານ
Laurent Lamothe ກ່າວ​ວ່າ ທ່ານອອກ​ຈາກ​ຕຳ​ແໜ່​ງ​ໄປ
“ພ້ອມ​ກັບ​ ຄວາມ​ຮູ້ສຶກ​ ແຫ່ງ​ຜົນສຳ​ເລັດ.”

ພວກ​ປະ​ທ້ວງ ​ໄດ້​ຮຽກຮ້ອງ​ໃຫ້​ ທັງປະທານາ​ທິບໍດີ Michel
Martelly ແລະທ່ານ Lamothe ​ລາ​ອອກ​ຈາກ​ຕຳ​ແໜ່​ງ.

ທ່ານ Martelly ​ໄດ້​ມີ​ແຜນ​ທີ່​ຈະຈັດ​ການ​ເລືອກ​ຕັ້ງຂຶ້ນ​ໃນ​ປີ
2011 ​ແຕ່ ​ໄດ້ເລື່ອນ​ການ​ເລືອກ​ຕັ້ງນັ້ນອອກ​ໄປ ຍ້ອນ​ວ່າ ​ມີ​ການຕົກລົງ​ກັນບໍ່​ໄດ້ ກ່ຽວ​ກັບ ​ກົດໝາຍ​ການ​ເລືອກ​ຕັ້ງ.

ບັນດານັກການ​ເມືອງຝ່າຍ​ຄ້ານ ກ່າວ​ຫາ ປະທານາທິບໍດີ Martelly ວ່າ ຢາກ​ປົກຄອງ
ປະ​ເທດ​ດ້ວຍ​ດຳລັດ ​ແລະ ວ່າ​ກົດໝາຍ​ທີ່ອະນຸມັດ ຈັດການ​ເລືອກ​ຕັ້ງ​ຂຶ້ນ​ນັ້ນ ເ​ຂົ້າຂ້າງ​
ລັດຖະບານ ຢ່າງບໍ່ຍຸດຕິ​ທຳ.

ນະຄອນຫລວງ Port-au-Prince ​ໄດ້​ປະສົບ​ກັບ​ການ​ປະ​ທ້ວງ​ທີ່ຮຸນ​ແຮງ ​ໃນ​ຈຳນວນ​
ຫລາຍຂຶ້ນ​ໃນ 2-3 ອາທິດ​ຜ່ານ​ມາ​ນີ້​. ຊາຍ​ຄົນ​ນຶ່ງ​ຖືກ​ຂ້າ​ຕາຍ ​ໃນ​ການ​ປະ​ທ້ວງ​ເມື່ອ​ວັນ​
ເສົາ​ວານ​ນີ້.

ຄະນະ​ກຳມະການ​ທີ່​ປຶກສາ ​ທີ່ປະທານາທິບໍດີ ຈັດຕັ້ງ​ຂຶ້ນ​ມາ ​ເພື່ອ​ໃຫ້ ແກ້​ໄຂສະພາບການ ​
ບໍ່​ໄປ​ບໍ່​ມານັ້ນ ​ໄດ້​ແນະນຳ​ ເມື່ອ​ອາທິດ​ແລ້ວ​ນີ້ ​ໃຫ້​ທ່ານ Lamothe ລາ​ອອກ.

ທາງ​ຄະນະ​ກຳມະການ​ດັ່ງກ່າວ​ຍັງ​ໄດ້​ແນະນຳ​ໃຫ້ ຍຸບ​ສະພາ​ເລືອກ​ຕັ້ງ​ຂອງ​ເຮ​ຕີ ​ແລະ​ໃຫ້​
ປ່ອຍ​ພວກ​ນັກ​ໂທດ​ການເມືອງ.

XS
SM
MD
LG