ລິ້ງ ສຳຫລັບເຂົ້າຫາ

ສຫລ ແລະຈີນ ແລກປ່ຽນ ຄວາມເວົ້າ ທີ່ແຂງແຮງ ກ່ຽວກັບ ນະໂຍບາຍ ໃນພາກພື້ນ (ວີດີໂອ)


ທ່ານ Chuck Hagel ລັດຖະມົນຕີປ້ອງກັນປະເທດ ສະຫະລັດ (ຊ້າຍ) ທ່ານ Chang Wanquan (ຂວາ) ຟັງເພງຊາດຈີນ ໃນລະຫວ່າງພິທີຕ້ອນຮັບ ທີ່ສຳນັກງານໃຫຍ່ ກະຊວງປ້ອງກັນປະເທດຈີນ ທີ່ນະຄອນປັກກິ່ງ ວັນທີ 8 ເມສາ, 2014.

ທ່ານ Chuck Hagel ລັດຖະມົນຕີປ້ອງກັນປະເທດ ສະຫະລັດ (ຊ້າຍ) ທ່ານ Chang Wanquan (ຂວາ) ຟັງເພງຊາດຈີນ ໃນລະຫວ່າງພິທີຕ້ອນຮັບ ທີ່ສຳນັກງານໃຫຍ່ ກະຊວງປ້ອງກັນປະເທດຈີນ ທີ່ນະຄອນປັກກິ່ງ ວັນທີ 8 ເມສາ, 2014.

ລັດຖະມົນຕີ​ປ້ອງ​ກັນ​ປະ​ເທດ​ສະຫະລັດ ທ່ານ Chuck
Hagel ​ເຕືອນ​ວ່າ​ ສະຫະລັດ​ຈະ​ປ້ອງ​ກັນ​ພວກ​ປະ​ເທດ
​ພັນທະ​ມິດ​ໃນ​ເອ​ເຊຍ​ຂອງ​ຕົນ ​ໃນ​ກໍລະນີ​ທີ່ເກີດ​ບັນຫາ​
ຂັດ​ແຍ້​ງ​ໃດໆ​ກັບ​ຈີນ​ນັ້ນ.

ຫົວໜ້າ​ທຳນຽບຫ້າ​ແຈ ກ່າວ​ຖ້ອຍ​ຖະ​ແຫຼ​ງດັ່ງກ່າວ​ໃນ
​ວັນ​ອັງຄານ​ມື້​ນີ້ ຫລັງ​ຈາກ ທຳ​ການ​ພົບ​ປະ​ທີ່ນະຄອນ​
ປັກ​ກິ່ງກັບ​ທ່ານ Chang Wanquan ຄູ່​ຕຳ​ແໜ່​ງຝ່າຍ
ຈີນຂອງທ່ານ.

ທ່ານ Hagel ກ່າວ​ວ່າ ວໍ​ຊິງ​ຕັນ​ມີ “ຄວາມ​ໝາຍ​ໝັ້ນ
​ຢ່າງ​ເຕັມ​ສ່ວນ”
ຕໍ່​ສົນທິສັນ ຍາ​ຕ່າງໆ ທີ່​ບັງຄັບ​ໃຫ້​ຕົນຕ້ອງ​ປົກ​ປ້ອງ​ພວກ​ປະ​
ເທດ​ພັນທະ​ມິດ​ທີ່​ມີ​ມາ​ຕັ້ງ​ດົນ​ນານ ກໍ​ຄື ຍີ່ປຸ່ນ ​ແລະ​ຟີ​ລິບ​ປິນນັ້ນ.

ຟີລິບປິນ ​ແລະ​ຍີ່ປຸ່ນ ​ແມ່ນ​ຮວມຢູ່​ໃນຫລາຍໆ​ປະ​ເທດ​ໃນ​ເອ​ເຊຍ​ ທີ່​ກ່າວ​ຫາ​ຈີນ
​ວ່າ ກຳລັງ​ໃຊ້​ການ​ນາບ​ຂູ່​ ເພື່ອ​ເຮັດ​ໃຫ້ການ​ກ່າວ​ອ້າງ​ເອົາ​ກຳ​ມະ​ສິດ​ທາງທະ​ເລ
ຂອງ​ຕົນ​ໄດ້ຮັບຜົນນັ້ນ.
ບັນຫາຂັດແຍ້ງ ກ່ຽວກັບໝູ່ເກາະ ທີ່ຍີ່ປຸ່ນເອີນ້ວ່າ Senkaku ແລະຈີນເອີ້ນ Diaoyu

ບັນຫາຂັດແຍ້ງ ກ່ຽວກັບໝູ່ເກາະ ທີ່ຍີ່ປຸ່ນເອີນ້ວ່າ Senkaku ແລະຈີນເອີ້ນ Diaoyu


ນອກນັ້ນ ທ່ານ Hagel ຍັງໄດ້ກ່າວ​ເຖິງ​ການ​ຕຳ​ໜິຕິ
ຕຽນ​ຂອງ​ສະຫະລັດ​ຄືນ​ອີກກ່ຽວ​ກັບ​ການຈັດ​ຕັ້ງ​ເຂດ
​ປ້ອງ​ກັນ​ທາງ​ອາກາດທີ່ບັງຄັບໃຫ້​ພວກ​ເຮືອບິນທີ່ບິນ
​ຜ່ານ​ເຂດ​ນັ້ນ​ຕ້ອງ​ບົ່ງ​ບອກ​ຊື່ ທີ່​ຈີນ​ໄດ້​ຈັດ​ຕັ້ງ​ຂຶ້ນ ​ໃນ​
ປີ​ແລ້ວ​ນີ້ ເພື່ອ​ກວມ​ເອົາ​ໝູ່ເກາະ​ຕ່າງໆທີ່​ທາງ​ລັດຖະ
ບານ​ຍີ່ປຸ່ນ​ອ້າງ​ເອົາ​ກຳມະສິດ​ເຊັ່ນ​ກັນ​ນັ້ນ.

ທ່ານ Hagel ກ່າວ​ວ່າ “ ສະຫະລັດ​ໄດ້​ປະກາດ​ໃຫ້​
ຮູ້​ມາ​ຢ່າງ​ຈະ​ແຈ້ງ​ແລ້ວ​ກ່ຽວ​ກັບ​ເລື້ອງ​ນີ້. ​ແລະ​ອັນ​
ນັ້ນ​ກໍ​ແມ່ນ​ວ່າ ກ່ອນ​ອື່ນ​ໝົດ ທຸກໆ​ປະ​ເທດ​ມີ​ສິດ​
ໃນ​ການຈັດ​ຕັ້ງ​ເຂດ​ປ້ອງ​ກັນ​ທາງ​ອາກາດ​ຂອງ​ຕົນແຕ່​ບໍ່​ມີ​ສິດ​ດຳ​ເນີນການ​ແຕ່
​ຝ່າຍ​ດຽວ ​ໂດຍ​ບໍ່​ມີ​ການ​ປະສານ​ງານ​ກັນ ຫຼື​ບໍ່​ມີ​ການ​ປຶກສາ​ຫາລື​ກັນ​ກ່ອນ​ນັ້ນ.
ສິ່ງ​ເຫຼົ່າ​ນີ້ ​ແມ່ນ​ຕື່ມ​ໃສ່ຄວາມ​ເຄັ່ງ​ຕຶງ ການ​ເຂົ້າ​ໃຈ​ຜິດ​ກັນແລະໃນ​ຂັ້ນ​ຕໍ່​ໄປ ສາ
ມາດ​ຕື່ມ​ໃສ່ ​ແລະ​ເກີດ​ຂໍ້​ຂັດ​ແຍ້​ງທີ່​ເປັນອັນຕະລາຍ​ໄດ້.


​ທີ່ກອງ​ປະຊຸມ​ຖະແຫຼງ​ຂ່າວ​ຮ່ວມ​ກັນນັ້ນ ທ່ານ Chang Wanquan ​ໄດ້​ຢືນ​ຢັດກ່ຽວ
ກັບ​ທ່າ​ທີ​ຂອງ​ຈີນ ​ໂດຍ​ໃຫ້​ຄຳ​ໝັ້ນ​ສັນຍາ​ວ່າ ​ປັກ​ກິ່ງ “ຈະ​ບໍ່​ທຳ​ການ​ປະນີປະນອມ
ບໍ່ມີການ​ຍິນ​ຍອມ​ໃດໆ”
ກ່ຽວ​ກັບ​ຂໍ້​ຂັດ​ແຍ້​ງກັນ​ນີ້.
XS
SM
MD
LG