ລິ້ງ ສຳຫລັບເຂົ້າຫາ

ທ່ານ Hagel ວ່າ ເຈົ້າໜ້າທີ່ ມອງຂ້າມ​ “ສັນຍານ​ເຕືອນ” ຈາກ ທ້າວ Alexis (ວີດີໂອ)


ລັດຖະມົນຕີ​ກະ​ຊວງ​ປ້ອງກັນ​ປະ​ເທດສະຫະລັດ ທ່ານ Chuck
Hagel ກ່າວວ່າ ເຈົ້າໜ້າທີ່ ໄດ້ມອງຂ້າມ​ “ສັນຍານ​ເຕືອນ”
ຕ່າງໆກ່ຽວ​ກັບທ້າວ​ Aaron Alexis ມື​ປືນທີ່​ຍິງສັງຫານ ຢູ່​ຄ້າຍ
Navy Yard.

ທ້າວ​ Alexis ໄດ້ຍິງ​ສັງຫານ 12 ຄົນ​ ກ່ອນ​ທີ່​ລາວ​ຈະ​ຖືກ​ຕໍາຫຼວດ
ຍິງ​ຕາຍ ຢູ່​ຄ້າຍ​ທະຫານ​ເຮືອ​ແຫ່ງ​ດັ່ງກ່າວ.

ທ່ານ Hagel ​ໄດ້​ກ່າວ​ໃນ​ວັນ​ພຸດ​ວານ​ນີ້​ວ່າ ​ໄດ້​ມີ ສັນຍານ​ເຕືອນ
ຫຼາຍໆ​ຢ່າງກ່ຽວ​ກັບປະຫວັດເບື້ອງ​ຫຼັງ​ທາງດ້ານ​ກົດໝາ​ຍ
​ແລະອາການໂຣກ​ປະສາດຂອງ​ທ້າວ Alexis. ທ່ານ ໄດ້​ກ່າວ​ວ່າ
ມັນ​ຈະ​ຕ້ອງ​ມີ​ການ​ຕອບ​ຄໍາ​ຖາມ​ພວກ​ນີ້ວ່າເປັນ​ຫຍັງສັນຍານ​ເຕືອນຕ່າງໆ​ເຫຼົ່ານີ້ຈຶ່ງ
​ຖືກມອງ​ຂ້າມ​ ກ່ອນທີ່ທ້າວ​ Alexis ຈະ​ໄດ້​ບັດ​ຜ່ານ​ ທີ່​ສາມາດ​ເຂົ້າ​ອອກໃນຄ້າຍ​ທະຫານ
​ເຮືອ​ Navy Yard.

ນອກ​ນັ້ນ ທ່ານ Hagel ຍັງໄດ້ສັ່ງ​ໃຫ້​ທົບ​ທວນ​ ການ​ຮັກສາ​ຄວາມ​ປອດ​ໄພຢູ່ຕາມຄ້າຍ​
ທະຫານ​ຂອງສະຫະລັດ​ໃນ​ທົ່ວ​ໂລກ. ທ່ານ​ຍັງ​ກ່າວ​ອີກ​ວ່າ ບ່ອນ​ໃດ​ທີ່​ມີ​ຊ່ອງ​ຫວ່າງ​ນັ້ນ​
ໃຫ້​ພວກ​ເຮົາປິດເສຍ.

ທ້າວ Alexis ​ໄດ້​ຖືກ​ຈັບ ​ໃນ​ເຫດການ​ໃຊ້​ອາວຸດ​ປືນ 2 ຄັ້ງ ​ໃນ​ປີ 2004 ​ແລະ 2010.
ລາວ​ໄດ້​ຖືກ​ກ່າວ​ເຖິງ​ຫຼາຍໆ​ຄັ້ງກ່ຽວ​ກັບ​ການ​ປະພຶດ​ຜິດ ​ໃນ​ໄລຍະ 4 ປີ ທີ່​ລາວ​ໄດ້​ຮັບ​ໃຊ້
ຢູ່​ໃນ​ກອງທັບ​ເຮືອ​ສະຫະລັດ ທີ່​ສິ້ນສຸດ​ລົງ​ໃນ​ປີ 2011 ນັ້ນ.
XS
SM
MD
LG