ລິ້ງ ສຳຫລັບເຂົ້າຫາ

ມືປືນ ສັງຫານ 14 ຄົນ ໃນພາກຕາເວັນອອກສຽງເໜືອ ຂອງ Kenya


ແຜນທີຈຸດເກີດເຫດໃນເມືອງ Soko Mbuzi ປະເທດ Kenya

ແຜນທີຈຸດເກີດເຫດໃນເມືອງ Soko Mbuzi ປະເທດ Kenya

ມື​ປືນ​ໄດ້​ຂ້າ​ຄົນ​ຢ່າງ​ໜ້ອຍ 14 ຄົນ​ວັນ​ອັງຄານ​ມື້​ນີ້ ​ໃນ​ການ​ໂຈມ​ຕີ​ໝູ່​ບ້ານ​ແຫ່ງ​ໜຶ່ງ​ໃນ​ທາງ​ພາກ​ຕາ​ເວັນ​ອອກສຽງເໜືອ​ຂອງ​ປະ​ເທດ Kenya.

ອົງການ​ກາ​ແດງ Kenya ກ່າວ​ວ່າ ມີ​ຄົນ​ອື່ນ​ໆ​ອີກ​ຢ່າງ​ໜ້ອຍ 11 ຄົນ​ ໄ​ດ້ຮັບ​ບາດ​ເຈັບໃນ​ການຍິງ​ຕໍ່ສູ້ກັນ​ໃນ​ເມືອງ Soko Mbuzi, ຕັ້ງ​ຢູ່​ໃກ້​ກັບ​ເຂດ​ຊາຍ​ແດນ​ຂອງ Kenya ຕິດ​ກັບ​ປະ​ເທດ
Somalia. ​ເຈົ້າ​ໜ້າ​ທີ່ກ່າວ​ວ່າ ຜູ້​ທີ່​ໄດ້​ຮັບ​ເຄາະ​ຮ້າຍ​ແມ່ນ​ກຳມະ​
ກອນ​ບໍ່ແ​ຮ່.

ສຳລັບ​ການ​ໂຈມ​ຕີ​ດັ່ງກ່າວ​ ແ​ມ່ນຍັງ​ບໍ່​ມີ​ຜູ້​ໃດ ​ອອກ​ມາ​ອ້າງເອົາ
ຄວາມຮັບ​ຜິດ​ຊອບ​ໂດຍ​ທັນທີ​ທັນ​ໃດເທື່ອ.

ພວກ​ຫົວ​ຮຸນແຮງ al-Shabab ທີ່ມີ​ຖານປະຕິບັດງານ​ຢູ່ Somalia ​ໄດ້​ປະຕິ​ບັດ​ການ​ໂຈມ​ຕີ​ຫຼາຍ​ຄັ້ງ​ໃນ Kenya ຕັ້ງ​ແຕ່​ທະຫານ​ຂອງ Kenya ​ໄດ້​ເຂົ້າ​ຮ່ວມ​ໃນ​ພາລະກິດ​ຕໍ່ສູ້​ກັບ​ພວກ​ຫົວ​ຮຸນ​ແຮງ ທີ່​ເປັນເຄືອຂ່າຍຂອງກຸ່ມ al-Qaida ​ກຸ່ມນີ້ ໃນ Somalia ໃນ​ປີ 2011.

ການ​ໂຈມ​ຕີທີ່ສຳຄັນ​ຫຼາຍ​ຄັ້ງ​ດັ່ງກ່າວ ລວມມີ ການສັງຫານ 148 ຄົນ ໂດຍພວກຫົວຮຸນ ແຮງທີ່​ມະຫາວິ​ທະຍາ​ໄລ Garissa ​ໃນ​ເດືອນ​ເມສາ​ ​ຜ່ານມາ ແລະ ພວກເຂົາໄດ້ສັງອີກ​ຢ່າງ​ໜ້ອຍ 67 ຄົນ​ຢູ່​ສູນ​ການ​ຄ້າ ໃນນະຄອນຫຼວງ Nairobi ເມື່ອປີ 2013.

XS
SM
MD
LG