ລິ້ງ ສຳຫລັບເຂົ້າຫາ

ຊາຍຄົນໜຶ່ງ ທີ່ອ້າງວ່າ ຈົງຮັກພັກດີຕໍ່ລັດອິສລາມ ຍິງຕຳຫຼວດ ໃນນະຄອນ ຟິລາແດລເຟຍ


ຮູບພາບຈາກກ້ອງວົງຈອນປິດ ສະແດງໃຫ້ເຫັນມືປືນ (ຊ້າຍ) ຢ່າງເຂົ້າໄປຫາລົດຕຳຫລວດ.

ຮູບພາບຈາກກ້ອງວົງຈອນປິດ ສະແດງໃຫ້ເຫັນມືປືນ (ຊ້າຍ) ຢ່າງເຂົ້າໄປຫາລົດຕຳຫລວດ.

ມື​ປືນ​ຄົນ​ໜຶ່ງ ​ທີ່ອ້າງ​ວ່າ​ໄດ້​ສາບານ​ໂຕຈະ​ຈົງ​ຮັກ​ພັກດີ​ຕໍ່​ກຸ່ມ​ກໍ່​
ການຮ້າຍ​ລັດ​ອິສ ລາມ ລອບ​ຍິງ​ເຈົ້າ​ໜ້າ​ທີ່​ຕຳຫລວດ​ ​ໃນ​ຂະ
ນະ​ທີ່ຕຳຫລວດ​ຄົນ​ນັ້ນ​ນັ່ງ​ຢູ່​ໃນ​ລົດ​ຕຳຫລວດທີ່ນະຄອນ
Philadelphia ລັດ Pennsylvania ທາງ​ພາກ​ຕາ​ເວັນ​ອອກ​
ຂອງສະຫະລັດໃນ​ວັນ​ພະຫັດທີ່​ຜ່ານ​ມາ ​ໂດຍໄດ້​ຍິງປືນຫຼາຍໆ
​ນັດ​ເຂົ້າໃສ່​ຕຳ​ຫລວດຫລາຍ​ນັດ.

​ອີງ​ຕາມ​ເຈົ້າ​ໜ້າ​ທີ່​ແລ້ວ ຕຳຫຼວດຄົນ​ນີ້ຊຶ່ງຖືກ​ຍິງ​ສາມ​ລູກ​ຢູ່ທີ່
​ແຂນ​ຊ້າຍ ​ຍັງ​ສາມາດຍິງ​ຕອບ​ໂຕ້ ​ແລະ​ຖືກ​ຜູ້​ຮ້າຍ​ອາຍຸ 30 ປີ
ທີ່ແລ່ນ​ໜີ ​ແລະ​ຕໍ່​ມາ​ໄດ້​ຖືກ​ຈັບ.

​ຜູ້​ຕ້ອງ​ສົງ​ໄສເປັນ​ມື​ປືນຄົນ​ນີ້ ທີ່ມີ​ລາຍ​ງານ​ວ່າ ​ໄດ້​ຍິງປືນຢ່າງ​ໜ້ອຍ 11 ນັດ ຖືກລະ​ບຸ​ໂຕ
​ວ່າ​ ແມ່ນ​ທ້າວ Edward Archer ອາຍຸ 30 ປີ ຈາ​ກ​ນະຄອນ Philadelphia. ລາວ​ມີ​
ປະຫວັດ​ກະທຳ​ຄວາມ​ຜິດມາ​ກ່ອນ. ຍັງບໍ່​ມີຮ່ອງຮອຍ​ສະ​ແດງ​ໃຫ້​ເຫັນວ່າ​ ທ້າວ Archer
ດຳ​ເນີນ​ການ​ຮ່ວມ​ກັບ​ຜູ້​ໃດ​ຜູ້​ໜຶ່ງໃນ​ການ​ໂຈມ​ຕີຄັ້ງນີ້. ບັນດາ​ຜູ້ນຳ​ມຸສລິ​ມ​ໃນທ້ອງ​ຖິ່ນ
ກ່າວ​ວ່າ ບໍ່​ມີ​ການ​ຊີ້​ບອກ​ໃດໆ​ວ່າທ້າວ Archer ​ເປັນ​ຜູ້​ປະຕິບັດສາສະໜາ​ອິສລາມ​ທີ່​
ເຄັ່ງ​ຄັດ​ແຕ່​ປະການ​ໃດ.

ບັນດາ​ເຈົ້າ​ໜ້າ​ທີ່​ກ່າວ​ວ່າ ທ້າວ Archer ​ໄດ້​ເດີນ​ທາງ​ໄປ ຊາ​ອຸ​ດີ ອາຣາ​ເບຍ ​ໃນ​ປີ 2011
​ແລະ​ອີ​ຈິບ​ໃນ​ປີ 2012 ​ແລະ​ຈຸດປະສົງໃນການ​ເດິ​ນທາງ​ຂອງ​ລາວ ກຳລັງມີ​ການສື​ບສວນ
ກັນ​ຢູ່ ​ໂດຍ​ອົງການ​ສັນຕິ​ບານ​ກາງ FBI ຂອງ​ສະຫະລັດ.

​ເຈົ້າ​ໜ້າ​ທີ່​ຕຳຫລວດ ກ່າວ​ໃນ​ວັນ​ສຸກ​ວານ​ນີ້​ວ່າ ຕຳຫຼວດ​ຜູ້​ໄດ້​ຮັບ​ບາດ​ເຈັບ ​ແມ່ນ ທ່ານ
Jesse Hartnett ອາຍຸ 33 ປີ. ຄາດ​ວ່າ ທ່ານ​ຈະ​ລອດ​ຊີວິດ​ ​ແຕ່​ຕ້ອງ​ໄດ້​ຜ່າຕັດອີກ​ຫຼາຍ ​ເທື່ອ.

XS
SM
MD
LG