ປະທານາທິບໍດີກີນີ ທ່ານ Alpha Conde ໄດ້ປະກາດ “ພາວະ
ສຸກເສີນທາງສຸຂະພາບ” ເປັນເວລາ 45 ມື້ ຢູ່ໃນ 5 ເຂດ ໃນ
ພາກຕາເວັນຕົກແລະຕາເວັນຕົກສຽງໃຕ້ ຂອງປະເທດທີ່ໄດ້ປະ
ສົບກັບການລະບາດ ຂອງອີໂບລານັ້ນ ເພື່ອພະຍາຍາມຍັບຍັ້ງ
ການລະບາດ ຂອງພະຍາດ ອັນຕະລາຍເຖິງແກ່ຊີວິດນີ້.
ທ່ານ Conde ໄດ້ປະກາດມາດຕະການຕ່າງໆ ຜ່ານທາງໂທລະ
ພາບລັດ ເມື່ອວັນເສົາວານນີ້ ຊຶ່ງຈະອຳນວຍໃຫ້ ບັນດາເຈົ້າໜ້າທີ່
ຈຳກັດການເຄື່ອນຍ້າຍຕ່າງໆ ຂອງພົນລະເມືອງ ໃນເຂດຫົວເມືອງ
Forecariah, Coyah, Dubreka, Boffa, ແລະ Kindia. ທ່ານ
ກ່າວວ່າ “ຢູ່ແຫ່ງຫົນໃດກໍຕາມ ທີ່ມີຄວາມຈຳເປັນ ໃນຕະຫລອດ
ໄລຍະເວລາດັ່ງກ່າວນີ້ ມາດຕະການຕ່າງໆ ຂອງການຈຳກັດການເຄື່ອນຍ້າຍ ແລະ
ການກັກຢູ່ກັບທີ່ ແມ່ນຕ້ອງໄດ້ນຳໃຊ້.”
ຫຼາຍກວ່າ 10,000 ຄົນໄດ້ເສຍຊີວິດ ຍ້ອນພະຍາດອີໂບລາ ຢູ່ໃນອາຟຣິກາຕາເວັນຕົກ
ນັບຕັ້ງແຕ່ການລະບາດ ຂອງພະຍາດດັ່ງກ່າວໄດ້ເລີ້ມຕົ້ນຂຶ້ນ ແລະ ໃນຂະນະທີ່ ຄິດກັນ
ວ່າ ຈຳນວນພວກຕິດເຊື້ອໄດ້ເຖິງ ຂັ້ນສູງສຸດແລ້ວນັ້ນ ປະເທດກີນີ ກໍຍັງກຳລັງບຸກບືນ
ເພື່ອກຳຈັດ ເຊື້ອໄວຣັສດັ່ງກ່າວ.