ລິ້ງ ສຳຫລັບເຂົ້າຫາ

ການ​​ຊ້ອມລົບ ຂອງກຳລັງ ນາໆຊາດ ຢູ່​ເກາະກ໊ວາ​ມ ຖືກ​ໂຈະຊົ່ວຄາວ


ພາບເຮືອຊ້ອມລົບ Courbet ຂອງຝຣັ່ງ ຈອດຢູ່ແຄມທ່າເຮືອທະຫານຢູ່ເກາະກ໊ວາມ ໃນວັນພະຫັດ ໃນວັນທີ 11 ພຶດສະພາ 2017.

ການ​ຝຶກ​ຊ້ອມ​ທະຫານ​ທີ່​ມີການ​ເຂົ້າຮ່ວມ​ຂອງຫລາຍ​ປະ​ເທດຢູ່​ທີ່​ເກາະກ໊ວາ​ມ​ໄດ້​ຖືກ
​ເລື່ອນເວລາ​ອອກໄປ​ ໃນ​ຂະນະທີ່​ເຮືອ​ຍົກ​ພົນ​ຂຶ້ນບົກ​ຂອງຝຣັ່ງແລ່ນ​ຕໍາ​ກ້ອນ​ຫີນ​ໃນ​
ວັນ​ສຸກ​ມື້ນີ້.

ຝຣັ່ງ, ອັງກິດ, ຍີ່​ປຸ່ນ, ​ແລະ​ສະຫະລັດ ​ພາກັນ​ກຽມພ້ອມ​ທີ່​ຈະ​ເຂົ້າຮ່ວມ​ການ​ຊ້ອມ​ລົບ
ທີ່ແນ​ໃສ່​ໃຫ້​ເຫັນ​ເຖິງ​ການສະໜັບະໜຸນ​ແກ່​ເສລີພາບ​ການ​ເດີນ​ເຮືອໃນ​ເຂດໜ່ານນໍ້າ​
ສາກົນ ​ແລະ​ເປັນ​ການຕ້ານ​ຄືນ​ຕໍ່ການ​ທີ່ຈີນ​ເອົາ​ທະຫານ​ຂອງຕົນໄປປະ​ຈໍາ​ຢູ່​ໃນ​ຂົງ​
ເຂດ​ດັ່ງກ່າວ​ ນັບ​ມື້ ນັບ​ຫລາຍ​ຂຶ້ນ.

ຍັງ​ບໍ່ມີ​ໃຜ​ຮູ້​ໄດ້ຢ່າງ​ຈະ​ແຈ້ງ​ເທື່ອ​ວ່າ ການ​ຝຶກ​ຊ້ອມດັ່ງກ່າວ​ຈະ​ກໍານົດ​ໃຫ້​ມີ​ຂຶ້ນ​ເມື່ອ​ໃດ.
ຈີນ​ໄດ້​ອ້າງ​ເອົາກໍາມະສິດ​ຕໍ່ເຂດ​ທະ​ເລ​ຈີ​ໃຕ້ເກືອບໝົດ ຊຶ່ງ​ເປັນ​ເຂດ​ທີ່​ປະ​ເທດດັ່ງກ່າວ​
ໄດ້​ສ້າງ​ເກາະທຽມ​ເຈັດ​ແຫ່ງ ​ແລະ​ພາ​ໃຫ້​ປ​ະ​ເທດ​ອື່ນ​ຕິຕຽນຢ່າງໜັກ.

ຈີນ​ເວົ້າວ່າ ​ໝູ່​ເກາະ​ດັ່ງກ່າວ​ຖືກ​ສ້າງ​ຂຶ້ນມາ​ເພື່ອ​ຮັບ​ໃຊ້​ຈຸດປະສົງ​ທາງ​ພົນລະ​ເຮືອນ
​ໂດຍ​ສະ​ເພາະ​ກໍ​ຄື ​ເພື່ອ​ປົກ​ປ້ອງ​ກໍາ​ປັ່ນ​ບັນທຸກ​ສິນຄ້າ​ທີ່​ມີ​ມູນ​ຄ່າ ປະມານ 5 ພັນຕື້​ໂດ
​ລາຕໍ່ປີ ທີ່ເດີນທາງໄປ​ຜ່ານ​ເຂດໜ່ານນໍ້ານັ້ນ.

ຈີນ​ໄດ້​ປະຕິ​ເສດ​ຂໍ້​ກ່າວ​ຫາທີ່​ເວົ້າວ່າ ປະ​ເທດ​ຈີນ ກໍາ​ລັງ​ຫັນ​ເອົາ​ເຂດ​ທະ​ເລ​ຈີນ​ໃຕ້ ​
ໃຫ້​ເປັນ ​ເຂດ​ທີ່​ມີ​ທະຫານ​ປະ​ຈໍາ​ຢູ່ ​ເຖິງ​ແມ່ນ​ວ່າ ນາ​ຍົກລັດຖະມົນຕີ​ຈີນ​ ທ່ານ Li
Keqiang ​ຈະ​ເວົ້າວ່າ ອຸປະກອນ​ທີ່​ນໍາ​ໄປ​ໃຊ້ ​ຢູ່​ໃນໝູ່​ເກາະ​ນັ້ນ ​ແມ່ນ​ເພື່ອຮັກສາ
"​ເສລີພາບ​ໃນການ​ເດີນ​ເຮືອ​" ກໍ​ຕາມ.

ຈີນ​ໄດ້​ໃຫ້​ຄໍາ​ຮັບປະກັນ​ວ່າ ຕົນ​ຈະ​ບໍ່ກີດຂວາງ​ການ​ເດີນທາງ​ຂອງ​ກໍ​າປັ່ນຕ່າງໆ ​ຫລື ​
ເຮືອບິນ​ຢູ່​ໃນ​ເຂດ​ດັ່ງກ່າວ ​ເຖິງ​ແມ່ນ​ວ່າ ຄົນ​ຍັງ​ມີ​ຄວາມ​ສົງ​ໄສ​ກັນ​ວ່າ ​ເປັນ​ຫຍັງ​ຈຶ່ງ​ມີ
ເຮືອ​ລົບ ​ແລະ​ເຮືອບິນ​ລົບຂອງ​ທະຫານຢູ່ທີ່​ນັ້ນ.

ອ່ານຂ່າວທີ່ກ່ຽວຂ້ອງ ເພີ້ມເຕີມເປັນພາສາອັງກິດ

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG