ລິ້ງ ສຳຫລັບເຂົ້າຫາ

ກຣີສ ມີຄວາມເຫັນ ແບ່ງແຍກກັນ ເກືອບເຄິ່ງຕໍ່ເຄິ່ງ ກ່ຽວກັບ ການລົງປະຊາມະຕິ ໃນວັນອາທິດນີ້


ການຢັ່ງຫາງສຽງຂອງພວກທີ່ມີທ່າທາງວ່າຈະໄປປ່ອນບັດໃນ
ການລົງປະຊາມະຕິຢູ່ກຣີສໃນວັນອາທິດຈະມາກ່ຽວກັບຂໍ້ສະ
ເໜີຊ່ອຍກອບກູ້ເສດຖະກິດຂອງຢູໂຣບ ສະ ແດງໃຫ້ເຫັນວ່າ ແມ່ນມີການແບ່ງກັນເກືອບເຄິ່ງຕໍ່ເຄິ່ງໃນການລົງຄະແນນສຽງ
ດັ່ງກ່າວ.

ການຢັ່ງຫາງສຽງ ຂອງຜູ້ມີສິດປ່ອນບັດ 1,000 ຄົນໂດຍບໍລິ
ສັດ ALCO ໃຫ້ແກ່ໜັງສືພິມ Ethos ເມື່ອວັນທີ 30 ມິຖຸນາ
ແລະວັນທີ 1 ກໍລະກົດ ຜ່ານມານີ້ ສະແດງໃຫ້ເຫັນວ່າ 44.8
ເປີເຊັນຂອງພວກທີ່ຕອບຄຳຖາມກ່າວວ່າ ເຂົາເຈົ້າຈະລົງຄະ
ແນນສຽງ “ເຫັນພ້ອມ” ກ່ຽວກັບເງື່ອນໄຂໃນການຊ່ອຍກອບ
ກູ້ເສດຖະກິດ ໃນຂະນະທີ່ 43.4 ເປີເຊັນ ຈະລົງຄະແນນສຽງ “ຄັດຄ້ານ” ແລະ 11.8 ເປີ ເຊັນຍັງບໍ່ທັນຕັດສິນໃຈເທື່ອ.

ທ່ານ Alexis Tsipras ນາຍົກລັດຖະມົນຕີກຣີສ ກຳລັງໂຄສະນາເພື່ອໃຫ້ປະຊາຊົນໄປ ລົງແຄນແນນສຽງ “ຄັດຄ້ານ” ໂດຍກ່າວວ່າ ມັນຈະອຳນວຍໃຫ້ກຣີສ ມີອຳນາດໃນການ ຕໍ່ລອງເພີ້ມຂຶ້ນ ກ່ຽວກັບການເຈລະຈາໃນອະນາຄົດ ກັບພວກເຈົ້າໜີ້ຢູໂຣບ.

ສ່ວນລັດຖະມົນຕີການເງິນທ່ານ Yanis Varoufakis ກ່າວໃນການໃຫ້ສຳພາດທາງໂທ ລະພາບ ແກ່ອົງການຂ່າວ Bloomberg ໃນອາທິດນີ້ວ່າ ຖ້າຫາກ ຜູ້ມີສິດປ່ອນບັດຊາວ
ກຣີສຍອມຮັບເອົາຂໍ້ສະເໜີ ໃນການຊ່ອຍກອບກູ້ເສດຖະກິດ ຂອງເຈົ້າໜີ້ຢູໂຣບ ລັດຖະ ບານຂອງກຣີສອາດຈະລາອອກ ແລະພາຍໃນວັນຈັນຈະມານີ້ທ່ານຈະບໍ່ແມ່ນລັດຖະມົນ ຕີການເງິນຂອງກຣີສ ອີກຕໍ່ໄປແລ້ວ.

ພວກຜູ້ນຳຂອງຢູໂຣບໄດ້ເຕືອນວ່າ ການປ່ອນບັດ “ຄັດຄ້ານ” ໃນການລົງປະຊາມະຕິດັ່ງ
ກ່າວແມ່ນຈະໝາຍຄວາມວ່າ ກຣີສຈະກາຍເປັນປະເທດທຳອິດ ທີ່ຈະຕ້ອງໄດ້ອອກຈາກ
ກຸ່ມ 19 ປະເທດທີ່ໃຊ້ເງິນຢູໂຣ ໃນປະຫວັດຂອງການໃຊ້ເງິນຕາຮ່ວມເປັນເວລາ 16 ປີ.

ພວກສະໜັບສະໜຸນໃຫ້ລົງຄະແນນສຽງ “ເຫັນພ້ອມ” ຊຶ່ງໝາຍຄວາມວ່າກຣີສຮັບເອົາຂໍ້ ສະເໜີໃຫ້ມີການປະຢັດມັດທະຍັດເພີ້ມຕື່ມ ຂອງພວກເຈົ້າໜ້າ ເພື່ອເປັນການແລກປ່ຽນ ກັບການກູ້ຢືມເງິນກ້ອນໃໝ່ນັ້ນກ່າວວ່າການລົງປະຊາມະຕິໃນຄັ້ງນີ້ແມ່ນເທົ່າກັນກັບເປັນ ການລົງຄະແນນສຽງວ່າ ກຣີສຕ້ອງການຢາກຢູ່ໃນກຸ່ມປະເທດໃຊ້ເງິນຢູໂຣຕໍ່ໄປຫລືບໍ່.

ໃນຂະນະດຽວກັນຮອງປະທານກຳມາທິການຢູໂຣບ ທ່ານ Valdis Dombrovskis ກ່າວ ຕໍ່ໜັງສືພິມ Die Welt ຂອງເຢຍຣະມັນວ່າ ການລົງປະຊາມະຕິ ດັ່ງກ່າວນີ້ ບໍ່ມີຫຍັງກ່ຽວ ຂ້ອງກັບສະຖານະພາບໃນປັດຈຸບັນຂອງການເຈລະຈາ ຍ້ອນວ່າ ເງື່ອນໄຂໃນການຊ່ອຍ ກອບກູ້ເສດຖະກິດແມ່ນໝົດອາຍຸໄປແລ້ວໃນອາທິດນີ້.

XS
SM
MD
LG