ລິ້ງ ສຳຫລັບເຂົ້າຫາ

ຕຳຫຼວດກຣິສ ຈັບກຸມ ຜູ້ຫຼົບໜີ ຫົວນິຍົມ ຊ້າຍຈັດ ຄົນນຶ່ງ (ວີດີໂອ)


ຮູບພາບນາຍ Nikos Maziotis (ຄົນກາງ) ກຳລັງຖືກຕຳຫຼວດນຳໂຕ ໄປຍັງຫ້ອງການ ໄອຍະການ ທີ່ນະຄອນຫຼວງ Athens ວັນທີ 12 ເມສາ 2010.

ຮູບພາບນາຍ Nikos Maziotis (ຄົນກາງ) ກຳລັງຖືກຕຳຫຼວດນຳໂຕ ໄປຍັງຫ້ອງການ ໄອຍະການ ທີ່ນະຄອນຫຼວງ Athens ວັນທີ 12 ເມສາ 2010.

ຕຳຫຼວດ​ກຣິສ ​ໄດ້​ຈັບ​ກຸມ​ຜູ້​ຫລົບໜີ​ຄົນ​ນຶ່ງ ທີ່ທາງ​ການ​ຕ້ອງການ​
ໂຕ​ເປັນ​ທີ່​ສຸດ​ໃນ​ບັນດາ​ຜູ້​ຫລົບໜີ​ຈາກ​ເຈົ້າ​ໜ້າ​ທີ່​ແລະ​ຜູ້​ຕ້ອງ​ສົງ​
ໄສ​ເປັນ​ຜູ້ ກໍ່​ການ​ຮ້າຍ ຫຼັງ​ຈາກ​ຍິງ​ຕໍ່ສູ້​ກັນ​ໃນ​ນະຄອນຫຼວງ
Athens ທີ່​ໄດ້​ເຮັດໃຫ້ຕຳຫຼວດ​ຄົນ​ນຶ່ງ​ແລະ​ນັກ​ທ່ອງ​ທ່ຽວ 2 ຄົນ​
ໄດ້​ຮັບ​ບາດ​ເຈັບ.

ນາຍ Nikos Maziotis ຫົວ​ນິຍົມ​ຊ້າຍ​ຈັດ ​ໄດ້​ຮັບ​ບາດ​ເຈັບ​ສາ
ຫັດ​ໃນ​ການຍິງ​ຕໍ່ສູ້​ກັນ​ກັບ​ຕຳຫຼວດ ​ແລະ​ໄດ້​ຮັບ​ການຜ່າຕັດ​ທີ່​
ໂຮງໝໍ​ແຫ່ງນຶ່ງ ໃນ​ນະຄອນຫຼວງ Athens.

ຕຳຫຼວດ​ໄດ້​ພົບ​ໂຕ​ນາຍ Maziotis ​ໃນເຂດ​ໃຈກາງ​ເມືອງ​ທີ່​ອັດ
​ແອໄປດ້ວຍຜູ້ຄົນ ​ໃນ​ວັນ​ພຸດວານ​ນີ້ ​ແລະ​ພວກ​ເຈົ້າ​ໜ້າ​ທີ່​ຕຳຫຼວດ ​ກ່າວວ່າ ຜູ້ກ່ຽວ​ໄດ້ໃສ່
ຜົມ​ປອມແລະ​ຖື​ບັດປະຈຳ​ໂຕ​ປອມ.

ນາຍ Maziotis ​ໄດ້​ເປັນ​ສະມາຊິກ​ຂັ້ນ​ສູງ​ສຸດ​ ຂອງ​ກຸ່ມ​ຫົວ​ຮຸນ​ແຮງ Revolutionary
Struggle ທີ່​ໄດ້​ຍຸບ​ໄປ​ແລ້ວ. ກຸ່ມ​ດັ່ງກ່າວ​ໄດ້​ເປັນຜູ້​ຮັບຜິດຊອບ​ໃນ​ການ​ຍິງ​ຈະ​ຫຼວດ
ລູກ​ນຶ່ງ​ໃສ່​ສະຖານທູດ​ສະຫະລັດໃນ​ນະຄອນຫຼວງ Athens ​ໃນ​ປີ 2007. ການ​ໂຈມ​ຕີ​ດັ່ງກ່າວໄດ້​ສ້າງ​ຄວາມ​ ເສຍ​ຫາຍ​ເລັກ​ນ້ອຍ ​ແລະ​ບໍ່​ມີ​ຜູ້​ໃດ​ໄດ້​ຮັບ​ບາດ​ເຈັບ​ຫຼື​ເສຍ​ຊີວິດ.

ນາຍ Maziotis ຖືກ​ຈັບ​ກຸມ​ໃນ​ປີ 2010 ​ແລະ​ໄດ້​ຖືກ​ປ່ອຍ​ໂຕ​ໃນ​ເວລາ​ຕໍ່​ມາ​ບໍ່​ດົນ​ແລະ​
ຜູ້ກ່ຽວ​ກໍໄດ້​ຫາຍ​ໂຕ​ໄປ​ໃນ​ທັນທີ.

ຕຳຫຼວດ​ສົງ​ໄສ​ວ່າ ຜູ້ກ່ຽວ​ໄດ້​ເປັນ​ຜູ້​ຮັບຜິດຊອບ​ໃນ​ການ​ກໍ່​ອາ​ຊະ​ຍາ​ກຳ​ຫຼາຍ​ຢ່າງ ຮວມ
ທັງ​ການວາງ​ລະ​ເບີດ​ ​ໃນ​ເດືອນ​ເມສາ​ຜ່ານ​ມາ ຢູ່​ຂ້າງ​ນອກ​ທະນາຄານ​ແຫ່ງ​ນຶ່ງ ​ໃນນະ
ຄອນ Athens ​ແຕ່​ບໍ່​ມີ​ຜູ້​ໃດ ໄດ້ຮັບບາດ​ເຈັບ.

XS
SM
MD
LG