ລິ້ງ ສຳຫລັບເຂົ້າຫາ

ສະມາຊິກ ພັກລັດຖະບານ ກຣິສ ແຍກໂຕ ອອກໄປຕັ້ງ ພັກໃໝ່


ນາຍົກລັດຖະມົນຕີ ກຣິສ ທ່ານ Alexis Tsipras (ກາງ) ກຳລັງຢ່າງອອກມາຈາກ ທຳນຽບປະທານາມິບໍດີ ຫລັງຈາກ ພົບປະກັບ ປະທານາທິບໍດີ ກຣິສ ທ່ານ Prokopis Pavlopoulos.

ນາຍົກລັດຖະມົນຕີ ກຣິສ ທ່ານ Alexis Tsipras (ກາງ) ກຳລັງຢ່າງອອກມາຈາກ ທຳນຽບປະທານາມິບໍດີ ຫລັງຈາກ ພົບປະກັບ ປະທານາທິບໍດີ ກຣິສ ທ່ານ Prokopis Pavlopoulos.

ບັນດາ​ສະມາຊິກ​ຊ້າຍຈັດ ຈາກພັກລັດຖະບານ Syriza ຂອງ
ນາຍົກລັດຖະມົນ ຕີກຣີສ ທ່ານ Alexis Tsipras ​ໄດ້ແຍກ​ໂຕ
ອອກໄປຕັ້ງພັກ​ຂອງ​ເຂົາ​ເຈົ້າ​ເອງ ຫຼັງ​ຈາກ​ໄດ້ພະຍາ​ຍາມທີ່​ບໍ່
​ສຳ​ເລັດເພື່ອຂັດຂວາງຕໍ່ການຮັບ​ຜ່ານ​ໂຄງການ​ກອບ ​ກູ້​ເສດ
ຖະກິດ ມູນຄ່າ 95 ພັນ​ລ້ານ​ໂດ​ລາ ຈາກທະນາຄານ​ກາງ​ຢູ​ໂຣບ.

ບັນດາ​ສະມາຊິກ​ສະພາ 25 ຄົນ​ໄດ້​ປະກາດ​ໃນວັນ​ສຸກ​ມື້​ນີ້ວ່າ
​ເຂົາ​ເຈົ້າ​ຈະຕັ້ງ​ພັກ​ສາມັກຄີມະຫາຊົນຫຼື Popular Unity ຊຶ່ງ
ຈະ​ເປັນ​ພັກ​ໃຫຍ່ອັນດັບສາມ​ ຢູ່ໃນສະພາແຫ່ງຊາດ​ກຣິສ ທີ່
ມີບ່ອນນັ່ງ 300 ບ່ອນ​.

ບັນດາ​ສາມັກຄີມະຫາຊົນ ​ແມ່ນ​ບັນດາ​ຜູ້​ທີ່​ໄດ້ສະ​ແດງ​ຄວາ​ມຜິດ​ຫວັງ​ກັບ ທ່ານ Tsipras
ຫລັງ​ຈາກໄດ້ຕ່າວ​ປີ້ນ​ຄຳ​ໝັ້ນ​ສັນຍາທີ່ວ່າ ຈະ​ຈັດຕັ້ງປະຕິບັດ ມາດ​ຕະການ​ມັດທະຍັດ
​ສະບັບໃໝ່ ​ເພື່ອ​ເປັນ​ການ​ແລກປ່ຽນ​ກັບເງິນ​ກອບ​ກູ້​ເສດຖະ ກິດຈາກສະຫະພາບ​ຢູ​ໂຣບ.

ທ່ານ Tsipras ​ທີ່​ໄດ້​ລາ​ອອກ​ໃນ​ວັນ​ພະຫັດ​ວານ​ນີ້ ​ແລະ​ຮຽກໃຫ້ມີ​ການ​ເລືອກ​ຕັ້ງ​ກ່ອນ
ກຳນົດ ໃນ​ວັນທີ 20 ກັນຍາ ​ກ່າວ​ວ່າ ທ່ານ​ໄດ້​ຕໍ່ສູ້​ໜັກ​ເພື່ອ​ຮັກສາ​ຄຳ​ໝັ້ນ​ສັນຍາ​ຂອງ
​ທ່ານ ​ແລະ​ໄດ້​ເຫັນ​ດີ​ກັບ​ການຕົກລົງ​ດີທີ່ສຸດທີ່​ທ່ານ​ສາ​ມາດ​ເຮັດ​ໄດ້.

ຫລັງ​ຈາກ​ການເຈລະຈາຢ່າງຂຸ້ນຂ້ຽວ ເປັນເວລາຫຼາຍໆເດືອນ ກັບພວກເຈົ້າໜີ້ ຂອງ
ກຣີສ ແລ້ວ ບັນດາ​ເພື່ອນ​ບ້ານ​ຢູ​ໂຣບ ທະນາຄານ​ກາງ​ຢູ​ໂຣບ ​ແລະ​ອົງການ ກອງ​ທຶນ
​ສາກົນ ແລະ ທ່ານ Tsipras ​ກໍເຫັນ​ດີໃຫ້​ຂື້ນພາສີ​ ​ແລະ​ຕັດ​ເງິນ​ເບ້ຍ ບຳນານ.

ນີ້​ເປັນ​ການຊ່ວຍກອບກູ້ເສດຖະກິດເທື່ອ​ທີ​ສາມຂອງ​ກຣິສ ​ໃນຮອບຫ້າປີ ​ໃນ ຂະນະ
ທີ່ປະເທດດັ່ງກ່າວສູ້ຊົນ ເພື່ອໃຫ້ສາມາດຈ່າຍໜີ້ສິນຂອງຕົນໄດ້ນັ້ນ.

XS
SM
MD
LG