ລິ້ງ ສຳຫລັບເຂົ້າຫາ

ຢູໂຣບ ອະນຸມັດ ແຜນການ ຊ່ອຍກຣີສ

  • ໄພສານ ວໍຣະຈັກ

ພວກຜູ້ນຳ ຂອງ 16 ປະເທດ ທີ່ໃຊ້ເງິນຢູໂຣ ໄດ້ຕົກລົງ ຮັບເອົາມາຕະການ ປົກປ້ອງຄ່າ ຂອງເງິນຢູໂຣ ແລະ ໃຫ້ການອະນຸມັດ ຕໍ່ແຜນການ ໃຫ້ເງິນກູ້ຢືມສຸກເສີນ 145 ພັນລ້ານໂດລາ ຕໍ່ກຣີສ.

ປະທານາທິບໍດີຝຣັ່ງ ທ່ານນິໂກລາ ຊາກໂກຊີ ກ່າວໃນວັນເສົາມື້ນີ້ ຢູ່ກອງປະຊຸມສຸກເສີນ ທີ່ນະຄອນບຣັສເຊີລສ໌ ປະເທດແບລຢ້ຽມວ່າ ມັນເປັນສິ່ງສຳຄັນ ທີ່ຢູໂຣບ ສ້າງຕັ້ງແຜນການ ປ້ອງກັນຕົນເອງ ຈາກການເຄື່ອນໄຫວ ແບບບໍ່ເປັນມິດ ຂອງຕະຫລາດ.

ທີ່ກອງປະຊຸມ ໃນວັນເສົາມື້ນີ້ ພວກຜູ້ນຳ ຂອງຢູໂຣບ ຮັບຮູ້ວ່າ ບັນຫາໃນກຣີສ ອາດແຜ່ລາມ ອອກໄປຍັງ ປະເທດທີ່ມີບັນຫາອື່ນໆ ເຊັ່ນສະເປນ ແລະ ປອກຕຸຍການ.

ລັດຖະມົນຕີການເງິນ ຈາກໝົດທັງ 27 ປະເທດ ສະມາຊິກ ຂອງ ສະຫະພາບຢູໂຣບ ມີກຳນົດ ຈະປະຊຸມກັນ ທີ່ນະຄອນ ບຣັດເຊີລສ໌ ໃນວັນອາທິດມື້ອື່ນ ເພື່ອຮັບຮອງເອົາ ມາຕະການພິເສດ ຈຳນວນນຶ່ງ ທີ່ແນໃສ່ ເພື່ອຫາທາງ ສ້າງຄວາມສະງົບ ໃຫ້ແກ່ຕະຫຼາດການເງິນ ທີ່ເກີດຄວາມວຸ້ນວາຍ ຍ້ອນວິກິດການ ທາງດ້ານໜີ້ສິນ ຂອງກຣີສ ກ່ອນເປີດຕະຫຼາດ ໃນມື້ວັນຈັນ ຈະມາ.

XS
SM
MD
LG