ລິ້ງ ສຳຫລັບເຂົ້າຫາ

ກຣີສ ກໍາລັງປະເຊີນກັບ ຄວາມ​ບໍ່​ແນ່ນອນ ທາງ​ການ​ເມືອງ ຫຼາຍຂຶ້ນ

  • ວັນນະສອນ​ ແກ້ວດາຣາ

ທີ່​ປະ​ເທດ Greece

ພວກ​ປ່ອນ​ບັດ​ເລືອກ​ຕັ້ງ​ໄດ້​ກົດ​ດັນ​ໃຫ້​ປະ​ເທດ​ຊາດ​ເດີນທາງ​ໄປ​ສູ່ຄວາມ​ບໍ່​ແນ່ນອນ
​ທາງ​ການ​ເມືອງຫຼາຍ​ຂຶ້ນ ຫຼັງ​ຈາກ​ບໍ່​ມີ​ພັກໃດສາມາດ​ໄດ້ຮັບ​ຄະ​ແນນ​ສຽງສູງພໍທີ່​ຈະ
​ຈັດ​ຕັ້ງຄະນະຣັດຖະບານ​ໄດ້.​

ຜົນ​ອອກມາ​ໃນ​ວັນ​ຈັນ​ມື້​ນີ້​ຈາກ​ການ​ເລືອກ​ຕັ້ງສະພາ​ກ່ອນ​ໜ້ານີ້​ສະ​ແດງ​ໃຫ້​ເຫັນ​ວ່າ
​ພັກ New Democracy ​ໄດ້​ຮັບ​ຄະ​ແນນ​ສຽງ​ປະມານ 19% ຊຶ່ງ​ເປັນ​ຄະ​ແນນ​ທີ່​ສູງ
​ກວ່າ​ພັກ​ການ​ເມືອງອື່ນ​ໃດ​ ​ແຕ່​ມັນກໍ​ຍັງໄກ​ຫຼາຍ ຈາ​ກຈໍານວນສຽງທີ່ຈໍ​າເປັນເພື່ອ
​ປະກອບ​ລັດຖະບານ​ຂອງ​ຕົນ​ເອງ​.

ພັກ ສັງຄົມ​ນິຍົມ​ PASOK ​ໄດ້​ຮັບ​ຄະ​ແນນ​ສຽງໜ້ອຍ​ກວ່າ 14% ຫຼັງ​ຈາກ​ທີ່ໄດ້
44% ​ເມື່ອ 3 ປີ​ກ່ອນ​ ທີ່​ພາ​ໃຫ້ໄດ້​ຂຶ້ນກໍາ​ອໍານາດໃນ Greece ນັ້ນ.​ ພັກ Syriza
​ຫົວ​ອຽງ​ຊ້າຍ ທີ່ຕໍ່ຕ້ານການ​ຊ່ອຍ​ກູ້​ໜີ້​ສິນ ຂອງ EU ນັ້ນ ໄດ້​ຮັບ ປະມານ 17%
ໃນ​ການ​ເລືອກ​ຕັ້ງໃນວັນ​ອາທິດ​ວານ​ນີ້.

ບັດ​ນີ້ ທ່ານ​ Antonis Samaras ຜູ້​ນໍາພັກ New Democracy ມີ​ເວລາ​ພຽງ 3 ມື້​
ທີ່​ຈະຈັດ​ຕັ້ງລັດຖະບານ​ປະສົມຂຶ້ນມາ. ຄາດ​ວ່າ ທ່ານ​ຈະຈັດໃຫ້​ມີການ​ຫາລື​ກັນໃນ
​ບ່າຍ​ວັນ​ຈັນ​ມື້​ນີ້. ຖ້າ​ຫາກ​ວ່າ​ບໍ່​ສາ​ມາດຈັດ​ຕັ້ງລັດຖະບານ​ປະສົມຂຶ້ນມາ​ໄດ້ ພາຍ​ໃນ
3 ວັນ​ແລ້ວ ກໍ່​ແມ່ນ​ວ່າ​ ໜ້າ​ທີ່ດັ່ງກ່າວຈະ​ຕົກ​ເປັນຂອງ​ກຸ່ມ​ເລັກໆ​ໜ້ອຍໆ​ໄປ​ ໜ້າ​ທີ່.




XS
SM
MD
LG