ລິ້ງ ສຳຫລັບເຂົ້າຫາ

16 ເສຍຊີວິດ ຢູ່ງານສະແດງ ຄອນເສີດ ໃນເກົາຫຼີໃຕ້


ທີ່ເກົາຫຼີ​ໃຕ້ ມີຢ່າງ​ນ້ອຍ 16 ຄົນ​ເສຍ​ຊີວິດໃນເມືອງ Seongnam ໃນເວລາຮູລະບາຍອາກາດ ທີ່ພວກເຂົາເຈົ້າຢືນຢູ່ເທິງນັ້ນ ໄດ້ຍຸບພັງລົງ. ເຈົ້າໜ້າທີ່ຕຳຫລວດ ກວດເບິ່ງຈຸດເກີດເຫດ ດັ່ງກ່າວ, ວັນທີ 17 ຕຸລາ 2014.

ທີ່ເກົາຫຼີ​ໃຕ້ ມີຢ່າງ​ນ້ອຍ 16 ຄົນ​ເສຍ​ຊີວິດ ຫຼັງຈາກ​ທີ່​ຕາ​ໜ່າງ​ເຫຼັກ
ງວມປ່ອງລະບາຍອາກາດ ທີ່​ພວກ​ເຂົາ​ເຈົ້າຢືນ​ຢູ່​ເທິງ​ນັ້ນ ​ໄດ້​ຍຸບພັງ
​ລົງ ຢູ່ບ່ອນສະ​ແດງ​ຄອນ​ເສີດ ​ໃກ້ໆ​ກັບ​ນະຄອນຫລວງ​ໂຊ​ລ.

​ບັນດາ​ເຈົ້າໜ້າ​ທີ່ ກ່າວ​ວ່າ ອີກ 11 ຄົນ​ໄດ້​ຮັບ​ບາດ​ເຈັບ​ ໃນ​ອຸບັດ​
ເຫດ​ດັ່ງກ່າວ ຢູ່​ບ່ອນສະ​ແດງ​ກາງ​ແຈ້ງຂອງ​ວົງ​ດົນຕີຍິງ​ລ້ວນ ທີ່ຊື່
ວ່າ 4Minute ທີ່​ໄດ້​ຮັບ​ຄວາມນິຍົມ​ຊົມ​ຊອບຢ່າງ​ຫຼວງຫຼາຍ ​ໃນ​
ເມືອງ Seongnam ທາງ​ພາກ​ໃຕ້​ຂອງ​ນະຄອນຫລວງ.

ນາຍົກລັດຖະມົນຕີ​ເກົາຫຼີໃຕ້ ທ່ານ Chung Hong-won ​ໄດ້ໄປ
ຢ້ຽມ​ເບິ່ງຈຸດ​ເກີດ​ເຫດ​ໃນ​ວັນ​ສຸກ​ວານ​ນີ້ ​ແລະ​ໄດ້​ຮັບ​ຟັງ​ລາຍ​ງາ​ນ​ຈາກພວກເຈົ້າໜ້າ​ທີ່ສຸກ​ເສີນ.

ພວກ​ໄປຊົມ​ຄອນ​ເສີດ​ ​ໄດ້ຕົກລົງ​ໄປ​ໃນ​ຮູ​ຊີມັງລະບາຍ​ອາກາດ​ໃຫຍ່ໆ​ນັ້ນ​ ຢ່າງ​ນ້ອຍ 30 ​ແມັດ ທີ່ເຊື່​ອມຕໍ່​ໄປ​ໃສ່​ບ່ອນຈອດ​ລົດ​ຢູ່ໃຕ້​ດິນ.

ມີຫຼາຍກວ່າ 700 ຄົນ ເຂົ້າ​ໄປ​ຊົມ​ການສະ​ແດງ​ກາງ​ແຈ້ງ​ດັ່ງກ່າວ.

XS
SM
MD
LG