ລິ້ງ ສຳຫລັບເຂົ້າຫາ

ສະພາກຣິສ ຮັບຜ່ານ ແຜນການຕັດລາຍຈ່າຍລົງອີກ ທ່າມກາງຄວາມໂກດແຄ້ນ ຂອງປະຊາຊົນ (ເບິ່ງວີດີໂອ)

  • ວັນນະສອນ ແກ້ວດາຣາ

ສະພາກຣິສ ຮັບຜ່ານ ແຜນການຕັດລາຍຈ່າຍລົງອີກ ທ່າມກາງຄວາມໂກດແຄ້ນ ຂອງປະຊາຊົນ (ເບິ່ງວີດີໂອ)

ສະພາ​ແຫ່ງຊາດຂອງກຣິສ ໄດ້ຮັບຜ່ານ​ແຜນການ​ຕັດ​ການ​ໃຊ້ຈ່າຍແລະໜ້າວຽກລົງ
ທີ່ເປັນຂໍ້ບັງຄັບຂອງພວກ​ໃຫ້​ເງິນ​ກູ້​ຢືມນາໆຊາດ ຊຶ່ງພາໃຫ້ກຣິສ ຫຍັບເຂົ້າໃກ້ຄວາມ
ເປັນຈິງ​ຫລາຍ​ຂຶ້ນ ​ໃນ​ການ​ທີ່​ຈະ​ໄດ້​ເງິນ​ຊ່ອຍເຫລືອ​ກູ້​ໜີ້​ສິນ​ກ້ອນ​ໃໝ່​ນັ້ນ.

ພວກ​ຜູ້​ແທນ​ກຣິສ​ໄດ້​ຮັບຮອງ​ເອົາ​ແຜນການ​ປະຢັດ​ມັດທະຍັດດັ່ງກ່າວ​ໃນ​ຕອນ​ເດິກວັນ
ອາທິດວານ​ນີ້​ ຫຼັງຈາກທີ່ພວກປະທ້ວງໄດ້ຈູດເຜົາຕຶກອາຄານ,​ທຸບແກ້ວກະຈົກ ແກວ່ງ
ກ້ອນຫີນແລະລະເບີດນໍ້າມັນ ໃສ່ພວກຕໍາຫລວດ ທີ່​ໄດ້ຮັບມືກັບພວກປະທ້ວງດ້ວຍ
ແກສນໍ້າຕາ. ມີພວກປະທ້ວງປະມານ 100,000 ພາກັນ​ເດີນ​ຂະ​ບວນ​ໄປຕາມຖະໜົນ
ຫົນທາງໃນນະຄອນຫລວງ Athens ແລະ​ໃນ Thessaloniki ເມືອງໃຫຍ່ອັນ​ດັບ
ສອງຂອງກຣິສ.

ມີຕຶກຢ່າງນ້ອຍ 10 ຫຼັງໄດ້ຖືກຈຸດໄຟເຜົາ ​ໃນ​ກຸງ Athens ຊຶ່ງຮວມທັງໂຮງຮູບເງົາ
ຮ້ານກາເຟ ແລະທະນາຄານນໍາ.

ນາຍົກລັດຖະມົນຕີ Lucas Papademos ໄດ້ປະນາມ​ການ​ກໍ່ຄວາມຮຸນແຮງນີ້ ວ່າ​ເປັນ
ການກະທໍາທີ່ບໍ່ມີ ຢູ່​ໃນ​ລະບອບປະຊາທິປະໄຕ.

ພວກປະທ້ວງທັງຫຼາຍນັ້ນແມ່ນມີຫຼາກຫຼາຍ ຮວມທັງພວກຊາຍໜຸ່ມທີ່ໃສ່ໜ້າກາກແລະ
ແຖຫົວ ພວກຄອບຄົວ​ແລະຜູ້ເຖົ້າຜູ້ແກ່. ຊາວກຣິສຈໍານວນຫຼາຍ ກ່າວວ່າ ພວກເຂົາເຈົ້າ
ນັ້ນໄດ້​ເສຍ​ສະລະມາຫຼາຍພໍແລ້ວ​ ​ໃນ​ຂະນະ​ທີ່ທາງ ລັດຖະບານພະຍາຍາມ​ດິ້ນຮົນ ​
ເພື່ອ​ໃຫ້​ພົ້ນ​ຈາກໜີ້ສິນອັນ​ມະຫາສານ​ຂອງປະເທດ ​ແລະ​ການລົ້ມລະລາຍນັ້ນ.

XS
SM
MD
LG