ກອງທັບຊີເຣຍໄດ້ທະວີການໂຈມຕີຂອງຕົນຂຶ້ນ ຕໍ່ເມືອງ Aleppo ຊຶ່ງເປັນເມືອງທີ່ໃຫຍ່ທີ່
ສຸດຂອງປະເທດນັ້ນ ໂດຍການລະດົມຍິງຢ່າງໜັກໃສ່ຄຸ້ມຕ່າງໆ ທີ່ຢູ່ໃຕ້ການຄວບຄຸມຂອງ
ຝ່າຍກະບົດ ດ້ວຍລົດຖັງແລະເຮືອບິນເຮລີຄອບເຕີ້.
ທະຫານຊີເຣຍໄດ້ຍິງລູກປືນໃຫຍ່ ກະໜໍ່າໃສ່ຄຸ້ມ Salaheddin ແລະຄຸ້ມອື່ນໆຂອງພວກ
ກະບົດ ປານສາຍຝົນ ໃນວັນເສົາມື້ນີ້ ຂະນະທີ່ພວກຊາວເມືອງພາກັນຫລົບໄພໄປຢູ່ໃນຫ້ອງ
ໃຕ້ດິນ ຫລືບໍ່ກໍໜີອອກໄປສູ່ເຂດຊົນນະບົດ.
ພວກສື່ທີ່ນິຍົມລັດຖະບານໄດ້ກ່າວເຕືອນເຖິງອັນທີ່ເຂົາເຈົ້າເອີ້ນວ່າ ການຕໍ່ສູ້ຄັ້ງຮ້າຍແຮງທີ່
ສຸດກໍາລັງຈະມາເມືອງ Aleppo. ທັງສະຫະລັດ ອັງກິດ ແລະອົງການສະຫະປະຊາຊາດ
ຕ່າງກໍໄດ້ກ່າວສະແດງຄວາມຕົກໃຈແລະເປັນຫ່ວງຫລາຍຂຶ້ນເລື້ອຍໆ ນໍາການສັງຫານໝູ່
ທີ່ກໍາລັງຈະເກີດຂຶ້ນຢູ່ທີ່ນັ້ນ.
ມີປະຊາຊົນເກືອບ 3 ລ້ານຄົນ ອາໄສຢູ່ໃນເມືອງ Aleppo ທີ່ຕັ້ງຢູ່ທາງພາກຕາເວັນຕົກສຽງ
ເໜືອຂອງຊີເຣຍ ແລະໂດຍສ່ວນໃຫຍ່ແລ້ວ ແມ່ນບໍ່ໄດ້ຖືກກະທົບຍ້ອນການສູ້ລົບກັນ ຈົນກະ
ທັ່ງຫວ່າງ 2-3 ອາທິດ ຜ່ານມານີ້.