ລັດຖະບານອີຕາລີໄດ້ຮັບຮອງເອົາການຕັດງົບປະມານລົງຢ່າງຫລວງຫລາຍທີ່ຮຽກຮ້ອງໂດຍທະນາຄານແຫ່ງຊາດຂອງສະຫະພາບຢູໂຣບ ເຖິງແມ່ນມີການຄັດຄ້ານຈາກພາກພື້ນຕໍ່ການເຄື່ອນໄຫວທີ່ວ່ານີ້ກໍຕາມ.
ບັນດາເຈົ້າໜ້າທີ່ອີຕາລີກ່າວໃນວັນສຸກວານນີ້ວ່າ ການເອົາມາດຕະການປະຢັດມັດທະຍັດນີ້
ແມ່ນຮວມທັງການຕັດຄ່າໃຊ້ຈ່າຍລົງ 28 ຕື້ໂດລາໃນປີໜ້າແລະ 35 ຕື້ໂດລາໃນປີ 2013.
ບັນດາຜູ້ນໍາໃນພາກພື້ນກ່າວວ່າ ແຜນການດັ່ງກ່າວຈະສ້າງຄວາມເຈັບປວດໃຫ້ແກ່ພວກຄົນ
ທຸກຍາກ.
ໂຄງການດັ່ງກ່າວມີວັດຖຸປະສົງ ເພື່ອເຮັດໃຫ້ງົບປະມານຂອງອີຕາລີມີຄວາມດຸນດ່ຽງພາຍ
ໃນປີ 2013 ຕາມທີ່ະນາຄານແຫ່ງຊາດຂອງສະຫະພາບຢູໂຣບຕ້ອງການ ເພື່ອສະໜັບສະ
ໜຸນພັນທະບັດຂອງອີຕາລີນັ້ນ.
ອັດຕາດອກເບ້ຍພັນທະບັດເຫລົ່ານີ້ໄດ້ຖີບໂຕສູງຂຶ້ນ ໃນສັບປະດາແລ້ວນີ້.
ໃນຂະນະດຽວກັນດັດຊະນີຫຸ້ນໃນຕະຫຼາດຢູໂຣບໄດ້ຖີບໂຕສູງຂຶ້ນໃນວັນສຸກວານນີ້ ເປັນມື້
ທີສອງລຽນຕິດ ຊຶ່ງລາຄາຫຸ້ນໃນຕະຫຼາດທີ່ສໍາຄັນໃນອັງກິດ ຝຣັ່ງ ແລະເຢຍຣະມັນ ສູງຂຶ້ນ
ຫລາຍກວ່າ 3 ເປີເຊັນ.
ລາຄາຕະຫຼາດຫຸ້ນໃນສະຫະລັດກໍສູງຂຶ້ນໃນວັນສຸກວານນີ້ ຫລັງຈາກປະສົບກັບລາຄາບໍ່ທຸ່ນ
ທ່ຽງໃນສັບປະດາຜ່ານມາໃນຕະຫຼາດໂລກນັ້ນ. ສ່ວນດັດຊະນິຫຸ້ນໃນຕະຫຼາດເອເຊຍແມ່ນ
ມີທັງຂຶ້ນແລະລົງ ເວລາຕະຫຼາດອັດ.