ລິ້ງ ສຳຫລັບເຂົ້າຫາ

ການາ ເຄັນຢາ ມາລາວີ ຖືກເລືອກ ເປັນບ່ອນ ທົດລອງ ຢາວັກຊີນ ກັນໄຂ້ຍຸງ


ພວກເດັກນັກຮຽນ ປະຖົມສົມບູນ ເຂົ້າຮ່ວມກິດຈະກຳ ໃນຫ້ອງຮຽນ ໃນເລື່ອງຂອງ ພະຍາດມາລາເຣຍ ແລະ ວິທີປ້ອງກັນ ພວກເຂົາເຈົ້າເອງ ຢູ່ປະເທດມາລາວີ.

ອົງການອະນາໄມໂລກ ຫຼື World Health Organization (WHO) ໄດ້ເລືອກເອົາ
ປະເທດ ການາ ເຄັນຢາ ແລະ ມາລາວີ ໃຫ້ເປັນປະເທດທຳອິດ ບ່ອນທີ່ ຢາວັກຊີນ
ປ້ອງກັນມາລາເຣຍ ຫຼື ໄຂ້ຍຸງ ຈະຖືກທົດລອງ ກັບພວກເດັກນ້ອຍ ໃນປີໜ້າ.

ຢາວັກຊີນ ທີ່ໃຊ້ສຳລັບສັກໄດ້ ທີ່ຮູ້ກັນໃນຊື່ RTS,S, ຫຼື Mosquirix ໄດ້ຖືກຜະລິດຂຶ້ນ
ມາໂດຍ ບໍລິສັດ ເພສັດສະກຳ GlazoSmithKline ຂອງອັງກິດ.

ໃນປະເທດ ມາລາວີ ພວກເດັກນ້ອຍຮຽນຮູ້ ກ່ຽວກັບ ພະຍາດມາລາເຣຍ ຫຼື ໄຂ້ຍຸງ ແລະ ພວກຍຸງ ທີ່ເປັນພາຫະນະ ນັ້ນ ຢູ່ໃນຫ້ອງຮຽນ ຂອງໂຮງຮຽນ. ຄູສອນຄົນນຶ່ງ ອະທິບາຍ ກ່ຽວກັບ ຍຸງ ແລະ ພະຍາດມາລາເຣຍ.
ໃນປະເທດ ມາລາວີ ພວກເດັກນ້ອຍຮຽນຮູ້ ກ່ຽວກັບ ພະຍາດມາລາເຣຍ ຫຼື ໄຂ້ຍຸງ ແລະ ພວກຍຸງ ທີ່ເປັນພາຫະນະ ນັ້ນ ຢູ່ໃນຫ້ອງຮຽນ ຂອງໂຮງຮຽນ. ຄູສອນຄົນນຶ່ງ ອະທິບາຍ ກ່ຽວກັບ ຍຸງ ແລະ ພະຍາດມາລາເຣຍ.

ການທົດລອງ ຈະມີຂຶ້ນ ກັບພວກເດັກທາລົກ ແລະ ເດັກນ້ອຍ ອາຍຸ ລະຫວ່າງ 5 ຫາ
17 ເດືອນ.

ມາລາເຣຍ ເປັນພະຍາດ ທີ່ເປັນໄພຂົ່ມຂູ່ຕໍ່ຊີວິດ ທີ່ເກີດມາຈາກພວກກາຝາກ ທີ່
ຕິດແປດພວກຜູ້ຄົນ ໂດຍຜ່ານການຂົບຂອງ ພວກຍຸງໂຕແມ່ ທີ່ຕິດເຊື້ອພະຍາດນັ້ນ.

ອົງການ WHO ໄດ້ກ່າວໃນຖະແຫລງການ ສະບັບນຶ່ງ ກ່ຽວກັບໂຄງການທົດລອງ ວ່າ
"ຈະປະເມີນຜົນ ຄ່າໃຊ້ຈາຍທີ່ເປັນໄປໄດ້ ໃນການສັກຢາວັກຊີນ RTS,S 4 ເທື່ອ
ໃນດ້ານບົດບາດຄວາມເປັນໄປໄດ້ ຂອງຢາວັກຊີນ ໃນການຫລຸດຜ່ອນການເຊຍຊີວິດ ລະຫວ່າງການເຕີບໂຕຂອງພວກເດັກນ້ອຍ ແລະ ຄວາມປອດໄພຂອງຢາ ໃນການ
ນຳໃຊ້ຕາມປົກກະຕິ."

ອ່ານຂ່າວນີ້ຕື່ມ ເປັນພາສາອັງກິດ

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG